¹ Yeso adzhena Jerikho a fhira nga vhukati hawo. ² Sedza, ho vha huna munna henefho ane a pfi Zakhewo. O vha a muhulwane wa vhathelisi nahone o pfuma. ³ vha a tshi lingedza u vhona uri Yeso ndi u fhio, fhedzi a kundwa u mu vhona nga livhanga la gogo la vhathu, ngauri o vha a mupfufhi. ⁴ A mbo ḓi gidimela phanḓa ha vhathu a gonya nṱha ha muri wa muskhamari uri a mu vhone, ngauri Yeso o vha a tshi ḓa u fhira nga henefho. ⁵ Musi Yeso a tshi swika henefho, a sedza nṱha a ri khae, ''Zakhewo, i tsa nga u tavhanya, namusi ndi kho tea uyo dzula nnḓuni yau.'' ⁶ A tsela fhasi nga u ṱavhanya, a mu ṱanganedza nga dakalo lihulu. ⁷ Musi vha tshi vhona izwi, vha gungula, vha tshi ri , ''O ṱuwa a yo dalela munna a re mutshinyi.'' ⁸ Zakhewo a ṱakuwa a ri kha Murena, '' Sedza. Murena, tshipida tsha thundu yanga ndi ḓo fha vha shai, huno arali huna munwe we nda mu fhura nga tshithu tshawe, ndi ḓo mu lifhela tsho engedzwa luna.'' ⁹ Yeso a ri khae, ''Namusi hei nnḓu yo tshidzwa, ngauri ne ene ndi nwana wa Abrahamu. ¹⁰ Nahone Murwa Muthu o ḓa ṱoḓa na u tshidza vhathu vho xelaho.'' ¹¹ A fho vha tshi kha ḓi pfa izwo zwithu, a isa phanḓa nga u amba na u vha vhudza tshifanyiso, ngauri o vha o no vha tsini na Yerusalema, izwo vha humbula uri muvhuso wa Mudzimu ndi hone u tshi ḓo bvelela nga tshihadu. ¹² A ri ngauralo, ''Munwe munna wa vhu i mo ha ntha o ya shangoni la kule uri a yo ṱanganedza vuhosi hawe a konou vhuya. ¹³ A vhudza vhanwe vhashumi vhawe vhafumi a vha nea bonndo dza fumi a ri khavho , 'Ni sale ni tshi ita bindu u swika ndi tshi vhuya,' ¹⁴ ''Fhedzi vhanwe vhafhaṱedzani ngaye vho vha vha tshi mu venga nahone vha ruma vhaḓinnda murahu hawe, vha tshiri, 'Hoyo munna a ri vhuyi ra toḓa a tshii ri vhusa.' ¹⁵ Zwa itea uri musi o no vhuya, o no ṱanganedza vhuhosi, a ḽaedza uri v hala vhashumi vhawe vhe a vha fha tshelede vha vhidziwe, a kone u ḓivha mbuelelo vha ya wana vha tsi ita bindu. ¹⁶ ''Wa u thoma a ḓa phanḓa hawe a tshiri, ' Mune wanga, bonndo yavho yo ita dzinwe bonndo dza fumi.' ''Munw wawe a ri khae, ¹⁷ 'Woita zwivhuya, mushumi wavhudi. Ngauri wo kona ufhulufhedzeya kha izwi zwitṱukuṱuku, u ḓo vha na maanda kha ma ḓorobho a fumi.' ¹⁸ ''Wa vhuvhili a ḓa, a tshiri, ' Bonndo yavho, mune wanga yo ita bonndo ṱhanu,' ¹⁹ ''Mune wawe a ri khae, ' U ḓo vhusa kha ma ḓorobho maṱanu,' ²⁰ "Munwe a ḓa a tshiri, ' Mune wanga, khei bonndo yavho, ndo vha ndo i vhea zwavhuḓi kha labi, ²¹ ndovha ndi tshi vha ofha, ngauri vha muthu a no vhilesa. Vha dzhia zwine vha songo zwi shumela, na u kana he vha si lime.' ²² ''Mune wawe a ri khae, 'Nga maipfi a u eneyo ndi ḓo u haṱula ngawo, iwe mushumi u sa ḓivhalei. Wo zwi divha uri nne ndi muthu o no vhilesa, o no dzhia zwine a songo zwishumela, na u kana he nda si lime. ²³ Zwino ndi ngani u songo vhea thelede yanga bhangani, uri musi ndi tshi vhuya ndi i dzhie yo no dzwala?' ²⁴ Munne wavho a ri kha a vho vhe vha vho ima henefho, ' Mudzhiyeleni heyo bonndo, ni fhe ula a re na fumi la bonndo,' ²⁵ ''Vha ri khae, ' Mune washu, u na fumi la bonndo? ²⁶ ''Ndi ri kha inwi, muthu woṱhe a ne a vha na zwawe u ḓo engedzwa, fhedzi kha u yo a sina, u ḓo dzhielwa zwenezwo zwine a vha nazwo. ²⁷ Fhedzi a ya maswina anga, e a vha a sa funi ndi tshi vha khosi yawo, a ḓiseni afha ni a vhulahe phanḓa hanga.'' ²⁸ Musi o no amba zwithu izwi, a fhirela phanda, a gonyela ntha Yerusalema. ²⁹ Zwa ḓa ngauri musi a tshi sendela tsini na Bethefage na Bethania, kha thavha i nopfi Muolivi, a ruma vhafunziwa vhawe vahvhili, ³⁰ a tshiri, ''Iyani mudini hoyo u re afho phanda. Ni ḓo ri ni tshi dzhena, na wana ḓonngana i sathu vhuya ya namelwa. Ni i vhofholole ni i ḓise kha nne. ³¹ Arali vha ni vhudzisa, 'Ndi ngani ni tshi i vhofholola?' ni ri, 'Murena vha kho i ṱoḓa.'' ³² A vho vho vha vho rumiwa vha ṱuwa vha i wana ḓonngana sa hezwo Yeso ovha o vha vhudza. ³³ Afho vha tshi kha di vhofholola ḓongana, vhane vhayo vhari khavho, ''Ndi ngani ni tshi khou vhofholola ḓongana?'' ³⁴ Vhone vhari, "Murena vha kho i ṱoḓa.'' ³⁵ Vha i sa kha Yeso, vha konou kapeya nguvho dzavho kha ḓonngana vha namedza Yeso khayo. ³⁶ A tshi khouṱuwa, vha adza nguvho dzavho nḓilani. ³⁷ A ri a tshi vho sendela fhethu hune ndila ya tsa na thavha ya Muolivi, vhudzhi ha vhafunziwa vha thoma u ṱakala na u luvha Mudzimu nga ipfi la nṱha kha mishumo yoṱhe mihulwane vhe vha i vhona, ³⁸ vha tshi ri, ''Nga hu rendwe khosi i ḓaho nga dzina la Murena! Mulalo makoleni na thendo ṱadulu ṱadulu!'' ³⁹ Vhanwe vha Vhafarisei vho vha vha vhukati ha vhathu vhari khae, ''Mudededzi, kaidza vhafunziwa vhawu.'' ⁴⁰ Yeso a fhindula a ri, ''Ndi a ni vhudza, arali avha vha fhumula, matombo a ḓo vha o ne a no lilela ntha. ⁴¹ Musi Yeso a tshi vho sendela ḓoroboni, a li lilela, ⁴² a tshi ri, ''Ngavhe wo vha wo ḓivha nga zwa ḓuvha ili, na iwe, zwiṱhu zwino ḓisa mulalo! Fhedzi zwino vho dzumbana kha mato a u. ⁴³ Hu ḓo ḓa maḓuvha kha iwe musi vha vhengi vha u vha ḓo fhaṱa nndu ya u lwela thungo dzau dzoṱhe na u tingeledza na u pwanyeledza kha iwe thungo dzoṱhe. ⁴⁴ Vha ḓo u zwambulela fhasi, na vhana vhau. Vha nga si sii na tombo na lithihi li re nṱha ha linwe ngauri a u ngo kona u ḓivha tshifhinga tshe wa dalelwa nga tsho.'' ⁴⁵ Yeso a dzhena thembeleni a thoma u pandela nnḓa vhoṱhe vho vha vha tshi khou rengisa, ⁴⁶ a tshi ri khavho, '' Ho nwaliwa hapfi, 'Nndu yanga i ḓo vha nnḓu ya thabelo, ' fhedzi inwi no no ita bako la mavemu.'' ⁴⁷ Yeso o vha a tshi dededza ḓuvha linwe na linwe thembeleni. Vho tshifhe vhahulwane na vha nwali vha milayo vho vha vha tshi toḓa u mu pwasha, ngauri ndivhone vho vha vha vharangaphanḓa vha vhathu, ⁴⁸ fhedzi vha si wane vho vha vho mu thetshelesesa.