6 ¹ Yaz mangc phătc Pa-jiz yungh coib woa nhlic nomz yeenx woax zanyf, woa pyâyz tauh stengb hauđ, naih ah tauh hamv stingb buib cayx năngđ bah congz haoh nâyx nănh coong, “Taih gôh! ² Yaz mangc woa cah đangc songđ phătc ah lanh munh zâyh maf pec puf nzauf nađ songz, yâuc tuz stipx ah nomz banyh tênb mouc, yâuc suyb maf seetb ninyh năngđ munh tuz hingh muif hungđ zuc buc nănh. ³ Pa-jiz yungh coib tah nyâyc nomz yeenx, yaz numđ tah nyâyc tauh stengb hauđ êu Coong, “Taih gôh!" ⁴ Songđ phătc naih ah tauh maf stib cayx năngđ tâuf nâyx seetb taih. Zâyh maf woax lanh nănh yâuc tuz stipx lanyf zoz pengh stymz gâyh bamh canz. Wâyc ayx phunz bamh canz lanh tayx lanh. Nănh yâuc tuz stipx ah zungz nzuc đao lub. ⁵ Pa-jiz yungh coib tah stamz nomz yeenx woax zanyf, yaz numđ tah stamz tauh stengb hauđ êu yaz coong, “Taih gôh! Yaz mangc woa cah đangc phătc ah tauh maf jaz, zâyh maf woax tauh munh puf nzauf ah tauh nzăngv. ⁶ Yaz numđ naih stingb coong woac seetb woa pyâyz tauh stengb hauđ taih coong, “Ah noib congz stynh cungb wănc tuz ah sanz blauh, ah noib congz stynh lauf cungb wănc tuz pôz sanz (blauh makc.) six woax đomc tungh cuđ tyu, cloon (ô-liu-yâuh) yâuc năngx gâyf tongf tauv. ⁷ Pa-jiz yungh coib tax stâyx nomz yeenx woax zanyf, yaz numđ tah stâyx woax tauh stengb hauđ coong, “Taih nây gôh! ⁸ Yaz mangc cah đangc songđ phătc naih ah tauh maf njămx mengz seetb taih, zâyh maf woax tauh naih bux hipđ ayx, zuc tayc muf woa yămz pâu woax tauh. Nănh lêpc đangz ninyh, nănh tuz stipx lanyf nongc nzuc đao tayx nây bamh canz tayc pyâyz phănc ah phănc, ah po tayc wâyc nyâuđ sab năngv. Ah po zuc staiz nanc hoiđ, ah po yâuc zuc stanyb hauđ yez tăpc tayc. ⁹ Pa-jiz yungh coib tah ngâuf nomz yeenx, yaz mangc woa gomc hoomb phătc woax đomc naih stymz ayx zanyx manyf phunz Tênb-Hungh bix zuc munh tayx tayc woax đomc munh nyăngz mengc hoonh, ¹⁰ “Nănh stiz zuc hoiđ mengc woax đomc munh hamv coong, “Seenz nyăngz đăngb zengh woax tauh Zâu lex! Mâyh cayx zu tauv laiv zanyf mâyh nzăngđ tingc nây bamh canz munh clao ayx hoiđ buz woax đomc munh neh? ¹¹ Nănh stiz woax đomc munh tuz stipx lanh byenđ gwuyz đao pec, yâuc numđ naih woac bux êu nănh stiz coong nyâuh zu tikx cay tymb năngx caux munh đangc, yâuc cloon woax đomc ayx Njâuv Zâu nyăngz cumh pâuz munh cloon pănh yâuf pez zuc tayx tayc woax đomc. ¹² Pa-jiz yungh coib tah guc nomz yeenx woax zanyf, yaz mangc phătc nib đănz tongf nzongf, bah noib mătb jaz cayx năngđ ah phunb buyx jaz nâyx nzac taih tăng, lav yâuc njaox stib cayx năngđ samđ nâyx. ¹³ Đamx Gungh nyăngz stingz tau, tuih nzac nib taih, cayx năngđ nzaox sâyb vănx tauh pyâu blâyc mengz nâyx, ¹⁴ Gungh glonf ninyh năngđ glonf stâub nâyx clakx clunh. Muif nomz zoongz, muif nomz coiđ, zuc stuyđ tync nzuf. ¹⁵ Gungh đi Hungh stix, cloon ayx pengz munh, cloon puv quâyx munh, cloon naih lanyf nyăngz munh, cloon ayx nâuh munh, cloon dluyh stymz nyăngz munh, tyuv ninyh mem woa njauz bengh ngamh, cloon zoongz zâyc nof jeenz njauz ngamh. ¹⁶ Nănh stiz hamv êu zoongz zâyc, cloon njauz bengx lakb nzac taih tăng nzez stiz, max bây nănh stiz mangc phătc stâyv woa Hungh tync woax tauh, cloon Pa-jiz yungh nhleenx nănh stiz. ¹⁷ Wâyc zuc toix siv nhleenx woax noib taih tauv naih mănv hayh tanyđ tuz? 144.000 lanh Y-sa-la-ên munh