15 ¹ Yaz phătc pitc hungđ jix caox njingc nzongf hynđ woa gungh stymz, naih nhlic tauh stynz-munh nzauf nhlic hungđ staiz nanc, six pây tauv môtc zapz Tênb-Hungh hănđ stoif nyăngz staiz nanc. ² Yaz phătc ah cuyb cayx năngđ coiđ eng canyx zanb tâuf nâyx, Yeetx stong tuz hingh quaix stengb hiv, cloon max congx nănh hanyh jangx, max naih stengb hiv sôx cloon bux nyăngz munh, nănh stiz stâuđ woa coiđ synh jom Tênb-Hungh nyăngz lanyh njămh. ³ Nănh stiz ayx Mô-sê nyăngz nzungz, Tênb-Hungh nyăngz cumh pâuz munh, Cloon pa-jiz yungh nyăngz nzungz, stiz ayx nzungz Coong, “dlênc quaix nyăngz Zâu Tênb-Hungh lex! Mâyh nyăngz cumh pâuz seenz lub yâuc njingc nzongf, muif stingx munh nyăngz Hungh lex! Mâyh ayx nyăngz jau, six seenz gâyf cloon pengh stymz. ⁴ Zâu lex! muif lanh six zuc ayx nzungz tanv Mâyh, yâuc cumh nzav Mâyh! Zâu seenz ah tauh đăngb zengh, Muif stingx nyeenh mănh six zuc yămz Mâyh cah đangc paix bongc mâyh, wâyc zuc nyeenh mănh phătc Mâyh payb cumh pâuz seetb yangh six pengh stymz. ⁵ Quaix đangz yaz mangc phătc yămz woa Tênb-toongh coib goib, songđ phătc congx Hungh nyunc woac njiuh. ⁶ Naih nhlic tauh Stynz-munh nzâyz nhlic hungđ staiz nanc, tăng woa congx Hungh tync seetb taih, zuz đôc buyx gwuyz pec buđ pec đăngb zengh, yâuc naih sămz câuv pongz cah lapc. ⁷ Pyâyz tauh stengb hauđ, naih ah tauh jaoz phunz banc stâyv săngh woax tauh Tênb-Hungh nhlic nomz sămz zan ănz pong hănđ stoif nyăngz staiz nanc. Jaoz phunz woax đomc Stynz-munh. ⁸ Yămz woa congx Hungh tync, songđ naih tâuf sâuv pong nzuf, six Tênb-Hungh nyăngz quênh cloon gwăngz-eng hynđ seetb taih. Max naih laiv lanh tuz nzac woa congx Hungh tync cah njaf ninyh, zu tauv woa nhlic tauh stynz-munh ayx nzuf nâyx đomc staiz nanc nyăngz cumh pâuz. Tênb-Hungh hănđ stoif nyăngz zan