6 ¹ Woax dlapc muif noib naih munh nzac taih pâu Stâyb-Sây buz đungx staox, naih ah phanx coong Yiu-thai munh nyăngz woac, ah po coong Hi-lapc woac woax đomc munh yônx coong Hipc-lu woac nyăngz munh nzif qua, Nănh stiz songđ max tuz patz nhlync hopb.” ² Woa săpc nyâyc tauh cumh pâuz munh êu woax đomc zeen Zâu nyăngz munh tinyh đoih taih nzomf woa songđ bux Nănh stiz coong, “Buz quanyf max nzaox Tênb-Hungh nyăngz Gâyf, Bix ninyh cloon munh nzif qua bênc nhlync hopb six max hođ gâyf yongb.” ³ Yâuf pez lex! Yămz pănh nây cah njaf, Pănh six zuc sên nhlic lanh munh seetb taih, Naih mạnyh yangh gongx, Naih tongb-manyh, Naih Singx-lingh pong nyâuđ nyăngz munh, buz six zuc êu Nănh stiz stăngc bênc nâyx đomc cumh pâuz.” ⁴ Nzof pănh nzăngđ hayh nongc nzuf nyâuđ đoouc coouv-Zâu, Lănv Tênb-Hungh nyăngz gâyf.” ⁵ Songx munh numđ nâyx đomc woac nănh stiz songđ songc nyâuđ sên nhlic lanh munh, Ê-tiên, Six ah tauh naih seenz stymz lub nyăngz munh, yâuc naih Singh lingh pong nyâuđ. Phi-lipv cloon Bô-lô-lu, Ni-ca-nô, Ti-môn, Bakc-mê-na, Cloon Ni-cô-la, stengb stâyv yămz An-ti-ôtv, nzăngđ lêpc Yiu-thai munh nyăngz (đaof) woax tauh.” ⁶ Nănh Stiz songđ ênz nâyx đomc munh ninyh cumh pâuz munh woa, Cumh pâuz munh songđ tăpx puf ănz nănh stiz coouv Zâu phunz.” ⁷ Quaix đangz nzaox Tênb-Hungh nyăngz gâyf woax đomc munh zunx hongđ staox, munh cun nzac pâu cun ayx cun đungx, Lunc pong Ye-lu-sa-lem Stengv, Năngx naih đungx lanh Yiu-tai munh nyăngz stayb-munh taih zeen Zâu Yê-su.” Munh zoz Ê-tiên ⁸ Ê-tiên tuz Zâu nyăngz gâyf pongz nzuf nănh nyăngz nyâuđ, nănh songđ yămz songx munh mungh tongx congv ayx Jix-caox njingc nyăngz dlayc đungx.” ⁹ Six naih ah đomc munh taih cloon nănh tinyh nzengz, taih nzengz Nănh nâyx đomc munh, nănh stiz six săngh dluyh stymz ayx nyăngz munh, Nâyx đomc Yiu-thai munh naih tăng Si-ren, A-likc-sơn, Si-si-li, Cloon yămz Av Zâu Stâyz phangz nyăngz munh, Nănh stiz hopđ dlongh nzengz cloon Ê-tiên.” ¹⁰ Six Nănh stiz nzengz max hingh. Wâyc zuc singx-lingh phunz Ê-tiên naih tongb-manyh coong woac. ¹¹ Six naih ah đomc munh stingb njâuh ninyh lungz pitc đomc munh cloon nănh stiz cooux coong, “Buz numđ Ê-tiên, coong zaiđ Mô-sê cloon Tênb-Hungh.” ¹² Songx munh cloon ayx lub nyăngz Yiu-thai munh, Cloon nzaox gâyf Stênx stengb, Numđ nâyx đomc woac, Nănh stiz seenz numđ nhleenx nzongf. Songđ hox munh zoz Ê-tiên ênz ninyh woa Yiu-thai munh nyăngz stămđ stoif tync. ¹³ Nănh stiz Năngx zoz woax đomc ayx za zanyx manyf nyăngz munh seetb taih nzengz Ê-tiên coong, “Buz njynh leox numđ nâyx lanh munh coong pamf đăngb zengh nyăngz tync cloon Mô-sê nyăngz gâyf! ¹⁴ Wâyc zuc buz numđ nâyx lanh munh coong, “Na-sa-letv muôngf nyăngz Yê-su oix ayx huđ ănz Nâyx nomz tync. Yâuc oix coi wănc lôx noib Mô-sê, lănv Phunz pănh woax đomc gâyf!” ¹⁵ Stâyv woa stămđ stoif tync nyăngz munh, Tinyh đoih mangc Ê-tiên Phătc Nănh nyăngz mynb năngđ Stynz-munh nâyx.” Ê-tiên tauz stayb-munh