12 ¹ Woax zanyf, Hê-lôtv hungh quef coonz ayx huđ hoiđ huyđ-đăngb A po munh.” ² Hungh seetb lanyf nongc nzuc đao tayx Giăng nyăngz yâuf Gia-cơ.” ³ Nănh phătc Yiu-thai munh numđ nyađ nănh ayx nâyx đomc dlayc, Nănh năngx ninyh zoz cloon Phê-rơ, woax zanyf toix zuc quaix max ănz nzu piny nyăngz stêtz.” ⁴ Hungh topz zoz Phê-rơ, clăngđ ănz nzauh, jaoz phunz săpc guc tauh pengz leđ nănh, phunz ayx pyâyz peob, muif peob nyâyz lanh, nănh stiz ta săngh zux ix, Zu quaix max ănz nzu piny nyăngz stêtz blătc, nzăngđ ênz Phê-rơ taih toongx songx munh cah đangc tayx Phê-rơ.” ⁵ Phê-rơ zuc yămz nzauh blătc, Huyđ-đăngb munh seetb jab nzuf stymz nyâuđ jođ Zâu stăngc nănh.” Phê-rơ tuz seetb nzauh ⁶ Tauv Hê-lôtv hungh oix ênz Phê-rơ, seetb taih cah đangc woax munf, Phê-rơ phâyx iz tauh pengz nyăngz mungh tongx congv mâyc njoomh. Yâuc naih iz stynz njab langđ stayb blaz nănh. Năngx naih iz tauh pengz zu woa jengh synb.” ⁷ Lênh dlih naih ah tauh Zâu nyăngz Stynz-munh hynđ seetb taih, yâuc naih Gwăngz-eng syux woa nzauh njaf, Stynz-munh beb Phê-rơ nyăngz lauđ tam êu nănh nyakb đyub, Stynz-munh bux nănh coong, “Nyoongz quef zef gôh! woax iz stynz njab langđ lênh dlih gâyh đutb Phê-rơ nyăngz puf nzuf.” ⁸ Stynz-munh bux nănh, “Stayb mâyh lâyc clai, bix zuz gwuyz ănz, tapc stub, Phê-rơ songđ âyz Stynz-munh nyăngz woac ayx, nănh coong mâyh Plongz Gwuyz đao ănz bix lêpc yaz ninyh gôh.” ⁹ Phê-rơ lêpc Stynz-munh seetb nzauh ninyh, nănh yâuc max pâyz tuz Stynz-munh ayx nâyx đomc dlayc seenz mah six bâyx.” ¹⁰ Nănh stiz clăngv quaix zeetx tab nzauh jengh, yâuc năngx tauv nyâyc tab, năngx quaix tauv stamz woax yămc njab jengh, nzac stengv woax tab, nănh stiz ninyh tauv woax tungđ njab jengh cănh goib. nănh stiz songđ seetb ninyh, jămc jau ninyh ah zanyf têx, Stynz-munh songđ gâyh Phê-rơ.” ¹¹ Woax zanyf Phê-rơ nzăngđ pâyz tuz nâyx đomc dlayc six seenz nyăngz, nănh coong, “Yaz pâyz tuz nâyx zanyf, Zâu seenz paiđ Nănh nyăngz Stynz-munh taih njâuv yaz tyuv tuz đutb Hê-lôtv hungh nyăngz puf, Cloon oix hoiđ yaz woax đomc Yiu-thai munh ayx nâyx đomc dlayc.” ¹² Nănh nyâyh tuz nâyx đomc dlayc, nănh songđ ninyh Giăng cloon Makv** nyăngz nzif, Ma-li-ya woa pyau, Naih munh đungx nzomf yămz woa đoouc coouv Zâu.” ¹³ Phê-rơ ninyh boz woa cungh ngwoaic woax tungđ jengh, naih ah tauh munh sab pâuz, Bux hipđ ayx Rô-đa, songđ ninyh tex mangc jađ toix laiv lanh taih.” ¹⁴ Nănh saz tuz Phê-rơ nyăngz stingb, songđ numđ nyađ coonx tyuv nzac pyau lauf, yâuc nyâuđ cob max coib jengh phunz Phê-rơ, nănh songđ coonx lănv bux pyau njaf munh coong, “Phê-rơ seenz lauf tauv lâyc jengh coonz nzof gôh!” ¹⁵ Nănh stiz coong, “Mâyh max đăngb lêc stađ, “Six woax tauh munh sab seetb jab hamv coong, “Phê-rơ seenz lauf tauv nzof nef, “Nănh stiz coong, “Ha six Phê-rơ nyăngz Stynz-munh lêc stađ.” ¹⁶ Phê-rơ njynh luz yămz woa boz jengh, nănh stiz songđ seetb ninyh coib jengh phătc nănh, nănh stiz seenz numđ njingc nzongf.” ¹⁷ Phê-rơ yăngf puf tang hih ayx jix-caox êu nănh stiz năngx gâyf nyaoc, “Nănh songđ lănv coong Zâu ayx laix stăngc yaz seetb nzauh taih, Nănh năngx bux coong, “Mâyh zuc ninyh lănv nâyx đomc dlayc bux Gia-cơ, cloon woax đomc lêpc Zâu nyăngz munh, coong nzuf nâyx đomc woac nănh songđ quaix pitc đoif ninyh.” ¹⁸ Nyâyc đoomz, Zu nzauh woax đomc pengz lunc nzuf seenz numđ nyâyh ganc.” ¹⁹ Hê-lôtv hungh êu pengz lov Phê-rơ, nzêux nzuf zuy đoif, Lov max pongh, Hê-lôtv songđ êu woax đomc pengz taih zah naic, “Zah nzuf, nănh songđ seetb lanyf êu ênz ninyh tayx nzuf, “Quaix đangz Hê-lôtv hungh songđ seetb Yu-đê Stengv ninyh yămz Sê-sa-rê ah dlapc.”.” Ê-lôtv hungh zuc tayc nyăngz jau ²⁰ Hê-lôtv hungh siv nhleenx nzongf nây iz nomz stengv nyăngz pec Stingx, Ti-rơ, Cloon Sai-đôn stengv, Nây iz nomz stengv nyăngz munh, dlongh nyâuđ ninyh lov Hê-lôtv hungh, Nănh stiz max zengx ninyh woax zanyf, Nănh stiz ninyh cloon cun Hungh tync woax tauh quanz Bơ-sa-tu stăngc nănh stiz sangv woac tih plongx cloon Hungh stix, wâyc zuc nănh mungc Hê-lôtv hungh cun woax nomz stâyz-phangz nyăngz blauh mâyđ nhlync.” ²¹ Hê-lôtv hungh oix pongh nănh stiz, “Naih ah noib nănh zoongz stynb zuz nhliêuf gwuyz stâyv woa hungh tync, “Coong phunz songx munh mungv.” ²² Songx munh hamv coong, “Lâyc tauh six dlănh nyăngz stingb lêc, max zâyf bamh munh đêh! ²³ Wâyc zuc Hê-lôtv hungh max pâuh Tênb-Hungh, songđ naih ah tauh Stynz-munh taih ayx phunz nănh săngh gumc zuc jengz stayv zâuz tayc.” ²⁴ Six Zâu nyăngz woac muif noib cun ayx cun lunc quăng ninyh tauv đungx lanh munh.” ²⁵ Ba-na-ba, Cloon Sau-lơ, ayx tuz nănh stiz nyăngz cumh pâuz, Yămz Ye-lu-sa-lem Stengv, nănh stiz ênz Giăng, lêpc lauf, Giăng, yâuc hipđ ayx Makv.” phunb đangz lauf An-ti-ôtv Stengv.” Singx-lingh êu Ba-na-ba cloon Phao-lô ninyh lănv gâyf