¹ Songx yâuf pez lex, laiv Noib laiv săngx huđ yaz max zuc ja lănv bux nyâuh yâuf pez. ² Nyâuh yâuf pez pâyz tuz Zâu taih nyăngz Noib six năngđ bah nzămc dlih stac Munh taih nâyx. ³ Songx Munh coong, “taiv pengh gôh! nănh stiz songđ lênh dlih zuc mêtc, năngđ Munh nzif sab gongx sây nyăngz săngx huđ bix zuc tanyđ munz nâyx, max hayh pyeenv tuz đutb. ⁴ Nyâuh yâuf pez max hopđ zuc yămz nzămc cah njaf, phunz woax nomz noib cayx năngđ stac Munh taih tauv nâyx. ⁵ nyâuh yâuf pez six săngh bah noib zax Gwăngz-eng nyăngz Munh, max zâyf songc bah nzămc nyăngz Munh, mah six yămz njih nzămc nyăngz Munh. ⁶ Pănh nongx gâyf stâyx munz năngđ pitc lanh, six zuc sting đyub canyz nyâuđ zu. ⁷ Wâyc zuc munh six phâyx gungh nzămc dlih, nzof Munh lauf tyu bynz yâuc bynz bah nzămc. ⁸ Six pănh săngh bah noib zax nyăngz Munh, songđ oix zuc leđ stynb, oix zuc zoz seenz stymz cloon stăngz Munh nyăngz jau nzâyz taih nongc ayx njab zapz, yâuc nongc Njâuv pôz cloon njih mungc ayx njab mouc đongx. ⁹ Tênb-Hungh max nyunc phunz pănh zuc nănh hănđ, six oix phunz zeen coouv pănh nyăngz Njâuv Zâu Yê-su bix tuz Njâuv. ¹⁰ Nănh nyunc tayc wâyc pănh, tauv nănh taih woax zanyf, max cun pănh săngh mah six tayc, nănh oix phunz pănh cloon nănh yămz. ¹¹ Wâyc năngđ nâyx, nyâuh yâuf pez songđ zuc lanh stăngc lanh oonz lanh nyăngz nyâuđ năngđ nâyx zanyf nyâuh yâuf pez ayx woa nâyx. ¹² Songx yâuf pez lex! Yaz jođ nyâuh yâuf pez six zuc pâyz tauv Stăngc yeenv nzaox nyâuh yâuf pez ayx Zâu cumh pâuz yămz nyâuh mungh tongx congv woax đomc Munh. ¹³ Yâuc zuc nongc stymz nyâuđ bongc nănh stiz ayx nyăngz cumh pâuz, nongc tinyh stăngz nyăngz jau lanh cloon lanh pengh oonz yămz. ¹⁴ Songx yâuf pez lex! Yaz jođ nyâuh six zuc bux Munh lâyc max oix ayx cumh pâuz nyăngz Munh, yâuc zuc bux tam jeenz nyăngz Munh, yâuc stăngc tauv Munh đoonh nyăngz Munh. six zuc nongc noic taix songx Munh. ¹⁵ Nongx gâyf bây laiv lanh ayx okx clao okx, six lanh six zuc ayx gongx phunz lanh. ¹⁶ Six zuc muif dlih numđ nyađ. ¹⁷ Njynh leox clo-Zâu. ¹⁸ Yămz muif hungđ dlayc six zuc hâuđ Zâu Tênb-Hungh. pănh cloon Njâuv Zâu Yê-su songc Mengc săngh, Zâu nyăngz âyx six oix nongc nyâuh yâuf-pez năngđ nâyx ayx. ¹⁹ Năngx gâyf bopc tayc Zâu Singx-lingh nyăngz tâuf. ²⁰ Nongx gâyf mangc stam tâuc woac Munh. ²¹ six zuc stâyv mangc muif hungđ dlayc, bix lif gongx nyăngz dlayc. ²² Six zuc pyeenv goib okx nyăngz dlayc. ²³ Jođ sađ pengh oonz nyăngz Zâu Tênb-Hungh phunz nyâuh yâuf pez đăngb zengh taih. Yâuc pêuz nyâuh yâuf pez nyăngz Mengc hoonh cloon stymz nyâuđ. Tauv Njâuv Zâu Yê-su năngx taih woax zanyf nyâuh songđ max naih tync nzêmh. ²⁴ nyâuh yâuf pez six zuc zeen tingc êu nyâuh yâuf pez taih woax tauh ayx nyăngz cumh pâuz. ²⁵ Songx yâuf pez lex! six zuc clo Zâu phunz buz. ²⁶ Yâuc zuc tinyh tomz đăngb lanh zaoh lanh. ²⁷ Yaz nongc Zâu nyăngz quyênh bux nyâuh yâuf pez, six zuc toc nâyx zây jeenx phunz muif lanh zeen Zâu nyăngz Munh mungv. ²⁸ Jođ Njâuv Zâu Yê-su sađ Pôz phunz nyâuh yâuf pez ô stayx.