4 ¹ Nyâuh muif lanh yâuf pez hopđ zuc stunx yaz năngđ Njâuv-Zâu nyăngz Pâuz, Songđ tuz lănv Tênb-Hungh pinyx nyăngz dlayc.” ² Ayx nâyx hungđ cumh pâuz nongc seen quaix six zuc naih stymz ayx.” ³ Yaz nyăngz phănc, nyâuh yâuf pez laiv lanh nongc bamh munh nyăngz gâyf stămđ yaz, six stunx săngh ănz stêu dlayc. Tauv Zâuv yaz max cănh stămđ yaz.” ⁴ Yaz pâyz tuz yaz max ayx laiv hungđ longđ, Six lauf max zâyf coong yaz bix max naih Stoif, Six jangx cungb naih ah tauh Zâu nzăngđ hayh tingc tuz yaz nyăngz Stoif.” ⁵ Wâyc năngđ nâyx, Max zengx tauv stămđ Stoif nyăngz săngx huđ, max nongc coonx tingc Stoif, six zuc zu năngx tauv Zâu taih woax zanyf, Nănh nzăngđ stămđ phunz, Nănh oix zoz songx munh pinyx yămz nzămc cah njaf ayx nyăngz dlayc, hynđ seetb taih yămz gwăngz-eng, munh yămz nyâuđ nyâyh nyăngz dlayc, Nănh yâuc oix phunz goib yangh seetb taih nzuf, tauv woax zanyf âyz Tênb-Hungh phătc songx munh laiv lanh payh tuz tanv, woax lanh songđ tuz pôz.” ⁶ Yâuf pez lex! Yaz zoz yaz cloon A-bô-lô, ayx caox gao, Phunz nyâuh yâuf pez ô stayx hođ pâyz Jix caox, six zuc ayx âyz Canyx-Stâub nzaox nyăngz woac, Nzof nyâuh Yâuf pez nzăngđ max pyac nâyx tauh, mangc stam woax tauh.” ⁷ Laiv lanh phunz nyâuh yâuf pez ayx năngx lub têx pitc tauh? nyâuh naih laiv hungđ max zâyf nyâuh yâuf pez stipx taih nyăngz sâuđ nyâyc? six coong nyâuh yâuf pez tuz stipx taih nyăngz sâuđ nyâyc, nyâuh yâuc nzeetx blangc coong nâyx six pănh cănh ayx tuz seetb taih?” ⁸ Nyâuh yâuf pez puv quâyx naih dloih nzuf muif hungđ max sămv nzof, nyâuh Yâuf pez yâuc max Zâuh buz, Yaz mungc nyâuh yâuf pez tuz ayx Hungh, yaz yâuc tuz cloon nyâuh Yâuf pez tinyh đoih tuz ayx Hungh.” ⁹ Tênb-Hungh phunz buz cumh pâuz munh cayx năngđ zuc ênz ninyh tauv zuc tayx tayc nyăngz tync nâyx, yâuc zuc yămz cah đangz yămc, yâuc năngđ munh blanf (diênx) phunz Stynz-munh cloon bamh munh tinyh đoih ayx đaoc mangc.” ¹⁰ Buz six săngh munh oongx yămz Njâuv-Zâu, Six nyâuh yâuf pez naih Tongb-manyh yămz nănh, buz lanz six nyâuh yâuf pez yongb, nyâuh yâuf pez tuz munh pâuh, Six buz zuc munh phătc stanc.” ¹¹ Tauv nâyx zanyf, buz max naih caux nhlync, caux zuz, buz yâuc zuc munh bopc, yâuc max naih tync yămz.” ¹² Buz nongc puf ayx cumh pâuz zâuđ wâyc nongc yungf mengc. Zuc munh zaux, buz yâuc poou woac phunz nănh stiz, zuc munh ayx peo yâuc zuc tanyđ.” ¹³ Zuc munh plongz woac ănz, buz yâuc coong woac gongx phunz nănh stiz, tauv nâyx zanyf, buz lauf cayx năngđ bamh canz nyăngz njămc nyav. yâuc năngđ bamh munh nyăngz đi cah lôh” ¹⁴ Yaz ja nâyx đomc woac max zâyf lov jau ayx phunz nyâuh yâuf pez numđ nyayz, nyâuh yâuf pez six năngđ yaz stăngz nyăngz sây, yaz songđ ja nâyx đomc woac bux nyâuh yâuf pez.” ¹⁵ Max cun hănđ naih sax panc lanh Stênx stengb yeenv nyâuh yâuf pez yămz Njâuv-Zâu cah njaf, Six nyâuh max naih đungx lanh Pha đêh, lănv tauv cuđ jeenx yaz songđ tuz pênx nyâuh yâuf pez nyăngz Pha yămz Njâuv-Zâu Yê-su cah njaf.” ¹⁶ Năngđ nâyx yaz jođ nyâuh yâuf pez âyz yaz nyăngz gao ayx.” ¹⁷ Wâyc năngđ nâyx, yaz êu Ti-mô-thê, Ninyh nyâuh yâuf pez woa, Nănh six yaz stăngz nyăngz toonz, yâuc coouv Zâu ayx naih stymz nyăngz munh, nănh oix lănv phunz nyâuh yâuf pez pâyz yaz cloon Njâuv-Zâu Yê-su songc mengc săngh. Songđ năngđ yaz yămz nzêux muif đoif huyđ đăngb nzaox munh.” ¹⁸ Yămz nyâuh woa naih đomc yâuf pez puv maoh laic stăngz six buz max hayh ninyh tuz tauv nyâuh yâuf-pez woa.” ¹⁹ Six coong Zâu năngđ oix têx, max naih lauh yaz songđ tuz ninyh tayđ nyâuh yâuf pez, tauv woax zanyf, yaz songđ tuz phătc nyâuh haiđ nzongf nyăngz munh, Max zâyf cungb mangc nănh stiz nyăngz jab, năngx cloon coong nyăngz woac.” ²⁰ Wâyc zuc Tênb-Hungh nyăngz côkz six max zâyf yămz munh coong nyăngz woac, Six yămz ayx nyăngz cumh pâuz.” ²¹ Nyâuh yâuf pez oix nongc yaz ayx laix? nzâyz pya ninyh panx nyâuh, mah six oix nongc yaz nzâyz stăngz munh nyăngz jau ninyh phunz nyâuh yâuf pez?” Huyđ đăngb zuc pyeenv max njic dlaic nyăngz dlayc