1 ¹ uyo waikazwa kumatalikilo-ngutwakamvwa, ngutwakabona amenso eesu, ngutwakalangisha, amaanza eesu akakujata-ngujatikizha lizwi lya buumi . ² Alimwi buumi bwakazhibishigwa, alimwi twakabubona, alimwi tulicite buboni bwambubo,. tulaambilizha kuli ndimwe buumi batamaani, bwakalinga a Leza, alimwi bwakazhibishigwa kuli ndiswe. ³ Ico ncitwakabona akumvwa ncitwamba kuli ndimwe, kuti andmwe luswaanano lwenu nwa Leza amwanakwe, Jesu kilisitu. ⁴ Alimwi tulalemba izhi zhintu kulindimwe kwamba kuti kukondwa kwesu kuzulile. ⁵ uyu ngomulumbe ngutwakamvwa kuzwa kulinguwe alimwi tulawambilizha kulindimwe: Leza mumuni, alimwi mulinguwe taaku mushinzhe lyoonse. ⁶ Na twaamba kuti tulicite luswenano anguwe akwenda mumushinzhe, tulabeja alimwi tatuluciti lushinizho. ⁷ Pesi na tweenda mumumuni mbulimbwali mumumuni, tulicite luswaanano kuli uumwi aumwi, alimwi bulowa bwa Jesu mwaana waakwe bulatutubya kuzwa ku zhibi zhoonse. ⁸ Na twaamba kuti tatulucite cibi, tulalicenga tubeene, alimwi lushinizho talumo mulindiswe. ⁹ Pesi na twalyamba zhibi zhesu, ulashomeka akutululama kutulekelela zhibi zhesu akututubya kuzwa kukutalulama koonse. ¹⁰ Na twaamba kuti kaaku nitwabisha, tulamucita kuba mubeji alimwi lizwi lwaakwe talimo muli ndiswe.