¹ Pablo ne Timoteo, ca ni rusisaca Cristu Jesús, guira' cani naca ca de Cristu Jesús cani nu' Filipos, ne ca binnigola ne ca diáconos. ² Guendanachahui chuu ne laatu ne guendaratadxi ladxidó' xti Diuxi Bixozenu ne Señor Jesucristu. ³ Rudie' xquixepe' Diuxi xtine ora guietenaladxe de laatu. ⁴ Guiraa ora guinie nia Diuxi rune ni ne ti guenda rieche. ⁵ Rudie' xquixepe laatu pur güiu ne tu naa ra cana yue' xtiidxa Diuxi dede dxi bizuluá ne dede yanna. ⁶ Ne laca de ndi rune cre', de que ni bizulu' ti dxiiña jneeza ne laatu la? que ziana dxii di dede gusaa ni dede dxi gueeda Jesucristu. ⁷ Galán nga gyua sicarii pur laatu purti didi laaga tu ndani ladxiduá'. Guiraa xixee tu huayuu ne tu naa lu guendanachahui xti Diuxi casi ca ra deguayua', ra zuhuaa lu justicia la? ne ra rini'e dxandí nga xtidxa Cristu. ⁸ Purti Diuxi nanna pabiá nadxiee laatu ne guendarannaxhii xti Cristu Jesús. ⁹ Sicarii canaba Diuxi: guendaranaxhii xti tu guidale jmá ne jmá chu' xpiani tu ne lu' de guiraa ni guienetu. ¹⁰ Canaba Diuxi ndi ti ganda cuí tu ni jneeza ne zacá gaca tu ni rinii dxandí ti que guidxela donda luguiá tu dxi gueeda Cristu. ¹¹ Rinie' nia Diuxi ti laca guidxátipatu' ni zeda de justicia xti Jesucristu, para guendanandxó' ne guendarusisaca xti Diuxi. ¹² Yanna la? rapa ganna ganatu', biche ca, de que ca ni huazaca di la? izaa de huayaca ne' cani naa para gusayanirua xtidxa Cristu. ¹³ Ca ni rapa ra yoo lahui ne xtale ru binni ni nuu Roma naana ca de que liibe doo guiiba runi Cristu. ¹⁴ Runi ndi la? ca hermanu runi cre' ca jmá ne que ridxiibi ca ora guiní ca xtiidxa Diuxi sin gudxibi ca. ¹⁵ Huandí nuu caadxi canayuí' xtiidxa Cristu purti nanala'dxi ca naa, ne para uchichi si ca naa, peru laca nuu xcadxi canayuí' ni de guidubi ladxidó'. ¹⁶ Ca ni zaa de xquí la? runi cani purti nadxii ca naa, nanna ca nua rarí tisi canayué xtiidxa Cristu. ¹⁷ Peru cani nanala'dxi ca naa, ne cani uchichi si ca naa la? ruí ca xtiidxa Cristu para si puru laca laaca', nin cadi dxandí ni laca. Lacabe riní ique cabe de que zuchiichi cabe naa laga liibe ne doo guiiba. ¹⁸ ¿Yanna ya? gasti naca, pa dxandí cayuni cabe ni o pa co', xtiidxa Cristu nga cana reche, ne naa la rieche. dxandí, naa la? zieche pue. ¹⁹ Nanna de que ndi zabé ndu' ni guiree de rarí ti laatu zanaba tu ni Diuxi, ne zaca' gacani purti zacané Espiritu xti Jesucristu laatu. ²⁰ Nana dxiiche de que qué zatuí lua', ne jmá rusi zaca ni nadxibalú, casi dxiqué, zusisaca Cristu, pa ibane rua' o pa gate'. ²¹ Purti para Cristu nga nabane', ne pa gate la? zuneganaya. ²² Peru pa ibane rua' la? zanda ru gune dxiiña, ne dxiiña xtine di la? zarendú cani. Yanna la?, ¿gunaa ni cue ya? que ganna dia'. ²³ Que idxela xi gune, nua entre guiropa ni. Ñacaladxe ñate para ñua ra nuu Cristu, purti jmá galán ni. ²⁴ Huaxa, ibane rua la? jmá galán ni para laatu. ²⁵ Ne ora ma nanna de que zaca ndi sicarii la? nanna de que zia'na ne zaca nia' rua laatu, ti ganda guibanitu sicarú ne guieche tu lu guenda runi cre xtitu en Diuxi. ²⁶ Ti pur naa la? gapatu xtale ni gucá laatu jmá rusi gusisaca tu Cristu Jesús ora naa ibigueta ra nuutu' xti tiru. ²⁷ Xi si la? laguni xneza casi na xtiidxa Cristu, ti pa naa chi guya laatu o que ganda chaa la? ganda gunadiaga de laatu, de que zuhua' chahui tu lu ti espíritu, ne ti guendabiani si, ti gunitu dxiña tobi si de modo runi cre' tu xtiidxa Diuxi. ²⁸ Que lica chi guidxibiditu' de cani guca' lú laatu. Ndi zusihuini ca' de que chi guinitilú cabe, peru, laatu za láatu, ne ndi la? zeda ni de Diuxi. ²⁹ Purti ma ucua' tu ndi, pur guendaranaxhii xti Cristu, cadi tisi runi cre' tu laa, sinuque laca racaná tu pur laa purti nadxii tu laa, ³⁰ laca casi ca guenda naná ni biiya tu gudide, ne de yanna cayunadiagatu cadide.