¹ Sempri ki nkrê kura Israel, pekadu di Ifrain pudu na klaru, sima maldadi di Samaria, pamodi es ta konta mintira; y ladron ta entra, y bandu di robaduris ta ataka na rua. ² Ka nhos intendi na nhos kurason ki N ta lembra di tudu nhos maldadis. Gosi nhos ason ta involvi; es sta dianti nha rostu. ³ Ku se maldadi rei ta alegra, y kes oficial ku ses mintira. ⁴ Tudo es é adulteru, sima furnu kentadu pa paderu ki ta sta ku fogu ajitadu, desdi amasa masa ti sta fermentadu. ⁵ Na tenpu di nos rei, kes oficial ta fikaba duenti pamodi afetu vinhu. El stendi mon pa trosentus ⁶ Pamodi es ten kurason sima fornu, es ta ngana na ora di faze ses planus. Se raiba ta ardi lentu tudu noti; di manha ta kema sima lumi bibu. ⁷ Tudu es sta kenti sima fogu, y ta kaba ku kes ki ta reina riba des. Tudu ses rei dja kai, ninhun des ka klaman. ⁸ Ifrain ta djunta ku povu; El e bolu amasadu ki ka viradu . ⁹ Stranjeru ta divora se forsa y el kata sabi. Kabelu branku dja spadja kabesa y el ka sabi . ¹⁰ Orgulhu di Israel ta akusal; timodi es ka volta pa Nhordes, ses Dios, nen nhos ka buskal, ki fari. ¹¹ Ifrain i sima ponba buru y sen xintidu, ki invoka Ijitu dipos, y bai pa Asiria. ¹² Oras ki nhos bai, N ta lansa nha redi riba des, N ta ben fazi dixi sima avis di seu. N ta ben puni, konformi nten bobidu ses kongregason. ¹³ Ai des ki afasta di mi. Stragu ta txiga nes! Es rabida kontra mi! N ta salva-ba es ma es konta mintira kontra mi. ¹⁴ Es ka buskan ku tudu ses kurason, es ta lamenta na ses kama. Es ta djunta vinhu ku trigu nobu, es ta fika kontra mi. ¹⁵ Inda ki nten inxinadu e N fortifika ses brasos, gosi es ta atxa mal kontra mi. ¹⁶ Es volta, nau pa mi, Sinhor ki sta la riba seu. Es é sima arku di traison. Ses oficial ta ben kai pa spada pa kulpa di ses atrivimentu di ses lingua. Kela ta bira trosa di Ijitu.