1
Nha povu: Nhos fla pa nhos irmon ku nhos irma: Nhos mostradu konpaxon.
2
Nhos traze un akuzason kontra nhos mai; nhos traze un akuzason pamodi e ka nha mudjer, y nen ami é ka se maridu. Ki e afasta di el se prostituson y ses atu di adultériu na meiu di ses máma.
3
Sinon, N ta bai duspi-l y N ta mostra-l nunpriti sima na dia ki e nase. N ta bai faze-l sima dizertu, sima ter seku, y ta bai mata-l di sedi.
4
N ka ten ninhun mizerikordia di ses fidjus, pamodi es é fidju di prustituson.
5
Pamodi se mai era un prustituta, y kel ki pari-s, aji na burgonha. E fla: N ta bai tras di nhas amanti, pamodi es ta da-m nha pon ku águ, nha lan ku linhu, nha óliu ku bebida.
6
Purtantu, N ta kunstruiu un serka pa fitxa se kaminhu ku spinhu. N ta labanta un paredi kontra el pa e pode ka atxa se kaminhu.
7
E ta bai djobe ses amanti, ma e ka atxa-s. Nton, e ta fla: N ta volta pa nha prumeru maridu, pamodi anti era midjor maridu pa mi di ki gosi.
8
Pamodi e ka rekonhese ki era Ami ki ta daba el gron, vinhu nobu ku azeti, y ki N multiplika se prata ku oru, ki es uza pa Baal.
9
Asi, N ta tra-l gron na épuka di kodjeta, y Nha vinhu nobu na se stason. N ta leba di volta Nha lan ku Nha linhu ki uzadu pa kubri-l kantu e staba nunpriti.
10
Nton, N ta duspi-l dianti di ses amanti, y ningen ka ta salva-l di nha mon.
11
Tanbe N ta faze ki tudu es pára tudu ses selebrason: ses festa, ses selebrason di lua nobu, ses sábadu, y tudu ses festividadi.
12
N ta distrui bus videra ku bus figera, di kes ki e fla: Kes li é pagamentu ki nhas amanti da-m. N ta faze-s un fluresta, y animal di kanpu ta kaba ku es.
13
N ta puni-l pa dia di festa di baalins, kantu e sa ta kemaba insensu pa es, kantu e ta enbelezaba ku bus anel ku joia, y bu ta baba tras di bus amanti y bu ta skeseba di Mi - É asi ki Nhordes fla.
14
Nton, N ta bai ganha-l di nobu. N ta bai traze-l pa dizertu y N ta bai fala mansu ku el.
15
N ta divolve-u bus vinha y rubera di Akor sima un porta di speransa. E ta rusponde-m la sima na dia di se juventudi, sima na dia ki e sai di tera di Ijitu.
16
Na kel dia, kel-li é ki Nhordes sa ta fla, Bu ta txoma-m: nha maridu, y bu ka ta txoma-m mas: nha Baal.
17
Pamodi N ta tra nomis di baalins di bu boka; ses nomi ka ta lenbradu mas.
18
Na kel dia, pa ses favor, N ta ben faze un aliansa ku animal selvajen, ku pásaru na séu, ku kes animal ki ta rasta na txon. N ta tra di tera arku, spada, gera, y N ta faze-s deta ku suguransa.
19
N ta prumete ser bu maridu pa senpri. N ta prumete ser bu maridu ki ta anda dretu, na justisa, fiel na aliansa y mizerikordia.
20
N ta bai konpromete ser fiel, y bu ta bai konxe Nhordes.
21
Na kel dia - é asi ki Nhordes fla - N ta rusponde séu, y es ta rusponde tera.
22
Tera ta rusponde pa gron, pa vinhu nobu y pa óliu, y es ta rusponde pa Jesreel.
23
N ta bai planta-l na tera pa Mi me, y N ta ten mizerikordia di Lo-Ruama. N ta bai fla pa Lo-Ami: Abo é Nha povu, y es ta fla-M: Abo é nos Deus.