¹ Israel, volta pa Nhordes bu Deus, Bu kai, pamode bu injustisa. ² Toma ku bo palavras y bu konverti pa Nhordes. Fla-l: "Tira fora tudu nos injustisa, y aseita kel ke bon, nton nu ta da-Bu frutu di nos labius. ³ Asiria, ka ta salva-nu; nu ka ta monta na kabalus pa gera. Nen nu ka ta fala mas pa obras di nos mon: "Nhos e nos deuses", pamodi e so na Bo ki orfan ta inkontra miserikordia. ⁴ N ta kura-s di bu infidilidadi; N ta ben ama nhos livrimenti, pamodi nha ira afasta des. ⁵ N ta ser sima orvaliu pa Israel; el ta floresi sima liriu, y N ta lansa bus raizis sima un sedru di Libanu. ⁶ Bus ramus ta spadja, bu formosurata ser sima di olivera, y bu fragansia ta ser sima di sedrus di Libanu ⁷ Kes ki ta viviba na sonbras ta volta; es ta ser vivifikadus sima simentis y es ta floresisima videra. Bu fama ta ser sima videra di Líbanu. ⁸ Ifrain, kuze ki N ten ku bus ídulus? N ta rusponde-u y N ta toma konta di bo. Ami É sima sipresti ki ten fodja senpri verdi; bu frutu ta ben di Mi. ⁹ Kenha ki é sabidu pa pode intende kes kuzas li? Kenha ki ta kunprende kes kuzas li, pa es pode konxe-s? Pamodi kaminhu di Nhordes é dretu y justus ta anda na el, ma rebeldi ta da tonba na el.