¹ " Kantu Ifrain papia, txon treme. É isalta pa el me na Israel, ma é torna kulpadu pamodi é faze adorason a Baal, y é mori. ² Gosi, es ta peka manenti. Es ta faze imagen di feru fundidu ku ses pratam, idulu ki es trabadja ku kuidadu, tudu es i obra di artison. Algen sa fla des: Kes omi ki taq sakrifika, y beja bixerus. ³ Ma es ta ser sima nuven di manhan, sima gota di águ ki ta disaparesi sedu, sima padja ki ta spadjana kampu, y sima fumasa ki ta sai di xaminé. ⁴ Ma Mi é Nhordes nhos Deus desdi tera di Ijitu. Abo bu debi rikunhesi ma ka ten Deus fora Mi, ka ten ôtu Salvador. ⁵ N konxeu na disertu, na un tera di grandi sekura. ⁶ Kantu bu teni limarias, bu fika xeiu; bu kurason alegra. pamod kela bu skesi di Mi. ⁷ N ta ben sima un lion riba es; sima liopardu N ta vijia a longu di kaminhu. ⁸ N ta ataca-s sima ursa ki robadu se fidjotis. N ta rasga ses petu, N ta devora-s sima un lion, y sima un animal selvagen N ta devora en pedasus. ⁹ N ta ben distui, Israel; ken ki ta ser kapas di djuda-u? ¹⁰ Gosi undi sta bu rei, pa é salva-u na tudu bus sidadis? Undi bus juisis, di kel ki bu flan, 'Dan un rei y prinsipis?' ¹¹ N da nhos un rei na Nha raiba, y N tira-l na nha ira. ¹² Injustisa di Ifrain sta markadu; se pekadu tanbe guardadu. ¹³ Dor na partu ta ben riba el, ma el é un fidju stupidu, ma se txiga ora di pari el ka ta sai di bariga. ¹⁴ N ta tra-s di mon di Sheol? N ta risgata-s di morti? Ó morti undi bus pragas? Sheol undi sta bu distruison? kompaxon sta skondidu di Nhas odjus". ¹⁵ Imbora, Israel ser riku na meiu di ses irmon, un ventu ta ben di oesti, ventu di Nhordes ta sopra na disertu. Fonti di Ifrain ta seka, y se fonti ka ta ten águ. Nhos indimigus ta roba tudu nhos objetusdi valor na nhos armazen. ¹⁶ Samaria ta ser kulpadu, pamodi e rebela kontra se Deus. Es ta kai pa spada; ses kriansas ta ser dispedasadus, e kes ki prenha ta ten ses bariga abertu pa meiu.