¹ Ifrain ta alimenta di ventu i ta sigi ventu oriental. multiplika, un bes bai, mintiras y violensia. Ta faze aliansa ku Asiria y é ta leba azeitepa Ijitu. ² Nhordes tamben ten un disafiu kontra Juda y ta kastigaJako pa kel ki faze y É ta rekonpensal pa ses trabadju. ³ Inda na bariga, Jako pega se irmon na kalkanhar y, na se umanidadi, ⁴ El briga ku Deus. É briga ku anju y el ganha. É txora y pidi pa el. É atxa Deus na Betel; la, Deus fala ku el. ⁵ Es É Nhordes, Deus di izersitu; "Nhordes" é un nome ki nEl debi txoma-du. ⁶ Nton volta pa Deus. Guarda se amor leal y justisa y spera un bes bai pa bu Deus. ⁷ Komersiantis teni balansa falsu na ses mon; es gosta di trapasa. ⁸ Ifrain fla, "N bira txeu riku pa mi mesmu. Na tudu nha trabadju es ka ta atxa nun injustisa na mi, kualker kuza ki podi ser pekadu." ⁹ Ami É Nhordes, bu Deus, di tera di Ijitu. N ta faze, di novu, pa nhos vivi na tendas, sima kes dias di festas markadu. ¹⁰ N fala pa prufetas y n das munti vison pa nhos. N da prufetas komparason." ¹¹ Se ten maldadi na Gileadi, sertamenti povu ta ser un disprezu. Na Gilgal, es sakrifika bixerus; ses altaris ta ser sima pedra djuntadu na korti de kampu. ¹² Jako fuxi pa tera di Aran; Israel trabadja pa konsigi mudjer; É guarda ribanhus di ovelias pa atxal. ¹³ Nhorde trazer Israel di Ijitu pa meiu di un prufeta y, pa un prufeta, É kuida des. Ifrain, brutalmenti, provoka ira di Nhordes. purisu, Nhordes ta dexa sangi darma riba ¹⁴ Ifrain, y ta ben traze disgrasa riba el.