¹ Menso mphenya ba Obadiya. Ambuye Yehova elabila ici pali Edomu: Tamvwa kuulula kufumila kwa Yehova ndipo wauthenga watumiwa pakati pa vyalo, kuti, "nyamukani! tiyeni tinyamuke kuti tikacite naye nkhondo!" ² langani, nikakupangeni patontho pakati pa vyalo; mukanyozewe ngako. ³ Kuzikweza kwa mtima wanu kwakunamizyani, mukankhale mu mphanga za myala,mumang'anda yanu yaipa; muti mumitima mwanu, "nibani wati akaniponeshe pansi?" ⁴ ngankhale kuti mumbululuka mululu monga nicipungu ndipo visa vanu mwemangila pakati pa nyenyezi, nikakuwisheni pansi kufuma kwala, akuti Yehova. ⁵ Ngati akawalala bawela kwako, ngati akawalalabawela usiku- ukaonongeke tyani- ko bakaibeli tyala vonse vubofuna? ngati othyola mpesa bewela kwako, ko ukasiye lini vokunkha? ⁶ Monga Esau mwati akasilire, cuma cake cobisika cikafukuliwe! ⁷ Analume onse bawenze nao pamzi bakakupilikishile kumalire. Analume benze pamtendele na weo bekunamizya, nakukugonjesa. benzokulya buledi wako bakupangila msampha. Kuliye kumvwishisha muli weo. ⁸ "Ko nane pa siku ila," akuti Yehova, "wononga banalume banzeru baku Edomu, na oziba vinthu bakumalupili ba Esau? ⁹ Bankhondo banu bakacite mantha, Temani, koteto kuti mwanalume aliyense akafumyiwe ku malupili ba Esau mopaiwa. ¹⁰ Cifukwa c ciipa cecitiwa kwa mkwanu Yakobo, ukazuzyiwe na nsoni, ndipo ukafumyiwe mpaka kale kale. ¹¹ Pa siku ilo ukapaname wozikonda, pa siku lamene alwendo bakatole cuma cake, ndipo banthu osazibika bakolobe pa milyango, na kucita maele pali Yerusalemu, wenze monga umzi wa beve. ¹² Koma osaseka pa siku la mkwanu, pa siku la kuvutika kwake, ndipo musakondwele pali banthu ba Yuda pa siku la cionongeko cao; musazikweze mu masiku ba kuvutishiwa kwao. ¹³ Musalobe mu milyango mwao pa siku lao la soka; musaseke pa siku lao lopezeka na soka, musatole cuma cao pa siku lao la soka. ¹⁴ Musapaname pa mphambano za njila kupa bothaba, ndipo musapeleke bala bopulumuka pa siku lao lovutishiwa. ¹⁵ Pakuti siku la Yehova lili pafupi ku vyalo vonse. Monga mumwecitila, cikacitiwe kwa mweo; vocita vanu vikawelele pamitu panu. ¹⁶ Pakuti pamwenzokumwa pa lupili langu lituba, teto vyalo vonse vipitilizye kumwa. Bakamwe nomeza ndipo cikabe monga kuti baliyonkhalepo. ¹⁷ Koma ku lupili la Ziyoni kukabe bala bethaba ndipo ikabe ituba; na ng'anda ya Yakobo ikatole coloba cao. ¹⁸ Ng'anda ya Yakobo ikabe muliro, ndipo ng'anda ya Yosefe ikabe labi, ndipo ng'anda ya Esau ikabe ciputu, ndipo zikabashoke, na kubanyekesha. Kukabe kuliye opulumuka ofumila mu ng'anda ya Esau, pakuti Yehova walabila." ¹⁹ Banthu ofumila ku kwa kunja niye bati akatole lupili la Esau ndipo banthu bakunyansi bakatole malo ba Afilisiti. Bakatole malo ba Efraimu na malo ba Samariya, Ndipo Benjamini akatole Giliyadi. ²⁰ Akapolo ba gulu la nkhondo la Israeli bakatole malo ba Kenani mpaka ku Zarefati. Aukapolo ba Yerusalemu, bamene bali ku Sefaradi, bakatole mzinda wa bakalandile mizinda yali ku Negevi. ²¹ Opulumuka bakalute ku lupili la Ziyoni kuyolamulila calo ca malupili ba Efraimu, ndipo ufumu uyo ukabe wa Yehova.