¹ Mu caka coymba ca Koresi mfuu ya Perisiya, Yehova ekwanilisha mau bake bewela pakamwa pa Yeremiya, na vundula mzimu wa Koresi. Mau ba Koresi beluta mu ufumu wake waonse. Ici niye cekambiwa na kulembewa: ² "Koresi, mfumu wa Perisiya, akuti: Yehova, Mulungu wa Kululu, enipasa maufumu wonse bapacalo, ndipo enisankha kuti nimumangire ng'anda ku Yerusalemu mu Yudeya. ³ Aliyense efuma ku banthu bake (lekani Mulungu wake abe naye) lekani alute ku Yerusalemu akamange ng'anda ya Yehova, Mulungu wa Israeli, Mulungu wamene ali ku Yerusalemu. ⁴ Banthu bali ku mabali iliyonse ya ufumu kwamene opulumuka ba malo awo onkhalamo ofunika abapase siliva na golide, na vinthu na vibeto, pamozi na copeleka caulele ca ng'anda ya Yehova ku Yerusalmu." ⁵ Ndipo azisogoleri ba mikoka ya Yudana Benjamini, bansembe, na a Levi, na aliyense wamene mizumu wa mulungu wemuvundulura kuti alute na kumanga ng'anda enyamuka. ⁶ Bala benze pafupi nao bethandizila nchito na siliva na vinthu va golide, vinthu, nyama, vinthu viyakine vofunikila ngako, na copeleka caulele. ⁷ Koresi mfumu ya Perisiya efumya soti vinthu vamng'anda ya Yehova vamene Nebukadinezara eleta kufumya ku Yerusalemu na kuviika mu ng'anda ya milungu yake. ⁸ Koresi eviika m'manja mwa Mitereda msunga cuma, wamene ebelengela Sesibazara, zmsogoleri wa Yudeya. ⁹ Iyi niye yenze nambala yao: Madishi ya golide sate, madishi ya siliva 1000, twenti naini madishi ayakine, ¹⁰ mbale sate za golide, 410 mbale za siliva, na 1000 vinthu viyakine. ¹¹ Penze 5,400 vinthu va siliva na golide vonse pamozi. Sesibazara evileta vonse pamene bamndende befuma ku Babulo kuya ku Yerusalemu.