¹ Mose ekwela kufuma ku mishambo ya Moabu kuluta ku lupili la Nebo, palulu pa Pisiga, polangana na Yeriko. Kwala Yehova emulangizya malo yonse ya Giliyadi kufwika ku Dani, ² na Nafitali, na calo ca Efraimu na Manase, na malo yonse ya Yuda, kufwika ku nyanja yaku m'mwela, ³ na ku Negevu, na ku mshambo wa mcigwa ca Yeriko, munzi wa kanjeza kufwika ku Zoari. ⁴ Yehova eciti kwa eve, "anya niye malo inelumbilila kwa Abrahamu, na Isaki, na Yakobo, kuti, 'nikapase bana ba bana bako.' nakuvomelezya kuti ubalange menso yako, koma kweve uluteko lini." ⁵ Teto Mose mtumiki wa Yehova, ecifufwa mwamene umo mu malo ba Moabu, monga mau ba Yehova elonjeza. ⁶ Yehova emuika mu cigwa mu calo ca Moabuculangaa na Beti-Peori, koma kuliye oziba kuli manda banda bake kufwika lero. ⁷ Monse enze na zaka 120 pacifwa; linso lake liliye cite finzi, olo mphamvu zake kusila. ⁸ Bana ba Israeli bemulila Mose mu mshambo wa Moabu kwa masiku 30, ndipo moteto masiku yomulila Mose Yesila. ⁹ Yoswa mwana wa Nuni enze ozula na mzimu wa nzeru, pakuti Mose eika manja bake pa eve. Bana ba Israeli bemumvwila na kucita vamene Yehova elamulila Mose ¹⁰ Paliye uke soti mneneri mu Israeli monga Mose, weziba Yehova menso na menso. ¹¹ Paliye nkhalepo mneneri olingana naye muvizindikilo na zodabwisa vecimutumuma Yehova kucita mcalo ca Igipito, kwa Farao, na ku banchito bake onse, na ku malo yake yonse. ¹² Paliye nkhalepo meneneri aliyense monga eve pa akulu-akulu onse, na vicitidwe voyofya vecicita pa menso pa Israeli onse.