¹ uyu niye mudaliso wamene Mose mutumiki wa Mulungu edalisa nao bana ba Israeli akaliyo kufwa. ² Eciti: Yehova ewela kufuma ku Sinai ndipo eima kuma ku Seiri na kuonekela kwa beve. Ewela pecifuma mulupili la parana ndipo ewera na teni sauzande ya banthu batuba. Ku kwanja lake la kwendi kwenze kong'animila kwa kaleza. ³ Nicendi, okonda anthu bake; banthu banu onse batuba bali mu manja mwanu, ndipo ebelamisha vinso vao kumendo yanu, belandila mau yanu. ⁴ Mose etilamulila cilamulo, coloba ca msonkhano wa Yakobo. ⁵ Ndipo penze mfumu mu Yesuruni, pesonkhana asogleri ba banthu, pamozi na mitundu yonse ya bana ba Israeli. ⁶ Lekani Rubeni ankhale na moyo asafwe, koma akulu akulu bake babe batontho. ⁷ Iyi ni daliso ya Yuda, Mose eciti: mwani, Yehova, ku lizu la Yuda, mumulete soti ku banthu bake. Munyatileni, munkhale omuyavya ku adani bake. ⁸ Kwa Levi, Mose eciti: Tumimu na Urimu ni za banthu banu okhulupilila, bemweyesa ku Masa, bemwelimbana nao ku manzi ba Meriba. ⁹ Munthu enena za awisi na anyina, niliye baone." Aliye bazindikire anekwao, aliye babelenge soti na bana bake, pakuti esamalila mau banu, nakusunga cipangano canu. ¹⁰ Ophhunzisa Yakobo maweruzilo banu na Israeli cilamulo canu. Aike coputizya pamenso panu na coshokera nsembe canthunthu pa guwa. ¹¹ Mudalise, Yehova cuma cake, na kuvomelezya nchito ya manja bake muvalizye nkhalau za bala bomuukila eve, na bala banthu bomutinkha, kuti basaue soti. ¹² Za Benjamini, Mose eciti: ula okondewa na Yehova onkhala otetezewa ku mbali kwake: Yehova omuphimba siku lonse, ndipo onkhala pakati pa manja ba Yehova. ¹³ Za Yosefe, Mose eciti: calo cake cinkhale codalisika na Yheova na vinthu va mtengo wake wa kululu na mame, na vonkhazikika pans pa calo. ¹⁴ Calo cake cibe codalisika na vinthu va mtengo wa vipaso va zuba, na vinthu va mtengo wake wa vovuna va mu mwezi, ¹⁵ na vinthu vopambana ngako va malupili yakale kale na vinthu va mtengo wake wa malupili yacinkhalile. ¹⁶ Calo cake cidalisike na vinthu va mtengo wake wa pacalo na kupaka kwake na ubwino wa eve enze musanga, madaliso afwike pamutu wa Yosefe, na palulu pamutu pa eve enze mkulu pa azinekwao. ¹⁷ Mwana woyamba wa ng'ombe ulemelero kwa eve na mapondo yake ni mapondo ya nati, na zeve akankhale nazo banthu, onse, kufwikila kosilizyila kwa calo. Aba nimateni sauzande ba Efraimu; aba ni ma sauzande ba Manase. ¹⁸ Za Zebuluni Mose eciti: kondwela, Zebuluni, na kufuma kwako, na weo, Isakara, mu ma tenti mwako. ¹⁹ Bakaite banthu onse ali mumalupili. Bakapeleke nsembe zacilungamo pakuti akanyonkhe za vinyinji vamu nyanja, na zofuma mumcenga wapa nyanja. ²⁰ Za Gadi Mose eciti: odala ni ula okulisha Gadi. Ankhale kula ngati nkhalamu inakazi nakung'amnba kwanja olo mutu. ²¹ Ezisankhila gawo labwino pakuti kwenze gawo losungiwila olamulila malo. Ewela naba kulu bakulu ba banthu. Ecitila Yheova cilungamo na ciweruzo na Israeli. ²² Za Dani, Mose eciti: Dani ni mwana wa nkhalamu ojoba kufuma mu Basama. ²³ Za Nafitali, Mose eciti: Nafitali, niokhutila na kukondelewa, na kuzula na madaliso ya Yehova, landila malo ya kum'mazulo na kum'mwela. ²⁴ Za Aseri, Mose eciti: adalisike Aseri kupambana bana ba analume ayakine; lekani avomelezyewena azinekwao, lekani azubike kwendo lake m'mafuta ba azitona. ²⁵ Vi nsimbi va muzni wake vibe cisulo na mkuwa; mwati akanhalile masiku bako, niye mwati ikabele mphamvu yako. ²⁶ Kuliye ali monga ni Mulungu, Yesuruni- wolungama, woynda mululu monse kukuyavya, na ukulu wake mumikumbi. ²⁷ Mulungu wacinhalile niye moutukilamo mwako, na pansi pake pali manja yosasila. Opilikisha mdani pamenso pako, na kuti, "Ononga!" ²⁸ Israeli onkhala monkhazikika, kasupe wa Ykobo wene otetezewamu calo ca tiirigu na vinyo; coona, lekani kululu kwake kuponeshe mame pa eve. ²⁹ Madaliso bako ni banyinji, Israeli" Nibani olingana na mweo, banthu bopulumusiwa na Yehova, cikumba ca thandizo yanu na lupanga ya wamphamvu yonse? adani banu akawele kwa weo munthunthumila; ukapondelezye malo yao yatali yatali.