¹ Imvwani, mweo kululu, lekani nilabile. Lekani calo cimvwe ku mau yapakmwa pangu. ² Lekani ciphunzisho cangu cipone monga ni mvula, lekani mau bangu ytabe nonga ni mame, monga mvula yupona patontho patontho ku mauzu ofewa, monga mvula yowazya ku vomela. ³ Pakuti nikalalikile pa zina la Yehova, na kukamba ukulu kwa Mulungu wasu. ⁴ Mwala, nchito zake nizangwilo; pakuti njila zake zonse nizacilungamo. Ni Mulungu wokhulupilika, aliye macimo. Ni wacilungamo ndipo wokhulupilika. ⁵ Becita viipa kwa eve. Nibana lini bake. Nikucitishiwa sonni kwao. Nimbadwo wopulukila. ⁶ Niye mwamumuwezyela Yehova teti, mweo banthu opusa ndipo aliye nzelu? Ko nawisi banu lini, eve ekulengani? ekupangani mokukulishani. ⁷ Kumbukilsni masiku yakale na nthawi, ganizilani pa zaka zinyinji za mibadwo yakale. Konshani auwu wanu ndi[po akulangizyeni, akulu akulu ndipo bakuuzyeni. ⁸ Pamene wakululu pecipasa vyalo coloba cao- pecigabanisha munthu aliyense, na kuika malile ya banthu, na kubelenga milungu zao. ⁹ Pakuti Yehova gawo lake ni banthu; Yakobo ni cosankhiwa ca coloba cake. ¹⁰ Emupeza mu malo yacipululu, ndipo yosabala na cipululu cosiiwa; emucingilizya na kumusamalila, emusunga monga ka mulinso lake. ¹¹ Monga mphungu mwayusungila cisa cake na kusungilila bana bake, Yehova eika ma phaphiko yake nakubatola, na kubanyamulila pa mphaphiko yake. ¹² Yehova yeka ebasogolela; penzeve milungu iyakine. ¹³ Epangisha kuti bayende mu malo yakulu ya malo, ndipo emundyesha vipaso va mumunda; emulyesha uci wa mumwala, na mafuta ya muvimiti va mumyala. ¹⁴ Ecilya mafuta ya ng'ombe na kumwa mkaka kufuma ku mbelele, na mafuta ya mbelele, mbelele za Bashani na mbuzi, na tirigu wabwino- ndipo mwecimwa vinyu wofufuma wopangiwa na manzi ya mpesa. ¹⁵ Koma Yeshuruni enkhala woina na kuchaiwa- mweina, mwenkhala woina ngako, ndipo mwecilya kofwikapo- Eluba Mulungu ebapanga, ndipo ekana mwala wacipulumuso cake. ¹⁶ Epanga Yehova kuba na nsanje na milungu iyakine; na zocita zoleshewa bemukalipisha. ¹⁷ Bepeleka nsembe ku vibanda, vamene ni Mulungu lini- milungu yabaliye zube, milungu yeonekela lomba pano, milungu yamene makolo banu baliye yope. ¹⁸ Mweusiya Mwala, wenkhala usu wanu, ndipo mweluba Mulungu ekubalani. ¹⁹ Yehova eviona ivi nakubaka, cifukwa bana banalume na banakazi bemukalipisha teto. ²⁰ "Nikabis cinso cangu kwa beve," eciti, "na kuona kuti kusilizyika kwao kube kotyani; pakuti ni mbadwo woukila, bana osakhulupilika. ²¹ Banipanga kuba wansaje na vamene visali va mulungu na kunikalipisha na vocita vao tyala tyala. Nikapangishe nsaje ku bala baali banthu; na calo copusa nikabapange kuba na ukali. ²² Pakuti mulilo uyaka na ukali wangu ndipo ushoka mpaka kunyansi kwa manda, uwononga calo na vipaso vonse; na kuyasha muliro pa vyalo va kumalupili. ²³ Nikaunjike viipa pa beve; nikalase mikondo yangu yonse pa beve; ²⁴ Bakaonongeke na njala na kunyeka na kuphya kwa mulilo na kubaba kwa cionongeko; nikabatumizyile meno ya nyama zamsanga, na ululu wa zamene zukalaba mulito. ²⁵ Panja lupanga likapaye, na kuvipinda mantha yakacite teto. Ikaononge bonse pamozi banalume batontho batontho na banakazi mabuthu, onyonsh bana, na banalume bali na imvwi. ²⁶ Neciti nikamwazyike kutali, kwati kukapange kukumbukila kwao kufafanizika pakati pa munthu. ²⁷ Pakuti niliye yope vocitika va badani bao, ndipo adani bao sembe aliye weruze bwino, na kuti beciti, 'manja basu nonyaliwa,' sembe necita vonse ivi. ²⁸ Pakuti Israeli ni mutundu uliye nzeru, ndipo paliye kumvwishisha pakaati pao. ²⁹ Koma, kuti mwenze na zeru, sembe bevwishisha ivi, agati beikako nzeru ku zamene zukuza kusogolo kwao! ³⁰ Ko munthu umozi angapilikishe tyani banthu masauzande, ndipo babili kupilikisha bali teni sauzande, koma ngati mwala wao wabagulisa, ndipo Yehova wabapelea? ³¹ pakuti mwala wa adani basu ulingana lini na Mwala wasu, monga mwakuvomelela adani basu. ³² Pakuti mphesa wao ufumila ku mphesa waku Sodomo, ku minda yaku Gomora; mpesa wao ni mpesa wa ululu; zobala zake nizobaba. ³³ Vinyu wao ni ululu wa njola ikali na ululu ukali mpili. ³⁴ Ko maganizo aba osungiwa lini na neo mwacisinsi, yomtiwa pamozi na cuma cangu? ³⁵ Nupeleka kuwezyela ni neo, na kuwezya, pa nthawi yamene mendo yao yakateleleke; ndaba siku la cionongeko cao ili pafupi, na vinthu vati vikawele pali beve vikacitike mwamsanga." ³⁶ Pakuti Yehova akthwale ciweruzo ku banthu bake, na kumvwela cufundo banchito bake. Akaone kuti mphamvu zao zasila, ndipo paliye osalilako, kapena akapolo olo waufulu. ³⁷ Ndipo akakmbe kuti, "milungu zao zilikuni, mwala wecibisamila, ³⁸ tumilungu twecilya vamafuta va nsembe zao na kumwa vinyu wakuwa wothila? Balekeni banyamuke na kukuyavyani; balekeni babe okucingilizyani. ³⁹ Langani lomba kuti neo, na neo, nine Mulungu, na kuti kuliye mulungu muyakine kupambana neo; Nupaya, ndipo nunkhalisha na moyo; nupanga vilonga, ndipo nupolesha, ndipo kuliye angakupulumushe ku mphamvu zangu. ⁴⁰ Pakuti nuimya kwanja langu kululu n kuti, 'mwanunkhalila na moyo mpaka kale kale, nukocita. ⁴¹ Nikanola lupanga langu lung'anipila, na kwanja lagu liayamba kuleta ciweruzo, nikaike ciweruzo pa adani bangu, na kubalipila onse onizonda neo. ⁴² Nikapange mikondo yangu kukolewa na ngazi, ndipo lupanga langu likalye mnyofu wa ngazi ya opaiwa na okatiwa, ndipo ku mitu ya akulu akulu ba adani.'" ⁴³ Kondwelani, mweo ba mintundu, na banthu ba Mulungu, pakuti akawezyele ngazi ya banchito bake; akapeleke ciwezyelo pa adani bke, ndipo akape citetezelo ca malo bake, ca banthu bake. ⁴⁴ Mose ewela na kulabila mau yonse aya na nyimbo iyi mu matu ya banthu, eve, na Yoswa mwana wa Nuni. ⁴⁵ Teto Mose esilizya kulabila mau aba ku banthu onse ba Israeli. ⁴⁶ Eciti kwa beve, "ikani nzeru zanu pa mau yonse yana kucitilani umboni kwa mweo lero, kuti mukalamulile bana banu kuyasunga, mau yonse aya ya lamulo iyi. ⁴⁷ Pakuti ici ni cipangano lini cosebelesha kwa mweo, cifukwa ni moyo wanu, ndipo mwa ici cinthu mukatalimphishe masiku yanu mu malo yamukuya kutauka Yorodani kuyonkhalamo." ⁴⁸ Yehova elabila na Mose pa siku lamene ila na kuti, ⁴⁹ "nkhoya ukwele palupili la Abalimu, palulu pa lupili la Nebo, yamene ili mu malo ya Moabu, Yulangana na Yeriko. Ucione calo ca Kenani, cati nipase banthu ba Israeli monga coloba cao. ⁵⁰ Ukafwile pa lupili lati ukakwele, na ndpo ukathwaliwe ku banthu bako, Monga Aroni mu Israeli muyako ecifwa pa lupili la Hori ndipo ethwaliwa ku banthu bake. ⁵¹ Ici cikacitike cifukwa mwenze osakhulupilika kwa neo pakati pa banthu ba Israeli pa manzi ba Meriba ku Kadesi, mu cipululu ca Zini; cifukwa muliye nicitile ulemelero na ulemu pakati pa banthu ba Israeli. ⁵² Pakuti uwone calo pasogolo pako, koma uluteko lini, ku malo yamene yunupasa banthu ba Israeli."