¹ Nimwe banthu ba Yehova Mulungu wanu. Osazitenda mweka, kapena kuzigela mbali iliyonse ya pamenso panu kamba ka akufwa. ² Pakuti mweo nimwe mtundu opatulika kwa Yehova Mulungu wanu, ndipo Yehova esankha mweo kunkhala banthu ba coloba cake, kupambana banthu onse amene ali pa calo. ³ Mufunika lini kulya ciliconse conyanyisa. ⁴ Izi niye nyama zamufunika kulya; ng'ombe, mbelele na mbuzi. ⁵ Nswala, mphunzi, ngondo, mphoyo, na ngoma na mphalapala na nyumbu na mbalale. ⁶ Mukokulya nyama iliyonse yopatulika vibodo, yala yamene, zeve zili zopatulika vibodo pabili, ndipo yamene yugeya nosheta. ⁷ Koma soti, mweo mufunika lini kulya ziyakine nyama zamene zugeya nosheta olo ni zopatulika vibodo pabili, ngamila, kalulu, na mbila cifukwa cakuti zugeya nosheta koma nizosapautukana vibodo zeve nizituba lini kwa mweo. ⁸ Nkhumba nitubali kwa mweo kamba ka kuti niyopatukana vibodo koma yugeya lini nosheta , ni ituba lini kwa mweo. Osalya nyama ya nkhumba, ndipo osakata mitembo zao. ⁹ Mwa ivi vinthu vamene vili mu manzi mufunika kulya; zonse zili na viphyephye na mamba; ¹⁰ koma zonse ziliye viphyephye na mamba mufunika lini kulya nizosatuba kwa mweo. ¹¹ Nyoni zonse zituba mufunika kulya. ¹² Koma izi niye nyoni zamufunika lini kulya: nkhwazi, mphungu na cikambi, ¹³ kamtema, na mphamba, na mtundu wake uliwonse. ¹⁴ Mufunika lini kulya mtundu uliwonse wa khwaangwala, ¹⁵ na nthibatiba, na cipungu, kakoba, kabawi, mtundu uliwonse wa mphamba, ¹⁶ kutukutu zii, manchinchi, kazizi, ¹⁷ vuwo, dembu, nyamg'omba. ¹⁸ Mweo mufunika lini kulya dokowe, mtundu uliwonse wa cimeza, sazu, na nyankhupiti. ¹⁹ Zonse zamangala, zinthu zukalaba ni zituba lini kwanu; zeve mufuniaka lini kulya. ²⁰ Mufunika kulya ciliconse cinthu cituba. ²¹ Mufunika lini kulya ciliconse cakufwa ceka; mukocithwala kwa mulwendo amene ali m'munzi mwanu, kuti eve acilye; olo mukocigulisa kwa mulwendo. Pakuti mweo nimwe mtundu wopatulik kwa Yehova Mulungu wanu. Mufunika lini kubatusha mwana wa mbuzi mu mkaka wa mai wake. ²² Cendi mufunika kuthwala ca khumi ciliconse ca mbeu zanu, vala vufuma kumunda kwanu caka na caka. ²³ Mufunika kulya pamenso pa Yehova Mulungu wanu, m'malo mwamwene eve esankha kunkhala opatuliwa, copeleka ca khumi ca vakulya, ca vinyu wanu woyamba na mafuta yanu, na mwana wa ng'ombe woyamba kubadwa na mbelele zanu; kuti muphunzile nthawi zonse kulemekeza Yehova Mulungu wanu. ²⁴ Ngati ulwendo ni utali kwa mweo mwakuti mungakwanishe lini kuunyamula, cifukwa malo yamene Yehova Mulungu wanu akasankhe akabe opatulika ni patali ngako kufum kwanu, ndipo, pamene Yehova Mulungu okdalisani. ²⁵ Mukasinthishe copeleka na ndalama, mumange ndalama kumanja kwanu, na kuya ku malo yamene Yehova Mulungu wanu akasankhe. ²⁶ Kwala mukasebenzeshe ndalama kwa ciliconse cimwafuna mweo; ng'ombe, mbelele, vinyu olo vakumwa vokosa, kapena ciconse cimwafuna. Ndipo mukalye pamenso pa Yheova. ²⁷ Alevi amene ali namweo mu mipanda- musamupilikishe, pakuti eve aliye gao olo coloba na mweo. ²⁸ Posizyila pa caka ciliconse mukoonesha va khumi pa vipaso vanu mcaka camene cila, ndipo mukavisunge mu mpanda wanu; ²⁹ na aLevi, cifukwa beve aliye gao olo coloba namweo, na alwendo, na bana ba masiye, na anakazi ofilwa amene ali mu mpanda mwanu, akawele na kulya na kukuta. Citani ici kuto Yehova Mulungu wanu akudaliseni mweo mu nchito zonse za manja zamucita.