¹ Ak kingo kagotar Jeiso ng'alechu kwo eng' Galili agoi koit tabanwekab Judea, noto ko kesirtoe Jordan komosin. ² Ak kiirub inendet tuiyosiek che echeen ak kiisoob ichek eng' oloto. ³ Ak kibwonji inendet Parisaik ak kotiem kole, "Tos chamdaat eng' ng'atutik koon chi chepyosennyi agobo kiy age tugul?" ⁴ Ak kiwol Jeiso kole, "Tomo osoman ole inendet ne kiyai icheket eng, taunet ko kiyai muren ak tie? ⁵ Ak kile inendet ne kiyae icheket, 'Agobo nito anyun bogoktoi mureno kwanda ak kamet, ak konamge ak chepyosennyi, ak koek tuwai borto agenge'. ⁶ Si ma ko aeng' ago borto agenge, noto anyun che kigotuiyo Jehovah ko matobesio chi." ⁷ Kileji anyun bichoto inendet, "Kiinee anyun si kong'atech Musa kole kigochini siret ne bo besiet ak keon kwo?" ⁸ Komwochi ichek koleji, "Kichomwok Musa oon chepyosokwok amu uuindab mugulelwekwok, ago kima ko u noto kong'ete taunet. ⁹ Ak amwowok ale, chi age tugul ne onei osotiondennyi ama eng ng'olyotab sokset ak kotun age, ko kabaige; ak inendet ne ituni ne kigeon ko kabaige." ¹⁰ Koleji alamalyennyi Jeiso, "Ngoto ateptab muren ak chepyosennyi ko u noto, ko ma kararan ketungei." ¹¹ Ago kileji icheket, "Ma imuchi biko tugul kotaach mwaoni, kobate ichek che kigochini. ¹² Amu mito sirorinik che kigisich ko u noto kong'etee motinwekab kametisyekwai ak mito biko che kigimoch, ak mito biko che kiimochge agobo bounatetab kipsengwet. Inendet ne imuch ko ingotaach ni, kotaach." ¹³ Kigimutyi anyun leguk che tiginen si kobiit kogonoor eunekyi ichek ak kosa, ak kiger kong' alamalyet ichek. ¹⁴ Ago kile Jeiso, "Ochomji leguk che tiginen kobwonjo amotoetee amu bo che u choto bounatetab kipsengwet. ¹⁵ Ak kiigonoor eunekyi ichek ak kwo eng' oloto. ¹⁶ Ogeer, anyun kijonji chi age ak kole "Konetindoni ne kiy ne kararan ne tos ayai si anyor sobondab koigeny?" ¹⁷ Ak koleji Jeiso, "Kaine si iteebena agobo noto ne kararan? Mi agenge kityo ne kararan, ago ngimoche imongji sobondo, inam ng'atutik." ¹⁸ Kilejichichoto inendet, "Ng'atutik che u nee?" Ak kile Jeiso, Ameborishe, Moipge, Mechorse, Mebaorionji lembech, ¹⁹ Tegis kwandang'ung' ak komet, ak icham chitab kokwet ko u yo ichamege." ²⁰ Koleji murenoto, "Kiarib tuguchu tugul. Ta ko ng'etunot nee eng' ane?" ²¹ Koleji Jesio inendet, "Ngimache iegu ne igesunotge iwe ialde che itinye ak igochi kibananok, si inyoru magornatet eng' kipsengwet; ak irubwa." ²² Ago kingogas murenoto mwaonato kwo eng' koimutik amu kitinye tuguk che chang'. ²³ Ak kileji Jesio alamalyennyi, "Amwowok iman ale, korom eng' mogoriot komang'ii bounatetab kipsengwet. ²⁴ Ak kogeny amwowok ale, nyumnyum eng' tambesiet kochut kondab katet kosiir komongii mogoriot bounatetab Jehovah." ²⁵ Ak kingogas alamalyennyi ko u noto, ko kikwong'io missing ak kole, "Ara ng'o anyun ne sarunoksei?" ²⁶ Ak kiroo Jeiso icheket ak koleji maimugase ni eng' biko, ago imugokse tuguk tugul eng' Jehovah." ²⁷ Kiwolji Petero, anyun koleji, "Topen kigebagakte tuguk tugul ak kerubun inye. Kinyoru ne anyun achek?" ²⁸ Ak kileji Jeiso icheket, "Amwowok iman ale akwe che korubwa, ko tun eng' yaet ne leel ye tun tebee weritab chi ng'echeretab torornatennyi otebe ak akwee ng'echerok taman ak aeng' che bo laitornatet oruokyini ortinwek taman ak aeng' che bo Israel. ²⁹ Ak age tugul ne kikobagakta gorik, werikwai, tibikwai, kwanda, kamet, leguk anan mbaret agobo kainennyu kotooche konyil bogol ak kobor eng' sobondab koigeny. ³⁰ Ago anyun tun egu che chang' che bo tai che bo let, ak koegu che bo let che bo tai.