Perumpamaan hal penabur
1
huang andrau hio,Yesus balua tekei lewu palus maharung iring danau.
2
Balalu,ulun ajoh bakumpul gi Aye.Gene hio, Aye mambai gi jukung balalu maharung , palus ulun ajoh hio mindri iring danau.
3
Balalu,Aye nyurah ajoh hal gi here huang perumpamaan,eau E,"naan erang kulun penabur tulak lepuh mule,
4
balalu waktu aye mule,papire umang lawu tangar iring lalan,wurung-wurung hawi palus nguta e hampe galis.
5
umang sa lain lawu tangar uneng sa ba watu,sa bakoi ajoh tane e,palus hinang bo tumbu gene tane e bakoi lalem.
6
tapi,hayak mate andrau hulet,tanaman hio wuah laing.Balalu,gene bakoi naan wakat,tanaman hio jari meang.
7
Umang sa lain lawu ta helang pulau runrui,balalu pulau runrui hio tumbu,palus napid e.
8
tapi,umang sa lain lawu ta tane sa maeh nihi menghasilkan wua,naan sa jatuh kali lipat,naan sa enem pulu kali lipat,palus naan sa telum pulu kali lipat.
9
Hie sa basilu,rengei bo aye ngarengei."Yesus ngajar nihi perumpamaan
10
Balalu,murid-murid Yesus hawi palus nane gi Aye,"Wuah inon Kayo mawara gi here huang perumpamaan?"
11
Yesus ngajawab here,"gi kaon haot na karuniakan pakai ngarasa rahasia Kerajaan Surga,tapi gi here bakoi na karuniakan.
12
Gene,ulun sa naan,gi aye sagar na ami palus aye sagar bakalabihan.tapi,hie sa bakoi naan inon-inon,bahkan inon sa naan ta aye sagar naalap tekei aye.
13
Gene hio lah,Kuki bapander gi here huang perumpamaan gene waktu here nginni,here bakoi nginni,palus katika here ngarengei,here bakoi karengei,nelang bakoi paham.
14
Hal here,na tampa ganap lah nubuat Yesaya sa ngeau,`nihi pangarengei,kayo sagar karengei,tapi bakoi sagar suah paham.Balalu,nihi nginni,kayo sagar nginni,tapi bakoi sagar paham.`
15
Gene atei bangsa iti haot mape,silu here koler pakai ngarengei,palus here nutup mate here.amun bakoi,pasti here kiuh nginni nihi mate here,ngarengei nihi silu here,palus kiuh paham nihi atei here,balalu waleng gi Kuki palus na samare.` Yesaya 6 : 9 - 10
16
Tapi,na berkati lei mate nu gene nginni palus silu nu gene karengei.
17
Kuki mawara sabujur e gi kayo aye hio ajoh Nabi nihi ulun-ulun wuah sa kakan nginni inon sa na inni kayo,tapi bakoi nginni e,balalu kakan ngarengei inon sa na rengei kayo,tapi bakoi ngarengei e."Penjelasan hal perumpamaan penabur
18
Ulah gene hio,rengei bo lah arti perumpamaan hal penabur.
19
katika ulun ngarengei Firman Kerajaan tapi bakoi mamaham e,sa jahat hawi ngarampas inon sa haot na bule huang atei ulun hio.Iti lah ulun sa umang e na bule tangar iring lalan.
20
naan lei sa ta bule tangar uneng sa bawatu - watu,iti lei ulun sa ngarengei Firman palus narime e nihi sanag atei,
21
tapi aye bakoi naan wakat huang tenga e balalu batahan tawelek bo.Balalu,waktu panindasan atawa pangahanang jari gene Firman hio, aye palus lawu.
22
Umang sa lawu tangar penah pulau runrui aye hio ulun sa karengei Firman hio,udi hio kagaer dunia nihi tipu daya katatau nyingkir Firman hio balalu bakoi ba wua.
23
Tapi,ulun sa umang e na bule ta tane sa maeh,iti lah ulun sa ngarengei Firman hio balau mamaham e.Aye lah sa bujur-bujur bawua palus bahasil, naan sa jatuh kali lipat,papire enem kali lipat,balalu telum pulu kali lipat."Perumpamaan hal rikut liar nihi Gandum
24
Yesus ngahampe perumpamaan sa lain e gi here, eau E ,"Kerajaan Surga hio kiuh na umpama lei sameh ulun sa ngamule umang sa maeh tangar allah e.
25
Tapi,salagi ulun-ulun mandre,musuh e hawi palus ngamule umang rikut ta helang umang gandum,palus tulak.
26
Waktu tanaman batunas nihi bainsoi,udi hio rikut hio timbul lei.
27
Balalu,walah-walah tekei sa ampun allah hio hawi palus nane gi Aye,`Tuan,bakoi lah kayo ngamule umang sa maeh tangar allah nu?balalu,tekei awe lah hawi e rikut hio?`
28
Aye ngeau gi here,`erang kulun musuh haot ngulah e.`balalu,walah-walah hio ngeau gi Aye,`inon kah Kayo kakan kami tulak balalu ngumpul e?`
29
Tapi,Tuan hio ngeau,`ada ! gene,katiak kayo mangumpul rikut-rikut hio,tau bo kayo munat gandum hio hayak e.
30
elah e bo kararueh e tumbu sasameh hampe wayah masi, balalu tangar waktu masi , kuki sagar ngeau gi here sa ngamule,"sa kaisa,na kumpul bo rikut-rikut hio palus huruk bo huang kakumpulan mat na tutung.Tapi,kumpul lei gandum gi huang palunnu kuki. " Kerajaan Allah sameh insoi sesawi nihi Ragi
31
Udi Yesus ngesah perumpamaan sa lain gi here,eau E,"Kerajaan Surga hio sameh insoi sesawi sa naalap ulun palus na bule ta allah e.
32
insoi hio aye hio sa paling halus tekei kaluhan masam umang,tapi katika tummu,aye labih hante tekei kaluhan masam sayuran,bahkan jari kakau kayu sehingga wurung-wurung ta langit hawi palus ba hanai tangar jangkeng-jangkeng e."
33
Udi hio Yesus ngesah isa perumpamaan sa lain gi here,"Kerajaan Surga hio sameh ragi,sa ulah wawei naalap balalu na tampa suluk gi huang kalutan tepung sa ajoh telu sukat hampe kaluhan kalutan hio ta sampur ragi.
34
Kaluhan hal iti na eau Yesus gi ulun ajoh huang perumpamaan-perumpamaan,balalu Aye bakoi bapaner gi here bakoi perumpamaan.
35
nihi hio,na genep lei inon sa nahampe nangkah Nabi,"Kuki sagar nguka wawa huang perumpamaan-perumpamaan,Kuki sagar ngantuh hal-hal sa nasiok tekei dunia na sanyari."Mazmur 78:2 Perumpamaan hal rikut liar tangar allah
36
Udi hio,Yesus nanan ulun ajoh hio balalu suluk gi lewu.Palus murid-murid E hawi gi Aye balalu,"na jelas bo gi kami perumpamaan hal rikut-rikut ta allah."
37
Balalu, jawab E," ulun sa ngamule umang sa maeh aye hio Anak Manusia,
38
balalu allah hio aye hio dunia iti.umang sa maeh aye hio anak-anak Kerajaan,palus rikut aye hio anak-anak sa jahat,
39
balalu musuh sa ngamule e aye hio iblis,balalu musim masi hio aye akhir zaman,palus here sa masi hioaye hio Malaikat.
40
Jari,sameh nihi rikut sa nakumpul balalu na tutung huang apui,ka hio lei sa sagar jari tangar akhir zaman.
41
Anak murunsia sagar mangutus here Malaikat E,balalu here sagar mangumpul kaluhan watu sandungan hayak ulun-ulun sa ngulah kajahatan tekei Kerajaan E,
42
balalu sagar nawut e gi tungku apui.tangar hio sagar naan tangis an nihi karutup dipen.
43
Udi hio,ulun-ulun wuah sagar ba mara ai sameh mate andrau huang Kerajaan Amah here.Hie sa basilu,elah lei aye ngarengei."Kerajaan Surga sameh panatau
44
"Kerajaan Surga aye hio sameh panatau sa nasiok tangar allah,sa na halu ulun,balalu na siok lagi.Balalu gene kasanang atei e,aye tulak,matang kaluhan sa naan ta aye,palus midi allah hio.
45
hindra lagi,Kerajaan Surga aye hio sameh erang kulun pedagang sa nupui mutiara sa maeh.
46
waktu aye kahaba isa mutiara sa banilai entu,aye tulak palus matang kaluhan sa naan ta aye,balalu midi mutiara hio."Kerajaan Surga sameh lunta sa penu kenah
47
Kala hio lei,Kerajaan Surga aye hio sameh lunta sa na timbai gi huang laut,balalu ngumpul ajoh kenah,
48
katika lunta hio penu,here narik e gi pampang balalu maharung,balalu ngumpul kenah-kenah sa maeh gi huang karanjang-karanjang hante,tapi ngumpe sa bakoi maeh.
49
Jari,hio lah sa sagar jari tangar akhir zaman.Here Malaikat sagar balua balalu nampisah sa jahat tekei ulun-ulun wuah,
50
palus nawut ulun-ulun jahat hio gi huang tungku apui.Ta uneng hio sagar naan ratapan nihi karautup dipen.
51
Haotlah kayo paham mat kaluhan iti?"here ngeau gi Aye,"oi".
52
Balalu,Yesus ngeau gi here,"gene hio,setiap ahli Taurat sa haot jari murid Kerajaan Surga,aye sameh ulun ampun lewu sa nampalua panatau e sa bio palus sa lawah tekei panatau e."Yesus na tulak tangar kota asal E
53
Katika Yesus haot nyanyari perumpamaan-perumpamaan hio,Aye tulak tekei hio.
54
Balalu,katika Aye hampe ta kota asal E, Aye ngajar tangar Sinagoge-sinagoge here balalu heredodor palus ngantuh,"tekei awe ulun ina kahaba kebijaksanaan nihi mujizat-mujizat iti?
55
Bakoi lah Aye iti anak erang kulun tukang kayu?bakoilah ine E naantuh Maria,balalu pulaksanai-pulaksanai E aye hio Yakobus,Yusuf,Simon nihi Yudas?
56
bakoi lah pulaksanai-pulaksanai E sa wawei naan nihi takam? balau tekei awe ulun ina kiuh kaluhan hal sameh iti ?"
57
Balalu,here tasinggung ulah E.Tapi,Yesus ngeau gi here,"Erang kulun Nabi bakoi lah bakoi na hormati,kecuali tangar uneng asal E nihi ta lewu E raerai."
58
Balalu,Aye bakoi ngualh ajoh mujizat ta aro gene here bakoi harap.