1
Yesus ngeau napot murid-murid E," naan erang kulun tatau sa ampun kepala walah.balalu,napot ulun tatau hio na lapor kan aye hio kepala alah e haot ngaroros kan katatau e.
2
Gene hio,ulun tatau hio nerau kepala walah e hio palus ngeau,`inon sa na rengei kuki gene kayo iti?ami bo pertanggungjawaban entu tugas nu gene kayo bakoi tau lagi jari bendaharaku.`
3
Kepala walah hio lei ba pikir,`inon sa sagar na ulah kuki gene wayah iti tuan ku haot nyantadoh kuki tekei gawian ku?kuki bakoi sukup gagah mat mancangkul balalu mangan mun ngalako.
4
kuki karasa inon sa sa harus na ulah kuki mat katika kuki na santadoh jari bendahara,ulun-ulun sagar narime kuki ta lewu here.`
5
Udi hio,aye nerau lei tiap ulun sa ba utang napot tuan e.napot ulun sa ka isa aye ngeau,`pire utang nu napot tuan ku?
6
Ulun hio nuing,` jatuh bat ilau zaitun.`balalu kapala walah hio ngeau napot aye,`alap bo surat utang nu,hinang bo maharung balalu tulis bo 50 bat.`
7
Udi hio kepala walah hio nane napot ulun lain,`pire ka ngajoh utang nu?`ulun hio nuing,`jatuh kor gandum.`balalu bendahara hio ngeau napot aye,`alap bo surat utang nu balalu tulis bo bahwa utang nu 80 pikul.`
8
Udi hio,ulun tatau hio nawat kepala walah sa bakoi jujur hio gene aye ngagawi nihi cerdik.Gene,anak-anak dunia iti labih cerdik ba urusan nihi sameh e tekei anak-anak tarang.
9
Kuki ngeau napot kayo,ba sahabat bo nihi mamon sa bakoi bujur mat katika mamon hio galis,kayo sagar na tahalu tangar lewu abadi.
10
Hie bo sa setia huang hal-hal sa halus,aye lei setia huang hal-hal sa hante.Balalu,hie lei sa bakoi jujur huang hal-hal sa halus,aye lei bakoi jujur huang hal-hal sa hante.
11
Jari,amun kayo bakoi kiuh na harap mat mengelola harata duniawi,hie sa sagar harap harata sa bujur e napot kayo?
12
Balalu,amun kayo bakoi kiuh na harap huang makai ampun ulun lain,hie sa sagar ngami inon sa seharus e jari ampun kayo?
13
Bakoi naan tau walah melayani rueh majikan e gene aye sagar marikang nihi sa isa balalu sanang nihi sa lain.Atawa,aye sagar nuu napot majikan sa isa balalu koi nuu nihi sa lain.kayo bakoi kiuh melayani Allah nihi mamon."Pangingat napot ulun Farisi
14
Ulun-ulun Farisi,sa aye hio pecinta duit,ngarengei hal iti ngahulut Yesus.
15
Yesus ngeau napot here,"kayo aye hio ulun-ulun sa nyamuah areb nu kakareb tangar hadap murunsia,tapi Allah karasa isis atei nu sa sabujur e gene sa na agung-agungkan ta helang murunsia aye hio isa raat tangar hadap Allah.
16
Hukum Taurat nihi Kitab here Nabi na jarkan hampe jaman Yohanes;tekei jaman Yohanes,kabar maeh gene Kerajaan Allah haot na wara balalu kaluhan ulun mamaksa suluk gi huang e.
17
Tapi sa bujur e,labih maraoh gi Bumi nihi langit jawoh tekei isa titik huang hukum Taurat na batalkan.Gene sarak
18
"satiap ulun sa nyansarak harau e balalu naharau nihi wawei lain,aye ngulah zinah.balalu,ulun sa naharau wawei sa na sansarak wane e,lei ngulah zina."Ulun tatau nihi Lazarus
19
" Naan erang kulun tatau sa tarus ba pakaian ungu nihi kain linen,balalu ba sanang-sanang tarus tiap andrau huang kemewahan e.
20
ta pintu gerbang lewu ulun tatau hio,mangkadinglah erang kulun susah bangaran Lazarus,sa tenga e penu nihi purat.
21
Aye baharap na ami kuta inon lei sa lawu tekei meja kuman ulun tatau hio;hampe tahu-tahu hawi nelap purat e.
22
Ta isa katika,ulun susah hio matei balalu ulah here malaikat gi santatang Abraham.ulun tatau hio matei lei balalu na ogang.
23
Ta alam diau aro,wayah na siksa,ulun tatu hio nginni gi entu balalu ngini Abraham ta lawit nihi Lazarus ta santatang e.
24
Balalu,ulun tatau hio kamiak,`Bapa Abraham,kaahilah nihi kuki balalu huyu bo Lazarus nyolop puting kingking e gi ranu balalu nyanrisak lelaku gene kuki rara huang lelap apui iti.`
25
Tapi,Abraham ngeau,`Nak,itung lah katika kayo masih welum,kayo haot narime hal-hal sa maeh,nelang Lazarus narime hal-hal sa raat;wayah iti,ta iti Lazarus na hibur,nelang kayo na siksa.
26
salain hio kaluhan,naan jurang hante sa nampisah takam hampe ulun sa kakan nyabarang tekei iti gi uneng nu bakoi tau nyabarang,balalu ulun sa tekei uneng nu lei bakoi tau nyabarang gi uneng kami.`
27
Balalu,ulun tatau hio ngeau,`amun sameh hio,kuki lako napot kayo Bapa,utuslah Lazarus gi lewu amah ku,
28
gene kuki naan dime pulaksanai laki.elah bo Lazarus nampa ingat here mat uni here bakoi suluk gi uneng penyiksaan iti.`
29
Tapi,Abraham ngeau,`here naan hukum Musa nihi Kitab here nabi,elah bo here karasa tekei kaluhan hio.`
30
eau ulun tatau hio lagi,`bakoi Bapa Abraham.amun erang kulun tekei helang ulun matei hawi napot here japo lah here sagar batobat.`
31
Tuing Abraham napot ulun tatau hio,`amun pulaksanai-pulaksanai nu bakoi ngarengei Hukum Musa nihi kitab here nabi,here bakoi sagar tau na yakinkan,hampe ulah erang kulun sa buan tekei helang ulun matei."