1
Ta isa andrau Sabat,Yesus hawi gi lewu erang kulun pamimpin ulun-ulun Farisi mat kuman roti hayak-hayak e balalu here kaluhan mangawasi Yesus.
2
Wayah hio,naan erang kulun sa rara gene busung ranu ta hadap E.
3
Yesus mawara napot ulun-ulun Farisi nihi ahli-ahli Taurat,"inonkah iyuh nyamare ulun tangar andrau Sabat?"
4
Tapi,here bakoi nuing E.Udi hio,Yesus lei negei ulun maringin hio balalu nyamare e,balalu nuyu ulun hio tulak.
5
Yesus mawara napot here,"hie kah nekei penah kaon sa amun anak e atawa sapi jagau e lawu gi huang sumur ta andrau Sabat,bakoi hinang nyujut e balua?"
6
Balalu,here lei bakoi kiuh nawan paneran E." Uneng Kehormatan.
7
Udi hio,Yesus nyurah isa perumpamaan napot tamu-tamu undangan wayah Aye ngini sameh awe here midi uneng-uneng maharung sa terhormat ta iring meja kuman,eau E napot here,
8
"amun kayo na undang ulah erang kulun gi isa pesta kawinan,ada bo kayo maharung ta uneng kehormatan gene tuan pesta hio tau haot mengundang ulun sa labih terkemuka tekei kayo.
9
Balalu,tuan lewu hio sagar hawi napot kayo palus ngeau,`ami bo unengan nu napot ulun lain iti!"balalu,kayo lei harus mahulu gi uneng sa panga imme nihi mangan.
10
Tapi,amun kayo na undang,maharung bo ta uneng sa panga wading mat katika sa ngundang kayo hawi,aye sagar ngeau napot kayo,`Sahabat,pindah bo gi uneng sa labih terhormat.`nihi sameh hio,kayo sagar kiuh penghormatan ta hadapan ulun-ulun sa maharung kumanhayak nihi kayo.
11
Gene,kaluhan ulun sa nampa entu areb e sagar na tampinau,tapi aye sa nampinau areb e sagar na tampa entu."Undangan kuman nihi balasan e
12
Balalu,Yesus ngeau napot ulun sa ngundang E hio,"amun kayo nyarungan kuman entu andrau nihi kuman kamalem,ada ngundang hengau-hengau,pulaksanai-pulaksanai,babuhan kaluhan,atawa tetangganu sa tatau gene here sagar nyamaleh gi kayo nihi ngundang lei kayo kuman hayak here.
13
Tapi,amun kayo ngulah pesta,undang bo ulun-ulun susah,ulun-ulun cacat,ulun-ulun lumpuh nihi ulun-ulun pehe.
14
Balalu,kayo sagar na berkati gene ulun-ulun iti bakoi kiuh nyamaleh kayo waleng;kayo sagar halu waleh an e ta wayah ulun-ulun wuah na sambuan."Perumpamaan gene undangan surungan kuman
15
Katika erang kulun sa kuman hayak Aye ngarengei paneran-paneran iti,ulun hio ngeau napot Aye,"na berkati lah ulun sa sagar kuman roti huang Kerajaan Allah."
16
Tapi,eau Yesus napot ulun hio,"naan erang kulun sa nyurung kuman kamalem sa hante nihi ngundang ajoh ulun,
17
balalu katika wayah kuman kamalem haot hampe,ulun hio nuyu walah e mat ngeau napot tamu sa haot na undang,` hawi bo,gene kaluhan e haot siap.`
18
Tapi,kaluhan tamu undangan hio ngulah alasan-alasan.ulun sa panga dahulu ngeau,`kuki japo midi isa kabun balalu kuki harus tulak ngini e.tarime bo lako maaf ku.`
19
sa lain ngeau,`kuki japo midi dime pasang sapi nihi kuki harus tulak ma mariksa sapi-sapi hio.tarime bo lako maaf ku.`
20
nelang sa lain lagi ngeau,`kuki japo bo kawin.gene hio,kuki bakoi kiuh hawi.`
21
Balalu,pelayan hio lei waleng palus ngadu kaluhan e napot tuan e.Balalu,tuan e hio jari sangit,balalu ngeau napot walah e,`hinang bo! tulak gi lalan-lalan nihi tiap gang tangar kota iti.tunda bo napot kuki ulun-ulun susah,ulun-ulun lumpuh,ulun-ulun kepa,nihi ulun-ulun pehe.`
22
Udi hio,walah hio ngeau napot aye,Tuan,kuki haot ngagawi inon sa na huyu kayo,tapi magun naan uneng lawang.`
23
Tuan hio ngeau napot walah e,`tulak bo gi lalan-lalan raya nihi tiap gang.tunda bo ulun-ulun ta aro mat hawi gi ina mat lewu ku jari penu.
24
Kuki mawara napot kayo,bakoi erang kulun lei tekei here sa na undang ku sa mete e hio sagar nginam panguta surungan ku."Gene nutah Yesus
25
Ajoh ulun takia hayak-hayak nihi Yesus.udi hio Yesus ngulik napot here nihi ngeau,
26
Amun erang kulun hawi napot Kuki tapi bakoi marikang amah nihi ine e,harau nihi anak-anak e,pulaksanai laki nihi pulaksanai wawei e,hampe welum e kakareb,aye bakoi tau jari murid Ku.
27
Hie lei sa bakoi ngaun salib e palus nutah Kuki,aye bakoi tau jari murid Ku.
28
Hie kah tekei helang kaon sa kakan napindri menara,tapi bakoi maharung dulu e nihi ngareken biaya mat ngarasa inonkah aye sukup duit mat nyanyari e?
29
Amun sameh hio,katika aye ngandak fondasi nihi bakoi sanggup nyanyari e,kaluhan ulun sa ngini e sagar kamihi napot aye.
30
Ulun-ulun hio ngeau,`ulun iti mulai nambuan,tapi aye bakoi sanggup nyanyari e.`
31
Atawa,Raja awe kah sa sagar tulak berperang nawan Raja lain tapi bakoi maharung dulu e balalu mempertimbangkan inonkah aye hayak 10.000 tentara e kiuh nawan 20.000 tentara?
32
Amun aye bakoi kiuh nyantalau raja lain hio,aye sagar ngirim erang kulun utusan balalunane syarat-syarat ba damai katika pasukan lawan e hio magun lawit.
33
Sameh hio lei nihi kayo asing-asing,bakoi naan erang kulun lei tangar penah kayo sa kiuh jari murid Ku amun aye bakoi nyarah kaluhan ampun aye."Sira sa mapahe bakoi naan guna e.
34
"Sira hio maeh,tapi amun sira hio jari mapahe,kala awe kah ngulah e maerang waleng?
35
Sira hio hampe bakoi lagi kiuh na pakai mat gi kabun atawa pupuk hampe ulun ekat sagar ngumpe e.hie sa naan ba silu mat ngarengei,oboh lei aye ngarengei!"