1
Ta aro,naan papire ulun mawara Yesus gene ulun-ulun Galilea sa ira e nasampur Pilatus nihi kurban persembahan here.
2
Tuing Yesus napot here,"inonkah here nanguh ulun-ulun Galilea iti labih badosa tekei ulun-ulun Galilea lain e gene here rara sameh hio?
3
Kuki mawara napot kayo,bakoi.tapi,amun kayo bakoi batobat,kayo kaluhan lei sagar matei.
4
Atawa kataru gene ka walu belas ulun sa matei katika menara ta riet kolam Siloam lawu balalu nukun here,inonkah kayo nanguh here hio pendosa sa labih raat tekei kaluhan ulun sa muneng ta Yerusalem?
5
Kuki ngeau napot kayo,bakoi.tapi,amun kayo bakoi batobat,kayo kaluhan lei sagar matei!"kakau kayu sa bakoi ba wua
6
Yesus ngesah lei perumpamaan iti:"naan erang kulun sa ampun erang kakau kayu ara sa na bule e ta kabun anggur e.tapi, wayah aye hawi mat nupui wua ta kakau hio,aye bakoi ka halu e.
7
Jari,aye ngeau napot tukang kabun e,`haot telu taun kuki hawi nuoui wua ta kakau ara iti,tapi kuki mete piji kahalu isa lei.Teweng bo kakau kayu hio!wuah inon ngumpe-ngumpe tane mat kakau kayu hio?`
8
Tapi,tukang kabun hio nuing,`Tuan,ami bo kakau kayu hio kesempatan lagi taun iti mat mua.elah bo kuki ngadi tane ta iring e balalu ngami pupuk,
9
bahara kakau kayu hio sagar ngahasil wua taun hadap.amun bakoi mua lei,Tuan tau neweng e."Yesus nyamare ta andrau Sabat
10
Ta isa wayah,Yesus ngajar ta isa Sinagoge ta andrau Sabat.
11
Ta aro naan erang kulun wawei sa karasukan roh hampe ngulah aye maringin salawah walu belas taun.punggung wawei hio bungkuk hampe bakoi kiuh mindri tagap.
12
Katika Yesus ngini e, Aye nerau wawei hio balalu ngeau,"Ui wawei,kayo haot na bebaskan tekei panyakitnu."
13
Udi hio,Yesus menumpangkan tangan E ta wawei hio palus wayah hio lei,aye kiuh mindri tagap palus memuji Allah.
14
Tapi,pimpinan Sinagoge hio jari sangit gene Yesus nyamare ta andrau Sabat.Aye ngeau napot ulun ajoh,"naan enem andrau mat bagawi.gene hio,hawi lah mat na samare ta andrau-andrau hio,bakoi ta andrau Sabat."
15
Tapi,Tuhan nuing ulun hio,"Kayo ulun-ulun munafik! bakoikah kayo kaluhan nyanapas sapi atawa ampun kayo sa na huruk tangar kandang balalu ngayak e balua mat ngoot ta andrau Sabat?
16
Gene hio,bakoi kah wawei iti,erang kulun katurunan Abraham sa haot na huruk salawah walu belas taun ulah setan,harus lei na sanapas tekei belenggu e hio ta andrau Sabat?"
17
Katika Yesus ngeau sameh hio,kaluhan lawan E na pamangan,nihi ulun ajoh ba suka cita entu gawian ajaib sa haot na ulah E."perumpamaan Insoi Sesawi nihi ragi
18
Udi hio,Yesus ngeau," sameh inon kah Kerajaan Allah hio?nihi inonkah Kuki kiuh nga umpamakan e?
19
Kerajaan Allah hio sameh insoi sesawi sa na alap ulun palus na bule ta kabun e;insoi hio tumbu jari kakau kayu,balalu wurung-wurung ta udara ba hanai tangar jangkeng-jangkeng e."
20
Balalu lagi Aye ngeau,"nihi inonkah kuki ma umpama Kerajaan Allah?
21
Kerajaan Allah hio sameh ragi sa na alap erang kulun wawei balalu na sampur huang telu sukat tepung hampe kaluhan adonan hio kamer."ekat dohot sa naselamatkan
22
Yesus malupui kota-kota nihi desa-desa,Aye ngajar nihi tarus takia nuju Yerusalem.
23
Balalu,erang kulun nane napot Aye,"Tuhan,inonkah ekat dohot ulun sa na salamtkan?"Yesus ngeau napot here kaluhan,
24
" ba juang bo mat kiuh suluk nangkah pintu sa hipit;gene Kuki ngeau napot kayo,ajoh ulun sagar ba usaha suluk gi aro,tapi here bakoi sagar tau.
25
Amun ulun ampun lewu mindri palus nutup lewu e,rahat kayo mindri tangar wading nihi nagtuk wanawang nelang ngeau,`Tuan,awat uka bo napot kami.` Aye nuing,`Kuki bakoi karasa nekei awe kayo ba asal.`
26
Balalu,kayo sagar nuing,`kami haot kuman nihi ngoot hayak kayo.Kayo haot ngajar ta lalan-lalan kota kami.`
27
Tapi,Aye sagar nuing,`Kuki bakoi kataru nihi kayo balalu bakoi karasa tekei awe kayo ba asal.Tulak bo nekei hadap kuki,kaon kaluhan sa ngulah kajahatan!`
28
Kayo sagar nangis nihi ngaratup dipen katika ngini Abraham,Ishak,nihi Yakub,namput kaluhan Nabi muneng huang Kerajaan Allah nelang kayo na tawut gi wading.
29
Udi hio,ulun-ulun sagar hawi tekei timur nihi barat,balalu lei utara nihi selatan.here sagar maharung nihi kuman huang Kerajaan Allah.
30
Sa bujur e,ulun-ulun sa pangalis sagar jari sa panga dahulu nihi ulun-ulun sa panga dahulu sagar jari sa pangalis e."Yesus harus tulak gi Yerusalem
31
Ta wayah hio,papire ulun Farisi hawi napot Yesus palus ngeau,"tulak bo,tanan uneng iti gene Herodes kakan munu Kayo."
32
Yesus nuing here,"tulak bo palus wara napot rubah hio,`andrau iti nihi katuni,Kuki sagar nulak roh-roh jahat nihi nyamare ulun,nihi andrau ka telu,Kuki sagar nyanyari gawian Ku.`
33
Tapi,Kuki harus nampalus kiaan andrau iti,katuni,nihi karuan gene bakoi sagar erang kulun Nabi matei ta wading Yerusalem.
34
Yerusalem,Yerusalem!kayo munu here Nabi nihi merajam ulun sa na utus naot kayo! gaha Kuki ngaheng ngumpul anak-anak nu,sameh nihi indu manu sa ngumpul anak-anak e tangar kapit kalekep e.Tapi,kayo bakoi hakun.
35
wayah iti lewu nu sagar na sa nawang nihi jari suni.Kuki mawara napot kayo,kayo bakoi sagar ngini Kuki lagi hampe hawi wayah e kayo sagar ngeau,`na berkati lah Aye sa hawi huang aran Tuhan!"