1
Rahat hio,katika naan ribuan ulun bakumpul nihi here ba ka rarah,Yesus mulai bapander napot here murid panga dahulu,"ba hati-hatilah nadap ragi ulun-ulun Farisi,aye hio kemunafikan.
2
Gene,kaluhan sa ta tutup sagar na uka nihi kaluhan sa na siok sagar na santarang.
3
Gene hio,inon sa kayo antuh ta huang mieng sagar na rengei ta huang tarang nihi sa na keneh kayo ta huang kamar sagar na wara ta entu-entu atap lewu."Takut napot Allah
4
Kuki ngantuh napot kayo,ui hengau-hengau Ku,ada bo takut napot here sa kiuh munu tenga,tapi udi hio bakoi kiuh ngagawi labih lawit lagi.
5
Tapi,Kuki sagar nampa ingat kayo gene hie sa harus na takut kayo;takut bo napot Aye,sa udi munu,lei ba kuasa nawut kayo gi huang neraka.oi,Aye lah sa harus na takut kayo.
6
Bakoi lah 5 kikui wurung pipit na batang ekat sa harga 2 kiping bo?tapi,bakoi erang kikui lei tekei wurung-wurung hio sa koi na ingat ta hadap Allah.
7
Hampe,jumlah wulu tangar ulu nu lei ta hitung.ada takut,kayo lawit labih ba uman tekei ajoh wurung pipit."pangingat napot sa nulak Yesus
8
"Kuki ngeau napot kayo,setiap ulun sa mangaku Kuki tangar hadap ulun lain,lei sagar na akui ulah Anak Murunsia ta hadap malaikat-malaikat Allah.
9
Tapi,setiap ulun sa nulak Kuki ta hadap ulun lain lei sagar na tulak ta hadap malaikat-malaikat Allah.
10
Balalu,hie lei sa ngantuh isa hal nawan Anak Murunsia kiuh na ampun,tapi hie lei sa menghujat Roh Kudus bakoi sagar na ampuni.
11
Katika here nunda kayo gi Sinagoge balalu gi hadap here pemimpin nihi penguasa,ada gaer gene kalawe kayo ngabela areb nu atawa inon sa harus na antuh kayo,
12
gene wayah hio lei Roh Kudus sagar ngajar kayo gene inon sa harus na antuh kayo."Perumpamaan gene erang kulun tatau
13
Isa tekei ulun ajoh hio ngeau napot Yesus,"Guru,huyu bo pulaksanai ku mat babagi warisan nihi kuki."
14
Tapi,Yesus ngeau napot aye,"pulaksanai,hie sa ngenat Kuki jari hakim atawa pengantara entu kayo?"
15
Udi hio,Yesus ngeau napot here,"ba jaga-jaga bo nihi waspada bo entu kaluhan model ka sakakar gene welum erang kulun bakoi bagantung tangar ajoh e harta sa ampun aye."
16
Balalu,Yesus nyurah isa perumpamaan napot here,"naan tane ampun erang kulun sa tatau tuu sa ngahasilkan ajoh tuu hasil wasi.
17
Jari,ulun hio bapikir huang atei e,`inon sa harus na ulah kuki gene kuki bakoi naan uneng lagi mat nyimoh hasil wasi ku?`
18
Balalu,aye ngeau,`itilah sa sagar na ulah ku.kuki sagar mungkas lumbung-lumbung ku balalu nambuan sa magin hante.Ta hio,kuki sagar nyimoh kaluhan gandum nihi barang-barangku.
19
Balalu,kuki ngeau napot jiwa ku,`ui jiwaku,kayo naan ajoh barang sa ta simoh mat ba taun-taun;istirahat bo,kuman,ngoot,nihi ba sanang-sanang bo!`
20
Tapi,Allah ngeau napot ulun hio,`ui ulun bungul! malem iti lei,jiwa nu na alap tekei kayo.balalu,hiekah sa sagar ampun barang-barang sa na simoh kayo?`
21
Sameh hio lah sa sagar jari napot ulun sa nyimoh harta napot tenga e kakareb,tapi bakoi lah tatau tangar hadap Allah."ada gaer
22
Yesus ngeau napot murid-murid E,"gene hio,Kuki ngeau napot kayo,ada gaer gene welum nu,gene inon sa sagar na kuta kayo.atawa,gaer gene tenga nu,gene inon sa sagar na pakai kayo.
23
Gene,welum labih penting tekei panguta nihi tenga labih penting tekei pakaian.
24
Inni lah wurung-wurung gagak.here bakoi mule atawa masi,here lei bakoi naan gudang atawa lumbung,tapi Allah ngami here kuman.kayo lawit labih ba uman tekei wurung-wurung hio.
25
hie kah ta helang kaon sa gene gaer kiuh nambah sehasta lei ta umur welum e?
26
amun kayo bakoi kiuh ngulah hal-hal sa halus iti,wuah inon kayo gaer hal-hal sa lain?
27
Perhati bo wunge bakung,sameh awe here tumbu.wunge-wunge hio bakoi bagawi mehet atawa memintal,tapi Kuki mawara napot kayo,hampe Salomo huang kemuliaan e lei bakoi bapakaian sa maeh isa tekei wunge-wunge hio.
28
amun Allah ngahias rikut ta kabun,sa andrau iti tumbu balalu katuni na umpe gi huang apui,bakoi kah Aye sagar ngahias kayo labih tekei rikut hio?ui,kayo sa kurang kaharap!
29
Jari,ada bo kayo nupui inon sa sagar na kuta kayo atawa inon sa sagar na oot,balalu ada bo nga gaer e.
30
Gene,bangsa-bangsa ta dunia nupui hio kaluhan,tapi Ambah nu karasa bahwa kayo memerlukan e.
31
Sa waleng e,lupui bo dahulu Kerajaan Allah,balalu kaluhan e iti lei na tambahkan napot kayo."kumpul bo harta ta surga
32
"ada takut,ui kumpulan halus,gene Amah nu kakan ngami napot kayo Kerajaan hio.
33
Batang bo kaluhan sa ampun kayo balalu ami bo sadakah.ulah bo napot kayo kantung duit sa bakoi tau rusak,aye hio harta ta surga sa bakoi kiuh jawoh,sa bakoi kiuh na alap maling atawa na rusak ulah wuwuk.
34
gene,ta awe uneng harta nu muneng,ta hio lei atei nu muneng."Hamba sa setia ngulah tugas e
35
" maeh bo pinggang nu tatap bahuruk balalu pelita-pelita nu tatap welum.
36
Jarilah sameh nihi ulun-ulun sa ngandrei tuan e mudi tekei pesta kakawinan mat here kiuh hinang nguka pintu gi aye,katika tuan e mudi nihi ngatuk pintu.
37
Na berkatilah hamba-hamba,sa na halu tuan e basiap sedia,katika aye hawi.Kuki mawara napot kayo,sabujur e,aye sagar nuruk pinggang e mat malayani nihi nyurung pelayan-pelayan e mat maharung kuman.Aye sagar hawi melayani here.
38
Amun tuan hio hawi rahat penah malem atawa kiat subuh balalu kahalu here rahat ngulah sameh hio,na berkatilah here!
39
Tapi karasa bo,amun erang kulun ampun lewu karasa jam pire maling sagar hawi gi lewu e,aye pasti bakoi sagar ngaret lewu e na bobol.
40
ulah gene hio,kayo lei harus tarus ba siap sedia gene Anak Murunsia sagar hawi ta wayah sa bakoi na inna-inna."
41
Udi hio,Petrus nane napot Aye,"Tuhan,inonkah Kayo nyurah perumpamaan iti ekat napot kami atawa napot kaluhan ulun lei?"
42
Tuing Tuhan,"hie kah kapala pelayan sa setia nihi bijaksana sa na percaya tuan e mat mengawasi here hamba sa lain,mat ngami here panguta ta wayah sa pas?
43
Na berkatilah hamba hio,sa katika Tuan e hawi,kahalu aye rahat ngagawi tugas e.
44
Kuki ngeau napot kayo,sa bujur e,tuan hio sagar midi aye mat mengawasi kaluhan ampun e.
45
Tapi,amun hamba hio ngeau huang atei e,`Tuan ku bakoi sagar hawi hinang,`balalu mulai ngompak walah laki namput walah wawei lain e,udi hio kuman ngoot hampe mahamui,
46
katika tuan e hawi ta wayah sa bakoi na inna-inna balalu bakoi na karasa ulah hamba hio,sang tuan sagar munu hamba hio balalu ngandak aye hayak nihi ulun-ulun sa bakoi setia.
47
erang kulun hamba sa karasa aheng tuan e,tapi bakoi basiap sedia atawa ngulah susuk aheng tuan e sagar kiuh ajoh kahanang.
48
Tapi,hamba sa bakoi karasa inon sa kana kakan tuan e nihi ngulah hal-hal sa pas kiuh kahanang,aye sagar kiuh kahanang labih doho.Setiap ulun sa na ami ajoh,na tuntut ajoh.nihi here sa na percaya labih ajoh sagar na tuntut labih ajoh lagi.Yesus ngulah pamisahan
49
Kuki hawi mat nawut apui gi dunia,nihi Kuki baharap apui hio haot welum!
50
Tapi,naan baptisan sa harus na langkah Ku,balalu Kuki nginam ma weat tuu hampe hal hio na tampa genep.
51
Inonkah kayo nanguh bahwa Kuki hawi mat nunda perdamaian ta entu bumi?bakoi,Kuki mawara napot kayo,tapi psah-pisah!
52
Mulai wayah iti,dime ulun huang isa keluarga sagar na pisah.telu ulun sagar nawan rueh ulun balalu rueh ulun sagar nawan telu kulun.
53
here sagar na tampisah;Amah sagar nawan anak laki e,balalu anak laki sagar nawan amah e.ine sagar nawan anak wawei e,balalu anak wawei e sagar nawan ine e.umpu wawei e sagar nawan nantu wawei e,balalu nantu wawei e sagar nawan umpu wawei e."Menafsirkan Zaman
54
Balalu,Yesus mawara napot ulun ajoh,"katika kayo ngini awan bakumpul ta tuhi barat,kayo hinang ngeau,`uran sagar minau,`balalu uran bujur-bujur minau.
55
Katika kayo nginam angin nyiwui tekei selatan,kayo ngeau,`andrau iti sagar kai mehet,`balalu hal hio bujur-bujur jari.
56
kayo munafik!kayo tau menafsirkan rupa langit nihi bumi,tapi wuah inon kayo bakoi tau menafsirkan zaman iti?"
57
"wuah inon kayo kakareb bakoi tau mamutus inon sa wuah?
58
katika kayo tulak hayak musuh nu mat nadap pemerintah,usahakan bo mat nyanyari masalah nu nihi aye huang kiaan mat aye bakoi nyujut kayo napot hakim balalu hakim sagar nyarah kayo napot pengawal,balalu pengawal hio sagar nawut kayo gi huang penjara.
59
Kuki mawara napot kayo,kayo bakoi sagar balua tekei aro samete kayo bayar utang nu hampe peser pangalis e."