1
Tangar isa andrau,Yesus lako doa ta isa uneng.katika Aye galis lako doa,erang kulun tekei murid-murid E ngeau napot Aye,"Tuhan,ajar bo kami lako doa sameh nihi Yohanes ngajar murid-murid e."
2
Udi hio Yesus ngeau napot here,"katika kayo lako doa,lako doa lah sameh iti:`Amah,na kudus lah aranNu.Hawilah kerajaanNu.
3
Ami bo napot kami panguta kami sa sukup e tiap andrau,
4
balalu ampunilah dosa-dosa kami gene kami kakareb lei mengampuni satiap ulun sa bahala napot kami.balalu ada bo nunda kami gi huang pencobaan."Lako bo,lupui bo,nihi katuk bo
5
Udi hio Yesus ngeau napot here,"umpama e isa tekei kaon naan erang kulun hengau balalu kayo tulak gi lewu hengau kayo hio tangar penah malem nihi ngeau napot aye,`hengau,pa kihau gi kuki telu roti,
6
gene erang kulun hengau ku rahat naan huang kiaan tunduk ta lewu kuki,tapi kuki bakoi naan inon-inon ta lewu mat na surungan napot aye.`
7
tau lah hengau nu tekei huang lewu nuing,`ada nganggu kuki! wanawang haot takunci nihi kuki namput anak-anakku haot ta uneng mandre.kuki bakoi kiuh buan mat ngami inon lei napot kayo.`
8
kuki ngantuh napot kayo bahwa biar lei hengau nu hio bakoi buan balalu ngami isa lei napot kayo gene kayo hengau e,tapi gene kayo tarus ngalako,aye pasti sagar buan balalu ngami inon sa na perlu kayo.
9
Jari,Kuki mawara napot kayo lako lah,kayo sagar narime.lupui,kayo sagar kahalu.katuk bo,wanawang sagar na uka napot kayo.
10
gene hie lei sa ngalako sagar narime.hie lei sa nupui sagar kahalu.balalu hie lai sa ngatuk,wanawang sagar na uka napot aye.
11
naan kah erang kulun amah tekei helang kaon sa sagar ngami nipe napot anak e amun aye lako kenah?
12
atawa ngami alimangu,amun aye lako telui?
13
amun kayo sa jahat kataru kalawe ngami pangamian sa maeh napot anak-anak nu,magin e Amah nu sa ta surga.Aye sagar ngami Roh Kudus napot ulun-ulun sa ngalako napot Aye."Yesus makai Kuasa Allah
14
Tangar isa andrau,Yesus nulak setan tekei erang kulun laki sa bisu.udi setan hio balua,ulun sa huni e muna hio kiuh bapander nihi ajoh ulun jari heran.
15
Tapi,papire ulun ngeau,"Aye nulak nihi kuasa Beelzebul,pemimpin setan."
16
Papire ulun lain e kakan manguji Yesus,here ngalako Aye nutui isa tanda tekei Surga.
17
Tapi,Yesus karasa inon sa na pikir here balalu ngeau napot here,"setiap kerajaan sa ta puhi-puhi nihi bakasarang sagar lenuh.nihi keluarga sa anggota-anggota e baka lakat sagar sarak tuar.
18
Jadi,amun iblis lei ta puhi-puhi nihi nawan areb e kakareb,kalawe tau kerajaan e kiuh tatap batahan?Kuki ngantuh bahwa Kuki makai kuasa Beelzebul mat nulak setan-setan.
19
Amun Kuki nulak setan-setan nihi Beelzebul,nihi kuasa hie kah anak-anak nu nulak here?gene hio,here lah sa sagar jari hakim nu.
20
Tapi,amun Kuki makai kuasa Allah mat ngusir setan,"Kerajaan Allah haot hawi napot kayo.
21
Amun erang kulun sa gagah nihi basenjata lengkap ngajaga istana e kakreb,harta benda e pasti huang keadaan aman.
22
Tapi,amun naan ulun sa labih gagah tekei aye kakan nyarang balalu nampa kalah e,balalu ulun sa labih gagah hio harus marampas senjata-senjata sa na andal kan ulah ulu hio balalu mambagi-bagikan harta rampasan e.
23
Hie lei sa bakoi muneng tangar tuhi Kuki,aye nawan Kuki.Balalu hie lei sa bakoi ngumpul hayak Kuki,aye nampisah tuar."Waleng e Roh Najis
24
"Amun roh najis balua tekei tenga erang kulun,roh hio sagar bakaliling nangkah uneng-uneng sa meang mat nupui uneng ba istirahat,tapi aye bakoi kahalu.gene hio,aye ngeau,`kuki sagar waleng gi lewu sa haot na tanan ku.`
25
Katika aye waleng,aye kahalu lewu hio huang keadaan nasapu barasih nihi ta atur rapi.
26
Udi hio,roh najis hio tulak nihi nunda pitu roh sa labih jahat tekei aye mat suluk nihi muneng ta lewu hio hampe keadaan ulun hio jari magin labih raat tekei samete e."Ulun-ulun sa berbahagia
27
Katika Yesus ngantuh iti,erang kulun wawei sa muneng tangar penah-penah ulun ajoh kamiak,"na berkatilah rahim sa haot ngalahir Kayo nihi wua dada sa nampomo Kayo."
28
Tapi,Yesus ngeau,"Berbahagialah ulun-ulun sa ngarengei firman Allah palus ngagawi e."Tanda Yunus
29
Katika ulun-ulun sa ba kumpul magin ajoh,Yesus ngeau,"katurunan iti aye hio katurunan sa jahat; here ngalako isa tanda,tapi bakoi sagar isa tanda lei sa na tutui napot here sa lain tanda Yunus.
30
sameh Yunus sa jari tanda napot ulun-ulun Niniwe,sameh hio lah Anak Murunsia sagar jari tanda bagi katurunan iti.
31
" Ta andrau kiamat,Ratu tekei Selatan sagar buan hayak ulun-ulun tekei generasi iti nihi aye sagar nukum here gene aye hawi tekei ujung bumi mat ngarengei hikmat Salomo,sedangkan ta iti naan erang kulun sa labih hante tekei Salomo.
32
Tangar andrau kiamat,ulun-ulun Niniwe sagar buan hayak turunan iti balalu nukum e,gene ulun-ulun Niniwe ba tobat katika Yunus ba khotbah ta hadap here,padahal ta iti naan erang kulun sa labih hante tekei Yunus."Mate aye hio pelita tenga
33
bakoi erang kulun sa haot nyamelum pelita,sagar ngandak pelita hio ta uneng sa masiok atawa ta kapit gantang.sa waleng e,here ngandak pelita hio ta pee pelita hampe ulun-ulun sa suluk kiuh ngini cahaya e.
34
mate aye hio pelita tenga nu.amun mate nu maeh,kaluhan tenga nu sagar penu nihi tarang.Tapi,amun mate nu jahat,kaluhan tenga nu sagar na tampenu maieng.
35
Gene hio,ha hati-hati bo mat tarang ta huang tenga nu bakoi jari maieng.
36
amun tenganu na tampenu nihi tarang balalu bakoi naan bagian e sa mieng,tenganu hio sagar tarang kaluhan e sameh nihi katika isa ka wua pelita nyilu kayo nihi cahaya e."Yesus nyompo ulun Farisi nihi Ahli Taurat.
37
Udi Yesus galis bapander,erang kulun Farisi ngundang Aye kuman.Aye hawi lei,balalu maharung palus kuman.
38
Tapi,ulun Farisi hio dodor katika ngini Yesus bakoi mui tangan E dahulu sa mete kuman.
39
Tapi,Tuhan ngeau napot Aye,"ulun-ulun Farisi sameh kayo marasih tuhi wading galas nihi piring,tagal tangar huang tenga nu penu nihi keserakahan nihi kejahatan.
40
ui ulun-ulun bungul!bakoi kah Aye sa ngulah tuhi wading nihi ngulah tuhi huang?
41
Gene hio,bagi bo inon sa naan ta huang nu hio jari sadakah nu.nihi sameh hio,kayo sagar bujur-bujur barasih.
42
Tapi,salaka lah kayo,ulun-ulun Farisi!gene,kayo ngami persepuluhan tekei hasil selasih,inggu,nihi kaluhan masam tanaman kabun nu,tapi kayo mengabaikan keadilan nihi kasih Allah.seharus e,kayo ngulah kaluhan hal hio bakoi mengabaikan hal-hal sa lain.
43
Salaka lah kayo,ulun-ulun Farisi gene kayo sanang maharung ta uneng sa panga maeh ta Sinagoge nihi lei sanang narime hormat ta pasar.
44
Salaka lah kayo gene kayo sameh ogang sa bakoi ba siri,sa na rarah-rarah ulun bakoi here sadar."
45
Udi hio,isa tekei ahli Taurat ngeau napot Yesus,"Guru,katika Kayo ngantuh hal-hal iti,Kayo lei ngahina kami."
46
Tapi,Yesus nuing,"salaka lah kayo,ui ahli-ahli Taurat!gene,kayo ngandak beban sa weat mat na pikul ulun lain,tapi areb nu kakareb bakoi kakan nyaput beban hio nihi isa kingking lei.
47
Salaka lah kayo gene nambuan ogang mat gi nabi-nabi sa na wunu ulah itak uyut nu.
48
Hampe,kayo nyantarang napot kaluhan ulun bahwa kayo mangaku ulahan itak uyutnu;herelah sa munu nabi-nabi hio,tapi kayo sa nambuan ogang e.
49
Iti lah gene e,Allah huang hikmat E ngeau,`Kuki sagar mengutus nabi-nabi nihi rasul-rasul napot here,tapi papire tekei ulun-ulun sa na utus Kuki hio sagar na wunu nihi na siksa,`
50
mat ira kaluhan nabi,sa tundrak tekei dunia na ciptakan,kiuh na tuntut tekei generasi iti,
51
mulai tekei ira Habel hampe Zakharia,sa na wunu ta helang altar nihi Bait Allah.oi,Kuki ngeau napot kayo bahwa katurunan iti sagar ba tanggung jawab napot hal iti.
52
Salakalah kayo,ui ahli-ahli Taurat!gene kayo haot ngalap kunci pangataru,tapi kayo kakareb bakoi kakan suluk nihi nga halang-halang ulun lain mat suluk."
53
Udi Yesus nanan uneng hio,ahli-ahli Taurat nihi ulun-ulun Farisi mulai ngalakat Aye palus nyameeat Aye nihi ajoh masam tane an.
54
Here ba komplot mat nyaput Yesus nihi paneran sa na antuh E.