¹ Gene takam naan janji-janji iti,ui sa terkasih,ayu lah takam ngabarasih tenga takam tekei kaluhan karaat tenga nihi roh nelang manyampurnakan kekudusan huang takut nihi Allah.Kasanang Paulus ² Ami lah uneng gi kami ta ateinu.kami bakoi bahala napot hie lei,bakoi nyanrusak hie lei,balalu bakoi ngalap untung tekei hie lei. ³ kuki bakoi ngantuh iti mat nampahala kayo,gene sa mete e,kuki haot ngantuh napot kayo bahwa kayo naan huang atei kami,mat matei hayak nihi welum hayak. ⁴ Keyakinan ku hante entu kayo,kabanggan ku hante napot kayo,kuki na tampenu nihi kasanang,kuki balabih nihi ka suka huang kaluhan kasusah kami. ⁵ Bahkan,katika kami hampe ta Makedonia,tenga kami bakoi kiuh baranai,tapi ta aniaya tekei kaluhan pampang,aye hio kalakat tekei wading nihi kanakut tekei huang. ⁶ tapi,Allah,sa ngahibur ulun sa putus asa,ngahibur kami nihi ka hawian Titus. ⁷ bakoi ekat nihi kawian e bo,tapi lei gene penghiburan sa ngulah e terhibur ta huang kayo,sameh sa na kesah e napot kami gene kasongo nu,ka susah nu,semangatnu mat gi kuki hampe kuki magin ba sanang. ⁸ Jari,biar pun kuki haot ngulah kayo mahanang atei gene surat ku hio,kuki bakoi manyasal,amun lei kuki piji manyasal e,hio gene kuki nginni bahwa surat hio nampahanang atei nu biar lei ekat tawelek. ⁹ wayah iti kuki basanang,bakoi gene kayo mahanang atei,tapi gene kayo mahanang atei gi pertobatan,gene kayo mahanang atei susuk nihi aheng Allah hampe kayo bakoi na rugikan huang hal inon lei ulah kami. ¹⁰ Gene,hanang atei sa susuk nihi aheng Allah ngahasil pertobatan sa bakoi kana sasal nihi mimpin napot keselamatan.Tapi kahanang atei duniawi ngahasil pampatei. ¹¹ Gene,perhatikan bo kalawe ka ngajoh kahanang atei sa susuk nihi aheng Allah hio ngagawi napot kayo sa tatuu sa hante,bukti bahwa kayo bakoi bahala,kasangit,katakut,kasongo,semangat nihi pembalasan.Ta huang kaluhan hal,kayo haot nga bukti bahwa kayo bakoi bahala huang hal iti. ¹² Jari,biar lei kuki manulis surat napot kayo,hal hio bakoi mat kepentingan ulun sa ngulah hala balalu bakoi lei mat kepentingan ulun sa na tampa hala,tapi mat kayo tatuu napot kami na santarang napot kayo tangar hadap Allah. ¹³ Hiolah gene e,kami ta hibur.Tangar helang penghiburan kami hio,kami magin basanang lagi entu kasanang Titus gene roh e haot na segarkan ulah kaon kaluhan. ¹⁴ Gene,amunkuki piji nga bangga-banggakan kayo napot Titus,kuki bakoi na pamangan.tapi,sameh kami ngeau kaluhan hal napot kayo huang sa wuah,sameh hio lei kabanggan kami ta hadap Titus ta bukti bujur. ¹⁵ Balalu,kasih sayang e nadap kayo batambah hante,apa bila aye ngingat kataatan nu kaluhan e,kala awe kayo nyambut kahawian e nihi takut balalu saketek. ¹⁶ Kuki basanang gene huang kaluhan hal kuki naan keyakinan ta huang kayo.