¹ Kuki baharap kayo sabar napot kuki huang dohot ka bungulan ku,balalu kayo mula sabar napot kuki. ² Gene,kuki nginam bahiri napot kayo nihi ka bahirian ilahi gene kuki haot menunangkan kayo nihi isa wane,aye hio mempersembahkan kayo jari perawan suci napot Kristus. ³ Tapi,kuki takut,ada-ada,sameh nihi nipe sa nihi kelicikan e ngakal Hawa,sameh hio lei pikiran nu sagar na santawang tekei katulusan nihi kemurnian pengabdian huang Kristus. ⁴ Gene,kayo sabar bo katika erang kulun hawi balalu mawara gene Yesus sa lain,sa ba beda nihi sa na wara kami,atawa katika kayo narime roh sa babeda,sa mete piji na tarime kayo,atawa injil lain sa mete piji na tarime kayo. ⁵ manurut kuki,kuki bakoi lah kurang tekei here rasul luar biasa hio. ⁶ biar pun kuki bakoi paseh huang hal paneran,tapi bakoi sameh hio huang hal pengarasa,gene nihi ajoh cara,kami haot nutui e napot kayo huang kaluhan hal. ⁷ Atawa,inonkah kuki ngulah dosa katika nampa imme areb ku kakareb mat kayo kiuh na tampamai gene kuki membritakan Injil Allah napot kayo nihi cuma-cuma? ⁸ Kuki merampok jemaat-jemaat lain nihi narime upa tekei here mat melayani kayo. ⁹ Balalu,katika kuki hayak kayo palus susah,kuki bakoi ngabebani erang kulun lei gene pulaksanai-pulaksanai sa hawi tekei Makedonia nampenu kebutuhan ku.Balalu,huang kaluhan hal,kuki ngajaga areb ku kakareb mat bakoi jari beban napot kayo nihi kuki sagar tarus ngulah e. ¹⁰ Sameh awe sa wuah nekei Kristus ta huang ku,kebanggan ku iti bakoi sagar na halangi ta wilayah-wilayah Akhaya. ¹¹ Wuah inon?inonkah gene kuki bakoi nga sayang kayo ? Allah sa karasa e! ¹² Tapi,kuki sagar tarus ngulah inon sa na ulah kuki hampe kuki kiuh netek kesempatan tekei here sa ngakan kesempatan mat na kahalu sameh nihi kami huang hal-hal sa na bangga here. ¹³ Gene,ulun-ulun sameh hio aye lah rasul-rasul palsu,panggawi-panggawi sa sulas,sa menyamar jari rasul-rasul Kristus. ¹⁴ Hal hio bakoi nyangkemah gene iblis lei menyamar jari malaikat tarang. ¹⁵ Gene hio,bakoi lah nyangkemah amun here pelayan e lei menyamar sameh here pelayan sa wuah,sa pangalis e here hio sagar sameh nihi gawiaan e kakareb."ka rara Paulus napot Kristus ¹⁶ Hindra lagi,kuki mawara ada naan isa lei sa ngono kuki ti bungul.amun lei sameh hio,tarime bo kuki jari ulun sa bungul mat kuki lei kiuh babangga dohot. ¹⁷ inon sa na antuh kuki huang hal keyakinan sagar kebanggan iti,kuki bakoi ngantuh e sameh aheng Tuhan,tapi sameh huang kabungulan. ¹⁸ ajoh ulun sa babangga secara daging.jari,kuki lei sagar babangga. ¹⁹ Gene,kayo sameh hio bijaksana hampe nihi sanang atei kayo basabar nadap ulun bungul! ²⁰ kayo basabar,amun naan ulun sa memperhamba kayo,nelen kayo,ngalap kauntungan entu kayo,nampamau tenga e kakareb,atawa nampar rai nu. ²¹ Nihi mangan tuu kuki harus ngeau bahwa kami bangat maleme mat gi hal hio!tapi,inon lei sa ulun lain heei mat babangga,--kuki bapander sameh ulun bungul--kuki lei heei. ²² inonkah here ulun Ibrani?kuki lei.inonkah here ulun Israel?kuki lei.inonkah here keturunan Abraham?kuki lei. ²³ inonkah here melayani Kristus?kuki labih-labih lagi--kuki ba pander-pander sameh ulun rapui.ka uyuyh ku magin ajoh,magin gaha huang penjara,ompakan-ompakan sa bakoi ta reken,nihi magin gaha muneng huang bahaya pampatei. ²⁴ Tekei ulun-ulun Yahudi,kangajoh dime kali kuki haot narime epat pulu kurang isa cambukan. ²⁵ telu kali kuki na ompak nihi uei,hindra kali na pedak nihi watu,telu kali kuki tangar kapal kayem,erang malem nihi erang andrau kuki na taping ombak ta laut. ²⁶ gaha kali huang jalanan kuki,kuki ta ancam bahaya tekei hungei,tekei here parampok,pihak ulun-ulun Yahudi,nihi ulun-ulun bakoi Yahudi.kuki na ancam bahaya tangar kota,ta padang haket,ta laut,balalu lei bahaya tekei pulaksanai-pulaksanai palsu. ²⁷ kuki haot ba uyuh nihi bagawi maweat,tatap ta mele,kaluan nihi kalalah,gaha bakoi naan panguta,huang karisak,nihi mapoloi. ²⁸ Balalu,sa lain nekei hal-hal iti,naan lei masalah andrau-andrau sa jari tanggung jawab kuki mat pemeliharaan entu kaluhan jemaat. ²⁹ hie sa maleme,balalu kuki bakoi maleme?hie sa lawu,balalu kuki bakoi mahanang atei? ³⁰ Amun kuki harus babangga,kuki babangga entu hal-hal sa nyantarang kamalemeean ku. ³¹ Allah nihi Amah Tuhan Yesus,sa harus na tawat kalalawah e,karasa bahwa kuki bakoi namposo. ³² Ta Damaskus,gubernur ta kapit Raja Aretas mengawasi kota Damaskus mat nyaput kuki. ³³ Tapi,kuki na tampinau huang isa karanjang tekei isa jendela ta tembok,hampe kuki lepah tekei tangan e.