KESELAMATAN SE OLAI ¹ Koe sio, taapm harus lebih teliti ngeperhatikan none se ukah taapm rongoi supaya taapm doho teseret arus. ² Mokone, bila naant se wa pahampe tanjak para malaikat terbukti doho kahalu wa ubah, ali setiap pelanggaran atau koe doho ketaatan kan nerima hukuman se adil. ³ semone mungkin taapm kahalu lolos ena taapm ngeloloikan keselamatan se olai situ? Yaitu, keselamatan se petama-tama wa umikan anjak Allah ta ala, ali buktikan sebujurne ampe taapm tanjak ulunt-ulunt se kerongoi-Ne, ⁴ selain situ, Allah ta ala lou ngumi kesaksian nyendalo tanda-tanda ali hal-hal ajaib, deo masam mujizat ali karunia-karunia Roh berasih se wa bagikan menurut kahandak-Ne. YESUS SEKETIKA LEWI IWE ANJAK MAILAIKAT-MALAIKAT ⁵ Allah ta ala menaklukan denia se akant awi, se sio poh denia se pentungk taapm sundrokan, ampe para malaikat. ⁶ Leka ne, naant erai ulunt se ukah ngumi kesaksian suangk erai ua nas: "Sebone ka mersia sehingga Iko mikirkanne? Sebone ka anak mersia sehingga memedilikanne?. ⁷ Pahandreant, Iko ngulahne lewi iwe dari pada mailakat; Iko memahkotaine ali kemuliaan ali lou hormat. ⁸ Iko menaklukkan segala sesuatu ba iwe poo ko. ⁹ leka, taapm ukah kotau Yesus se gin pahandre wa ulah paling iwe daripada para malaikat, se sio Yesus se wa mahkotai ali kemuliaan dan hormat koe ukah menderita kepatean supaya anjak anugerah Allah ta ala, Ise kahalu nginapm akan kepatean bagi gawis ulunt. ¹⁰ Ukah sio selayakne Ise se bagi Iki ali nyendalo Ise segala sesuatu naan menyempurnakan perintis Keselamatan anak-anak-Ne nyendalo penderitaan, agin ngoit reo ampe kemuliaan. ¹¹ Mokone, maeh Ise se menyucikan maupun reo se wa sucikan, gawisne ba asal anjak erai Uma. Siolah sebab ne Yesus doho mai ngontuh reo sebagai erai untung erai untung-Ne. ¹² Ali ngontuh;" Aku kant menyatakan ngarant-Ku ampe erai untung erai untung-Ku ba ewu-ewu gawis mersia-Ko, Aku kan menyanyi pujian agint-Mu. ¹³ ali mao;" Aku kant ngandak keyakinan-Ku ampe Allah ta ala." Sina poh Aku. baya anak-anak se ukah wa umikan Allah ta ala ampe-Iko. ¹⁴ Koe anak-anak situ adalah mersia se naan raya ali daging, moko Yesus lou ngutikkan bagian suangk kenanapm reo supaya nyendalo kepatean-Ne, Ise kahalu membinasakan ise se naant kuasa bombo kepatean, yse sio iblis. ¹⁵ Ali, membebaskan reo se seumur wolupm wa perbudak koe katakutan kan kepatean. ¹⁶ Jari, jelas ka bahwa Ise doho ngumi ngewatan ampe para malaikat, tapi ampe keturunan Abraham. ¹⁷ Koe situ, suangk segala hal Yesus harus jari hama erai untung erai untung-Ne, supaya Ise kahalu jari Imam Olai* se ponu penuasi ali setia suangk pelayanan ampe Allah ta ala. Moko sio ne, Ise kahalu ngoit penebusan atas dosa-dosa mersia. ¹⁸ Moko ne, Yesus saurang menderita se pentung wa cobai.