¹ Ante Petrus ,eraikulunt rasul Yesus Kristus, ampe ulunt-ulunt se duloi sbagai ulunt asing, se tesebar ba awis wilayah pontus, Galatia , Kapadokia,Asia ali Bitinia, se wapili. ² Tanjak awal oleh Allah Uma nyendalo pengudusan koe Roh agint kate wolump suakng ketaatan ampe Kristus Yesus ali kahalu percikan raya-Ne: Kirane anugerah ali damai sejahtera ponu mundanko pengharapan wolump ³ Tepujilah Allah ali Uma ante Tuhan taamp Yesus Kristus, se sesuai ali anugerah -Ne se olai beta , ukah nengkual taamp gane pe suakng pengharapan se wolump nyendalo kebangkitan Kristus Yesus ante rokakng ulunt mate, ⁴ Ali agint mewarisi harta pusaka se doho kate binasa, doho kate rusak, ali doho kate layu; se watayu ba surga agint iko, ⁵ Sesio iko se wapili oleh kuasa Allah nyendalo iman keselamatan se siap wanyatakan pe akhir zaman. ⁶ Suakng sinalah iko bersukacita beta, eraikalipun agin sementara waktu, jaka waperlukan, iko harus menderita bebagai masam pencobaan. ⁷ Sehingga imanko se lewi beharga ante amas se fana, eraikalipun ukah teruji oleh apui,tebukti murni ali kahalu pujian, kemuliaan ,ali kehormatan ampe wayah pentaan Yesus Kristus. ⁸ Iko balum suah kotau Ise, leka iko tuasi-Ne, ali meskipun keletu iko doho minda-Ne,leka iko persaya ampe-Ne.iko sanang ali sukacita se tak teruntuhkan ali se waponui kemuliaan, ⁹ Kowe akhir ante tujuan imanko lau tercapai , sesio keselamatan jiwako. ¹⁰ Tentang keselamatan sina, buhan nabi se menubuatkan anugerah se anta njari puuntko sio ukah nyelidiki ali mempelajarine ali teliti beta. ¹¹ Reo meto tau tentang ise ali kapankah wayah se wamaksud koe Roh Kristus se naan suakng iko suakng kompu reo lau ise menubuatkan penderitaan Kristus ali kemuliaan se anta awi seukahne. ¹² Ampe buhan nabi sio wanyatakan bahwa reo doho melayani kompu reo saurang,leka melayani iko suakng hal-hal se keletu ukah wakampekan ampeko nyendalo ulunt-ulunt se ngumitau Injil ampeko ali Roh Kudus se wakirim ante surga ; hal-hal siolah se kakan beta wasaksukan oleh buhan malaikat. Itaian agin Wolupm Kudus ¹³ Koe sio, siapkan akal budiko ali waspada, andalah pengharapanko seponune ampe anugerah se anta waumi ampeko lau Kristus Yesus wanyatakan ¹⁴ Sebagai anak-anak se taat , ai lah tunduk ampe nafsu daatko sara lau iko kiya wolupm suakng kebungulanko. ¹⁵ Leka kuduskan suakng segala tingkah lakuko sara Allah se ngitaiko siolah kudus. ¹⁶ Ena naant tetulis ? Kuduslah iko koe aku Kudus", ¹⁷ Ali, jaka iko ngitai -Ne sebagai Uma , sesio Ise se menghakimi tiap ulunt sesuai perbutan reo doho membedakan , wolump lah suakng inam takut seola iko kiya duloi sebagai ulunt asing; ¹⁸ Ali ngetahui bagwa iko ukah watewus ante sara wolump se sia-sia , se iko warisi ante itak datuko, doho ali barang se fana sara amas atau perak, ¹⁹ Melainkan ali raya Kristus se mulia, raya Anak Domba se doho bacacat ali se sempurna ²⁰ Ena , Kristus ukah wapili sebalump denia waulah, leka ise wau wanyatakan ampe zaman akhir sina demi iko. ²¹ Nyendalo Ise ,iko njari persaya ampe Allah; sesio Allah se membangkitkan -Ne ante ulunt mate ali Allah se ngumi kemuliaan ampe-Ne , agar iman ali pengharapanko sioalah ba suakng Allah. ²² Koe iko ukah memurnikan jiwako suakng ketaatan ampe kebenaran hingga naant kasih pengeraiuntukng se tulus, moko ayolah saling tuasi ali bujur-bujur ante sengo se murni, ²³ Ena iko uka waekuh gane, doho ante bibit se kate mate, melainkan ante bibit se doho tau mate, sesio nyendalo firman Allah se wolump ali duloi tatap. ²⁴ Kitab suci montuh," segala se wolupm siolah sara rikut, ali segala kemuliaanne sara unge rikut; Rikut layu ali ungene latu, ²⁵ Leka, firman Tuhan tatap seola-olane,'