¹ Lau salah erai ante iko na'atn perselisihan ali se lain, nyonekah si ronu tulak kowe meto keadilan ba muka ulutn-ulutn se doho bujur ali doho ba muka ulutn-ulutn Kudus? ² Nyonekah iko doho tau bahwa ulutn-ulutn kudus anta menghakimi denia? Jaka denia wahakimi koweko, nyonekah iko doho layak agin mengadili perkara-perkara se idik beta? ³ Nyonekah iko doho tau bahwa ta'apm anta mengadili buhan malaikat? Nyonemau ekat perkara-perkara biasa tiap ondro! ⁴ Jari ,jaka iko menghadapi perkara-perkara biasa sara sio, konone iko ngowitne ampe reo se doho wa perhitungkan suakng jemaat? ⁵ Aku montuh sina agar iko mai, nyonekah beloh na'atn eraikulutn ba rokakngko se bijaksana, se sanggup ngurus perkara-perkara ba rokakng eraiuntung-eriuntungne? ⁶ Malahan rokakng eraiuntung tulak meto keadilan ba muka ulutn-ulutn se doho persaya! ⁷ Sebujurne , ukah njari kegagalan bagiko kowe iko pu'unt perkara-perkara hukum ba rokakng iko, konone iko doho lewi sanang wa salahkan? konone iko doho lewi sanang warugi? ⁸ Sebalikne iko saurang besalah ali merugikan. bahkan , iko melakukanne terhadap eraiuntung-eraiuntungko. ⁹ Nyonekah iko doho tau bahwa ulutn se doho bujur doho anta mewarisi kerajaan Allah ? Ai sesat! Ulutn-ulutn Cabul,buhan penyembah berhala,ulutn-ulutn se bezina, banci, buhan homoseksual, ¹⁰ Buhan maling , ulutn-ulutn se serakah , buhan pemabuk,buhan pemfitnah, ali penipu-penipu, reo awis doho anta mewarisi Kerajaan Allah. ¹¹ sesenu ante iko lou sara sio, Namun , iko ukah wa bersihkan, ukah wakuduskan , ali ukah wabenarkan suakng ngaratn Tuhan Yesus Kristus ali suakng Roh Allah ta'apm. Hindarilah Perzinahan ¹² Awis hal wa bolehkan bagiko tapi doho awisne beguna. Memang awis hal wa bolehkan bagiko, tapi aku doho kakatn wa perhamba koe onepun . ¹³ Pengokatn agin untukng, ali untukng agin pengokan, tapi Allah anta membinasakan kerueh-ruehne. Kompu doholah agin perzinahan melainkan agin Tuhan, ali Tuhan agin Ompu. ¹⁴ Allah membangkitkan Tuhan ali lou anta membangkitkan ta'apm gin kuas-Ne. ¹⁵ Nyonekah iko doho tau bahwa kompuko sioalah anggota-anggota Kristus? Nyonekah aku anta ngepo anggota- anggota Kristus ali menjarikan reo anggota- anggota Pelacur? Sama sekali doho! ¹⁶ Nyonekah iko doho tau bahwa ulunt se menyiretkan ompune ampe pelacur njari erai ompu aline? Ena , Ise montuh, " Kerushne anta njari erai daging." ¹⁷ Kakatn leka, ulutn se menyiretkan kompu ali Tuhan njari erai roh ali-Ne. ¹⁸ Nyingkilahlah perzinahan! tiap dosa lain se eraikulutn gawi sioalh ba kual kompune tetapi ulutn se berzina , bedosa terhadap kompune saurang. ¹⁹ Nyonekah iko doho tau bahwa kompuko siolah bait Roh Kudus, se na'atn ba suakng iko, se iko terima ante Allah , ali bahwa kompuko dohokah pu'utnko saurang? ²⁰ Ena , iko ukah watebus ali juman lunas . kowe sio muliakanlah Allah ali kompuko.