¹ Keletu, mengkono karunia-karunia rohani, eraiuntung-eraiuntung, aku doho kakan iko doho ngetahuine. ² Iko tau bahwa lau iko kiya njari ulunt-ulunt se balupm tau Allah,iko wa tawangkan ampe berhala bisu,saraone iko wapimpin. ³ Kowe sio,aku ngumitau ampeko bahwa doho eraipun, se sundro koweRoh Allah, se montuh,"Yesus terkutuk," ali doho na'an eraipun se kate montuh," Yesus siolah Tuhan," selain kowe Roh Kudus. ⁴ Na'an berbagai karunia rohani, leka Rohne sama. ⁵ Ali,na'an berbagai pelayanan,leka Tuhanne sama. ⁶ Na'an berbagai gawian,leka Allah se sama se nggawi segala sesuatu suang awis ulunt. ⁷ Ampe tiap-tiap ulunt wakaruniakan penyataan Roh agin kemaehan sesama. ⁸ Ampe se erai waumi pengontuh hikmat nyendalo Roh ali ampe se lain pengontuh pengetahui kowe Roh se sama. ⁹ Ampe se lain waumi iman kowe Roh se sama,ampe se lain karunia-karunia meradu kowe Roh se erai sio. ¹⁰ Ampe se lain waumi gawian-gawian mukjizat,ampe se lain nubuatan.Ampe se lainwaumi kemampuan agint membedakan roh-roh,ampe se lain bebagai masam basa lela,ali se lain ngatikan basa-basa lele sio. ¹¹ Awisne sina wagawi kowe Roh se erai ali se sama, se mbagi ampe masing-masing ulunt,sara se Ise kenakan. tiap Ulunt pesaya siolah Bagian ante Ompu Kristus. ¹² Sama sara ompu siolah erai,leka pu'un deo anggota,ali awis anggota ompu,walaupun deo, siolah erai omu, semayo lou Kristus. ¹³ Ena.kowe erai Roh, ta'apm awis ukah wa baptispe suang erai ompu,maeh ulunt Yahudi maupun ulunt Yunani,maeh budak maupun ulun merdeka,ali ta'apm awis waumi minum ante erai Roh. ¹⁴ Kowe ompu doho terdiri ante erai anggota, leka deo anggota. ¹⁵ Jaka po,o montuh," Kowe aku doho kanyang ante ompu,'Doho bearti ise doho bagian ompu. ¹⁶ Ali, jaka telingo montuh"Kowe aku doho mato, aku doho anggota ompu," doho bearti ise lain badgian ompu. ¹⁷ Jaka awis ompu siolah mato,ba onekah pengerongoi? Jaka awisne siolah telingo, ba onekah penciuman? ¹⁸ Namun ,keletu Allah ukah ngandak anggota-anggota sio,tiap ulunt ante reo,ba suangk ompu, saraone se Ise kenakan. ¹⁹ Jaka awisne siolah erai anggota, ba onekah ompu? ²⁰ Jari, memang an'an deo anggota,leka ekat erai ompu. ²¹ Ena sio, mato doho kate montuh ampe kanyang," Aku doho perlu iko!" Atau mau, utok ampe po'o, aku doho memerlukanko!" ²² Sebalikne, anggota-anggota ompu se otaune lewi lome sebujurne se paling waperlukan. ²³ Ali, anggota-anggota ompu se ta'amp pikir kurang terhormat,justru umilah penghormatan lewi, Ali,anggota-anggota ompu,se ta'apm anggab kurang pantas tampil,harus waulah agin lewi lpantas tampil, ²⁴ Kowe bagian-bagian seukah pantas tampil doho memerlukanne.Namun,Allah ukah ngatur kompu sio ali ngumi penghormatan lewi olai ampe anggota-anggota se kekurangan, ²⁵ Agar doho na'an perpecahan suang kompu, melainkan agar anggota-anggota sio kahalu memperhatikan erai ali se lain. ²⁶ Jaka erai anggota memderita sesamane.Jaka erai anggota wa muliakan, awis anggota bersukacita sesamane. ²⁷ Keletu iko siolah kompu Kristus ali iko masing-masing siolah anggota-anggotane ²⁸ Allah ukah menetapakan suang jemaat,pemuga siolah buhan rasul, kerueh siolah buhan Nabi,ketolu siolah buhan guru,kemudian mukjizat-mukjizat,karunia-karunia meradu,pertolongan,kepemimpinan,ali berbagai-bagai basa. ²⁹ Nyonekah awisne rasul? Nyonekah awisne nabi? Nyonekah awisne Guru?nyonekah awis siolah ngulah mukjizat? ³⁰ Nyonekah awisne na'an karunia meradu?Nyonekah awisne montuh ali basa-basa?Nyonekah awisne ngartikan? ³¹ Namun kenakan ali bujur-bujur karunia-karunia se paling olai.Ali ,aku anta menunjukan ampeko lalant se oro lewi maeh.