¹ Ena, aku doho kakant iko doho ngetau, eraiuntukng-eriauntukng, bahwa buhan itak datu ta'apm , awisne na'atn ba iwe awn ali awisne nyendalo laut. ² Reo awis wabaptis suakng Musa,ba suakng awan ali ba suakng alut, ³ Reo awis kuman pengokan rohani se sama, ⁴ Ali awisne minum-minuman rohani se sama. Ena,reo minum tanjak Watu rohani se baya sesama reo,ali Watu sio sioalah Kristus. ⁵ Meskipun sarayo, Allah doho berkenan ali sebagian olai tanjak reo, Kowe sio, reo wa tempate ba padakng jubut. ⁶ Keletu, hal-hal sina wajarikan contoh bagi ta'apm agar ta'apm doho njari ulutn se bekenakatn da'at saraone reo se bekenakatnne. ⁷ Ai njari penyembah berhala sara sesenu ante reo, sara se tetulis, "bangsa sio tungoh agitn kuman ali minum, lalu kuwat agitn bermain." ⁸ Ai ta'apm ngulah perzinahan sara se wagawi sesenu ante reo sehingga 23 ribu ulunt mate suang erai ondro. ⁹ Ta'apm lou doho bulih mencobai Tuhan, saraone sesenu ante reo lou mencobai ali wabinasakan oleh nipo-nipo. ¹⁰ Ai lou iko bersungut-sungut saraone reo lou bersungut-sungut ali wabinasakan oleh malaikat maut. ¹¹ Hal-hal sina tejari ombo reo sebagai contoh ali watuliskan sebagai peringatan bagi ta'apm, se ampe ise awis zaman ukah awi. ¹² Kowe sio , gino'onlah ulutn se nangguh kalau kompune wagas sekondrokng waspada agar ise doho latu! ¹³ Beloh na'atn pencobaan se suah kono iko kecuali pencobaan se biasa bagi meresia. Ali ,Allah siolah setis,Ise doho anta membiarkan iko dwcobai melewi kemapuanko kakant leka, besama ali pencobaan sio Ise lou anta menyediakan lalatn pekual agar iko kate menanggungne. ¹⁴ Kowe sio, eraiuntukng-eraiuntukng se tuasi, nyingkilah kompuko ante penyembahan berhala. ¹⁵ Aku montuh sara ampe ulutn-ulutn se bijaksana, pertimbangkanlah nyone se kuontuh. ¹⁶ Dohokah cawan berkat se ta'apm syukuri sio siolah persekutuan suakng raya Kristus? Ali, dohokah sio siolah persekutuan suakng kompu Kristus? ¹⁷ Kowe na'atn erai roti, moko ta'apm se deo sina siolah erai ompu, kowe ta'apm awis njari bagian ante erai roti sio. ¹⁸ Perhatikanlah ulutn-ulutn Israel, dohokah reo se kuman persembahan ngepo bagian suakng altar? ¹⁹ Jari, nyonekah maksudku? nyonekah pengokan se wapersembahkan ampe berhala siolah sesuatu? atau, nyonekah berhala siolah sesuatu? ²⁰ Doho. Aku montuh ampeko bahwa hal-hal se bangsa-bangsa lain kurbankan, reo mengorbankane agin roh-roh da'at, doho agitn Allah . Ali ,aku doho kakatn iko bersekutu ali roh-roh da'at. ²¹ Iko doho bulih minum cawan roh-roh da'at. Iko doho tau njari bagian tanjak jamuan Tuhan ali jamuan roh-roh da'at. ²² Atau , Nyonekah ta'apm membangkitkan kecemburuan Tuhan? Nyonekah ta'apm lewi kuat antepada Ise?Wolupm agitn Memuliakan Allah ²³ " segala sesuatu wa bulihkan," leka doho awisne beguna." segala sesuatu wa bulihkan,leka awisne membangut. ²⁴ Ai na'an eraipun se meto kemaehan agin kompu saurang, melainkan kemaehan ulutn lain. ²⁵ Kumanlah nyone ka se wajual ba psar daging doho memeriksane demi suakng sengo. ²⁶ Kowe , bumi ali awis isine sioalah pu'utn Tuhan. ²⁷ Jaka se eraiulunt se balum persaya mengundangko ali iko besedia agin tulak, kumanlah nyone se wahidangkan ba hadapanko doho memeriksane , demi suakng sengo. ²⁸ Namun, jaka na'ant ulutn montuh ampeko,"pengokan sina ukah wapersembahkan ampe berhala," ai iko kuman, demi ulutn se gumitau sio ali demi suakng sengo. ²⁹ Maksudku, doho demi sunag sengo saurang, leka suakng sengo ulutn lain. konone Kebebasanku watentukan oleh suakng ate ulutn lain? ³⁰ Jaka aku ngepo bagianku ali pengotuh syukur, konone aku wa salakan kowe kuman se mundanne aku montuh Syukur. ³¹ Jari, Entah iko kuman atau minum ,atau one ka se iko gawi, gawilah awisne sio agin kemuliaan Allah, ³² Ai ngulah ulunt tersandung, maeh ulunt Yahudi, Ulunt Yunani, maupun jemaat Allah, ³³ sara aku lou suakng segala hal ngulah sanang awis ulutn , doho meto keuntunganku saurang,leka keuntungan agin ulunt deo agar reo kate wa selamatkan.