¹ Dan, Yesus mulai ngajar lagi ta iring danau. Bakumpullah mengerumuni Yesus ulun ajoh sa jumlah e hante hingga Aye mamai ga huang isa jukung dan maharung ta hamau danau. Sementara, ulun ajoh hio muneng ta darat, ta iring danau. ² Dan, Aye ngajar here tantang ajoh hal nihi perumpamaan-perumpamaan. Huang pengajaran-E, Aye ngantuh ga here, ³ "Rengeilah! naan erang kaulun penabur sa tulak mat menabur. ⁴ Maka terjadilah, katika aye ganyah menabur, papire wini lawu ta iring lalan, dan wurung-wurung hawi, balu nguta e. ⁵ Sebagian lawu ta hamau tane bawatu sa koi ajoh tane e. wini hio segera tumu nihi hinang ulah tane e koi lalem. ⁶ Katika mate andrau semakin malaing, tanaman hio layu dan koi naan wakat, tanaman hio jari karing. ⁷ Sebagian lawu ta penah-penah rikut barundui. balu, rikut barundui tumu dan mahimpit tanaman hio hampe matei, dan tanaman hio koi ngami ua. ^{8 1} Namun, sebagian lawu ta tane sa maeh dan ngahasilkan ua, tumu, dan batambah hante, serta ngahasilkan telum pulu kali lipat, enem pulu kali lipat, dan seratus kali lipat." ⁹ Udi hio, Yesus ngantuh, "hie sa naan silu pakai ngarengei, biarlah aye karengei!" ¹⁰ Pada waktu Yesus laerai, ulun ta sekeliling-E, pahengau nihi kedua belas rasul, nyantane ga Aye tentang perumpamaan-perumpamaan hio. ¹¹ Balu, Aye ngajawab here, "Rahasia kerajaan Allah haot na ami ga hanyu. Akan tetapi, ga ulun-ulun lain, setiap hal na hampe huang perumpamaan-perumpamaan, ¹² Mat, 'meskipun kaiuh ngi'ni, here katena dan koi karasa; dan meskipun iuh ngarengei, here karengei dan koi paham. mat here koi bertobat dan na ampuni." Penjelasan tentang wini huang Perumpamaan Penabur ¹³ Udi hio Yesus ngantuh ga here, "koi kah hanyu mengerti perumpamaan ina? Kala awe hanyu kaiuh mengerti kaluhan perumpamaan hio? ¹⁴ Penabur hio menaburkan firman. ¹⁵ Here hio ayelah ulun-ulun sa lawu ta iring lalan, uneng firman hio na taburkan. Saat here ngarengei, nihi segera iblis hawi dan marabut firman sa na tabur ga here. ¹⁶ Kalahio lei, here sa na tabur ta tane bawatu ayelah ulun-ulun sa ngarengei firman dan segera manarima e nihi sukacita. ¹⁷ Akan tetapi, here koi bawakat ta huang arep e laerai dan ekat batahan tawelek. Udi hio, ketika hawi kesulitan antawa penganiayaan ulah firman hio, here segera lawu. ¹⁸ Dan, lain e ayelah sa lawu ta penah-penah rikut barundui. Here ayelah ulun-ulun ngarengei firman, ¹⁹ tetapi kekhawatiran akan dunia, dan hawa nafsu akan panatau, dan pangakan-pangakan akan hal-hal lain masuk ta penah firman hio dan mahimpit e hingga aye koi ngahasilkan ua. ²⁰ Namun, here sa natabur ta tane sa maeh ayelah here sa ngarengei firman, narime e, dan ngahasilkan ua, telum pulu kali lipat, enem pulu kali lipat, dan seratus kali lipat." Perumpamaan tentang Pelita ²¹ Balu, Yesus ngantuh ga here, "Bakoikah pelita koi na tuna mat na andak ta kapit isa gantang antawa ta kapit isa uneng mandre? Bakoikah pelita hio seharus e na andak ta hamau pee pelita? ²² Ulah, bakoi naan sa sampadina sa koi naungkapkan. Kalahio lei, koi naan rahasia inon pun ulah hal hio akan na nyatakan. ²³ Jika naan ulun sa naan silu mat ngarengei, biarlah aye karengei!" ²⁴ Balu, Yesus ngantuh ga here, "Perhatikanlah inon sa narengei nu. Ukuran sa hanyu pakai akan na ukurkan ga hanyu, dan masih naan lagi sa akan na tambahkan ga hanyu. ²⁵ Ulah hie sa naan, aye akan na ami lagi, tetapi hie koi naan, inon pun lei sa naan ta aye akan na alap neke e." Perumpamaan tentang Wini ²⁶ Udi hio, Yesus ngantuh, "Kerajaan Allah ayelah sameh erang kaulun sa namur wini ta tane. ²⁷ Penabur hio mandre dan mele kaandrau dan kamalem, dan wini hio balua tunas dan tumu. Penabur hio koi karasa kala awe terjadi e. ²⁸ Tane hio ngahasilkan ua nihi laerai e. Mula-mula tunas udi hio bulir e, balu insoi-insoi gandum ta huang bulir hio. ²⁹ Katika insoi-insoi gandum hio mihak, ulun hio hinang ngarit e ulah musim panen haot hampe." Perumpamaan tentang Insoi Sesawi ³⁰ Udi hio, Yesus ngantuh, "Nihi inonkah takam iuh ngabanding Kerajaan Allah? Antawa, nihi perumpamaan inonkah takam kaiuh ngabanding e? ³¹ Kerajaan Allah hio sameh insoi sesawi sa na hamur ta tane, walaupun insoi hio ayelah insoi sa paling halus ta penah kaluhan insoi ta bumi, ³² tetapi katika na hamur, insoi hio akan tumu dan jari lebih hante neke kaluhan tanaman ta kabun, dan nampalua cabang-cabang hante hingga wurung-wurung ta udara iuh ngulah hanai ta kapit naungan e." ³³ Nihi makai ajoh perumpamaan sameh hio, Yesus memberitakan firman ga here, sesuai nihi sa iuh here rengei. ³⁴ Aye koi pahindra bapaner ga here tanpa suatu perumpamaan, tetapi Aye jelaskan kaluhan nihi laerai ga murid-murid-E. Yesus Nyantadoh Riwut Barat ³⁵ Dan, pada andrau hio, katika haot sanya Yesus ngantuh ga murid-murid-E, "Ayu takam tulak ga sabarang danau." ³⁶ Sahaot nanan ulun ajoh hio, here nuna Yesus pahengau here masuk ga jukung uneng Yesus naan. Dan, jukung-jukung lain e pahengau nihi-E. ³⁷ Balu, terjadilah riwut barat sa mehet dan galumang hante nampas jukung hingga jukung pun penu nihi ranu. ³⁸ Namun, Yesus naan ta para kapal, mandre ta hamau unan. Maka, here ngele-E dan ngantuh ga Aye, "Guru, inonkah Hanyu koi peduli amun takam binasa?" ³⁹ Udi hio, Yesus mele dan nyangit riwut, dan ngantuh ga laut, "Marene! Tenanglah!" Maka, riwut hio tadoh dan jari tenang tu'u ⁴⁰ Udi hio, Aye ngantuh ga here, "Uah inon hanyu takut? Inonkah hanyu masih mete naan iman?" ⁴¹ Here jari takut tu'u dan ngantuh ga isa di sa lain, "Hiekah Aye ina? Bahkan riwut mehet dan laut bahkan taat ga Aye.!"