¹ Balu, Yesus mulai bapaner ga di here huang perumpamaan-perumpamaan. "Naan ulun sa mengusahakan isa kabun anggur. Aye ngulah pagar kaliling e, dan ngadi isa tolong uneng memeras anggur, dan namuan isa menara pengawas. Udihio, aye manyewakan e ga pengarap-pengarap kabun dan tulak ga luar negeri. ² Waktu musim panen, aye ngirim erangkaulun pelayan ga para penggarap kabun hio mat manarime neke here hasil kabun anggur e. ³ Akan tetapi, here nulung pelayan hio, dan ngompak e, balu mangusir e nihi tangan hampa. ⁴ Ulah hio, aye mangirim lagi pelayan lain e ga here, dan here ngompak ulu e, dan memperlakukan e nihi cara sa nampamangan. ⁵ Balu, aye ngirim pelayan lain e dan here munu e. Hal ina terjadi ga ajoh lain e, sebagian na ompak, dan sebagian na wunu. ⁶ Pemilik kabun hio masih memiliki isa lagi, aye hio anak sa nakasihi e. Akhir e, aye mangirim anak e hio ga here dan ngantuh, 'Here akan mahormati anak ku'. ⁷ Akan tetapi, para penggarap kabun hio ngantuh isa di sa lain, 'Ina ayelah ahli waris e. ayu takam munu e dan warisan e akan jari ga takam.' ⁸ Balu, here nulung e, dan munu e, balu mancampakan e ga luar kabun anggur. ⁹ Inon sa akan na ulah pemilik kabun anggur hio ? Aye akan hawi dan membinasakan para penggarap hio dan ngami kabun anggur e ga sa lain. ¹⁰ Mete pahindrakah hanyu mambaca ayat kitab suci ina: 'Watu sa nanumpe oleh tukang bangunan, haot jari watu penjuru. ¹¹ Inalah perbuatan Tuhan, dan perbuatan ina ajaib ta mate takam'?" ¹² Udi hio, here bausaha mat nulung-E, tetapi here takut di ulun ajoh ulah here karasa bahwa Yesus nampe perumpamaan hio ga here. Balu, here nanan Yesus dan tulak. Tentang Bayar Pajak ¹³ Udihio, here nunyu hawi ga Yesus papire ulun Farisi dan ulun-ulun Herodian mat ngajebak Aye nihi antuhan e laerai. ¹⁴ Here hawi dan ngantuh ga Yesus, "Guru, kami karasa bahwa Hanyu bujur dan koi peduli nihi pendapat ulun lain. Ulah, Hanyu koi katena penampilan ulun tetapi mengajarkan lalan Allah sa sesuai nihi kasabujur. Inon kah bujur bayar pajak ga kaisar antawa bakoi?" ¹⁵ Haruskah kami bayar antawa haruskah kami koi bayar? Akan tetapi Yesus, sahaot karasa kemunafikan here, Aye ngantuh ga here, "Uah inon hanyu mansuba Aku? Tuna ga Aku 1 dinar dan biar bo Aku nena e." ¹⁶ Balu, here nuna e, dan Yesus ngantuh ga here, "Gamar dan tulisan hiekah ina?" here ngajawab e, "Gamar dan tulisan kaisar." ¹⁷ Udihio, Yesus ngantuh ga here, "Ami ga kaisar hal-hal sa jari milik kaisar dan ga Allah hal-hal sa jari milik Allah." Dan, here heran di Yesus. Panyantane Ulun Saduki mat Manjebak Yesus ¹⁸ Balu, ulun-ulun Saduki, sa ngantuh bahwa koi naan kebangkitan, hawi ga Yesus dan nyantane ga Aye, antuh here, ¹⁹ "Guru, Musa manulis ga takam bahwa jaka erangkaulun, sa naan pulaksanai laki, matei dan nanan erangkaulun harau, tetapi koi naan anak, pulaksanai e sa laki hio harus ngadu walu hio dan ngulah keturunan lagi bagi pulaksanai e. ²⁰ Naan pitu kaulun bapulaksanai. Pulaksanai sa pertama ngalap erangkaulun harau, dan katika aye matei, aye koi naan nanan keturunan. ²¹ Balu pulaksanai sa karueh ngadu wawei hio, dan matei koi naan nanan keturunan. Kalahio lei di pulaksanai sa katelu. ²² Dan, koi naan neke kapitu pulaksanai hio sa nanan anak. Akhir neke kaluhan e, wawei hio lei matei. ²³ Ta andrau kebangkitan, katika here bangkit, jari harau hiekah wawei hio? Ulah, kapitu pulaksanai hio haot ngulah e jari harau." ²⁴ Yesus manjawab here, 'Bakoikah inalah alasan hanyu jari sasat, ulah hanyu koi mengerti kitab suci antawa kuasa Allah? ²⁵ Ulah, katika here bangkit neke penah ulun matei, here koi naan sa kawin antawa nakawini, tetapi here jari sameh para malaikat ta surga. ²⁶ Tentang ulun-ulun matei sa nabangkitkan, koikah hanyu mambaca huang kitab Musa, ta pembagian tentang pulau haket jengut, kalaawe Allah bapaner di aye, 'Aku ayelah Allah Abraham, dan Allah Ishak, dan Allah Yakub'? ²⁷ Aye bakoi Allah ulun matei, tetapi Allah ulun welum. Hanyu bujur-bujur sasat!"' Perintah sa Paling Penting ²⁸ Udihio, halahimar neke para ahli Taurat hawi dan ngarengei here badebat. Katika aye katena bahwa Yesus haot manjawab here nihi maeh, maka aye nyantane ga Yesus, "perintah awe kah sa paling penting neke kaluhan e?" ²⁹ Yesus manjawab, "Hukum sa paling utama ayelah : 'Rengei, u ulun-ulun Israel! Tuhan Allah takam ayelah isa-isa e Tuhan. ³⁰ Dan, Kasihilah Tuhan Allah nu nihi segenap atei nu, dan nihi segenap jiwa nu, dan nihi segenap pikiran nu, dan nihi segenap kekuatan nu.' ³¹ Dan, sa karueh ayelah : 'Kasihilah sasameh hanyu sameh arep nu laerai.' Bakoi naan hukum sa lebih hante neke ia." ³² Balu, ahli Taurat hio ngantuh ga Yesus, "Hanyu bujur, Guru. Hanyu bujur nihi ngantuh bahwa Aye koi isa, dan koi naan sa lain selain Aye. ³³ Dan, mengasihi-E nihi segenap atei, dan nihi segenap pengertian, dan nihi segenap kekuatan, baya mengasihi sasameh sameh arep laerai, memang lebih penting neke kaluhan kurban bakaran dan persembahan." ³⁴ Udihio, katika Yesus nena bahwa ulun hio manjawab nihi bijaksana, Aye ngantuh ga aye, ''Hanyu koi lawit neke kerajaan Allah." Sahaot hio, koi naan lagi sa ehei nyantane ga Yesus. Kristus ayelah Tuhan ³⁵ Dan, sambil mangajar ta bait Allah, Yesus ngantuh, "Kala awe tau ahli-ahli Taurat ngantuh bahwa Kristus ayelah anak Daud? ³⁶ Daut laerai ngantuh ta huang Roh Kudus, 'Tuhan ngantuh ga tuan ku : Maharunglah ta tuhi kawan-Ku, hampe Aku nga'nak musuh-musuh-Nu ta kapit pee-Nu.' ³⁷ Daud laerai ngantuh Kristus sebagai 'Tuhan'. Jari, kala awe mungkin Kristus ayelah anak-E?" Dan, ulun ajoh ngarengei-E nihi sanang. Sikap tahadap Ahli-Ahli Taurat ³⁸ Huang pengajaran-E, Yesus ngantuh, "Ati-atilah tahadap ahli-ahli Taurat, sa sanang takia-kia makai jubah amau dan sanang manarime salam penghormatan ta uneng-uneng umum, ³⁹ dan naan uneng maharung tahormat ta sinagoge-sinagoge dan uneng-uneng kehormatan huang perjamuan-perjamuan. ⁴⁰ Here sa marampas lewu-lewu para walu dan sebagai dalih badoa sa amau-amau. Here akan narime hukuman sa lebih weat." Persembahan Seati ⁴¹ Udihio, Yesus maharung bahadapan nihi kotak persembahan dan mangamati ulun-ulun sa nampasuk duit ga huang kotak persembahan hio. Ajoh ulun sugih sa nampasuk huang jumlah hante. ⁴² Udihio, erangkaulun wawei walu susah hawi dan nampasuk rueh keping duit logam, sa senilai nihi 1 sen. ⁴³ Balu, Yesus nerau murid-murid-E dan ngantuh ga here, "Aku ngantuh sa sabujur e ga hanyu, walu susah ina haot nampasuk lebih ajoh ga huang kotak persembahan hio neke kaluhan ulun lain e. ⁴⁴ Ulah, here kaluhan ngami neke kelimpahan here, tetapi walu susah hio, ngami neke panyusah e, ngami kaluhan sa na aye, ayehio kaluhan nafkah e".