¹ Udi hio, Yesus nanan uneng hio dan tulak ga daerah Yudea dan ga sabarang hungei Yordan. Dan, ulun ajoh bakumpul mangarumuni-E lagi. Dan, sameh kebiasaan-E, Aye ngajar here lagi. ² Udi hio ulun-ulun Farisi dapot-E, dan mansuba Aye here nyantane, "Inonkah nasantu'u erangkaulun wane nyansarak harau e"? ³ Yesus ngajawab here, "Inon sa Musa perintahkan ga hanyu?" ⁴ Here ngantuh, "Musa mangizinkan erangkaulun wane ngulah surat sarak dan nyansarak e." ⁵ Akan tetapi, Yesus ngantuh ga here, "Ulah kamape atei nu lah, Musa manuliskan perintah iti ga hanyu. ⁶ Akan tetapi, sejak permulaan penciptaan, 'Allah menciptakan laki-laki dan wawei. ⁷ Ulah hiolah, erangkaulun laki-laki akan nanan amah dan ine e. ⁸ Dan, kararueh e akan jari isa daging. Nihi kalahio lei, here bakoi lagi rueh, melainkan isa daging. ⁹ Jari, inon sa haot Allah persatukan, ada naan marasia sa nampisah." ¹⁰ Udi hio, ta huang lewu, murid-murid-E nyantane lagi ga Aye tentang hal hio. ¹¹ Maka, Aye ngantuh ga here, "Hie bo sa nyansarak harau e dan pa'adu di sa lain, ngulah zina tahadap harau e. ¹² Dan, jaka harau nyansarak wane e, dan pa'adu di sa lain, aye ngulah zina." Yesus Memberkati Anak-Anak ¹³ Dan, here nuna anak-anak halus dapot Yesus mat Aye negei anak-anak hio, tetapi murid-murid nagur here. ¹⁴ Namun, katika Yesus nena e, Aye jari sangit dan ngantuh ga murid-murid-E, "Biar bo kawan nakia hio hawi dapot Aku dan ada nalang-nalang here ulah kerajaan Allah ayelah milik ulun-ulun sameh here. ¹⁵ Aku ngantuh sa sabujur e ga hanyu, hie bo sa koi manyambut kerajaan Allah sameh erangkaulun nakia, koi akan suluk ga huang e." ¹⁶ Udi hio, Yesus ngikup kawan nakia hio, Aye memberkati here dan nga'nak tangan-E hamau here. Ulun Sugih sa Menolak Uma Yesus ¹⁷ Balu, katika Yesus ganyah mempersiapkan perjalanan-E, erangkaulun malempat dapot Aye dan balutut ta hadapan-E dan nyantane, "Guru sa maeh, inon sa harus na ulah ku mat kaiuh warisan welum sa kekal?" ¹⁸ Dan, Yesus ngantuh ga aye, "Uah inon hanyu ngantuh Aku maeh? Koi naan erangkaulun pun sa maeh, kecuali Allah laeari. ¹⁹ Hanyu karasa perintah-perintah: 'Ada munu, ada berzina, ada ngalat, ada namposo, ada manipu, hormatilah amah dan ine nu.'" ²⁰ Balu, ulun hio ngantuh ga Aye, "Guru, aku haot mematuhi kaluhan hio sejak aku masih muda." ²¹ Namun, Yesus nena ga pemuda hio dan naan kasih ga aye, dan ngantuh ga aye, "Isa hal sa kurang neke hanyu. Tulak dan batanglah kaluhan sa hayu miliki, dan ami ga ulun susah, maka hanyu akan memiliki harta ta surga. Balu, ga iti dan uma Aku." ²² Namun, antuhan hio ngulah e mahadin atei dan aye tulak nihi sedih ulah aye naan ajoh harta. ²³ Udi hio, Yesus nena ga sekeliling dan ngantuh ga murid-murid-E, "Kalahio uyuh e bagi here sa sugih mat suluk Kerajaan Allah!" ²⁴ Murid-murid emah di antuhan-E. Namun, Yesus ngantuh lagi ga here, "u anak-anak, kalahio uyuh e mat suluk kerajaan Allah! ²⁵ Lebih murah erang kaikui unta suluk nangkah tolong pilos neke ulun sugih suluk kerajaan Allah." ²⁶ Murid-murid makin emah dan ngantuh isa nihi sa lain, "balu, hie sa tau nasalamatkan?" ²⁷ Yesus nena ga here dan ngantuh, "Bagi marasia hal hio koi mungkin, tetapi koi bagi Allah. Ulah, segala sesuatu mungkin bagi Allah." Upa uma Yesus ²⁸ Petrus mulai ngantuh ga Yesus, "Tena, kami haot nanan segala sesuatu dan uma Hanyu!" ²⁹ Yesus ngantuh, "Aku ngantuh sasabujur e ga hanyu, koi naan erangkaulun pun sa haot nanan lewu, antawa pulaksanai laki, antawa pulaksanai wawei, antawa ine, antawa amah, antawa anak-anak, antawa alah-alah e ulah Aku dan ulah Injil, ³⁰ Sa ta masa hio, koi akan narime seratus kali lipat-- lewu-lewu, dan pulaksanai laki, dan pulaksanai wawei, dan ine-ine, dan anak-anak, dan alah-alah, nihi penganiayaan; dan ta masa akan hawi, welum sa kekal. ³¹ Akan tetapi, ajoh ulun sa pertama akan jari sa terakhir, dan sa terakhir jari sa pertama." Yesus Bapaner Lagi tentang Pampatei-E ³² Here ganyah huang perjalanan mamai ga Yerusalem dan Yesus takia ta muka here. Dan, here nginam takjub, sementara ulun-ulun sa uma-E nginam takut. Dan, Yesus waleng nuna baya kedua belas murid-E, Aye mulai mawara ga here inon sa akan terjadi ga Aye, ³³ Antuh-E, "Tena, takam ganyah mamai ga Yerusalem dan Anak Marasia akan na sarahkan ga imam-imam kepala dan ahli-ahli Taurat. Here akan nukum-E hingga matei dan akan manyarahkan-E ga ulun-ulun bakoi Yahudi. ³⁴ Here akan ngahina-E, dan nura-E, dan nampahanang-E, dan munu-E. Akan tetapi, sahaot telu andrau, Aye akan bangkit." PermohonanYakobus dan Yohanes ³⁵ Udi hio, Yakobus dan Yohanes, anak-anak Zebedeus, hawi dapot Yesus dan ngantuh, "Guru, kami kakan Hanyu ngulah bagi kami inon bo sa kami lako." ³⁶ Dan, Yesus ngantuh ga here, "Inon sa kangakan nu mat Aku ngulah ga hanyu?" ³⁷ Here ngantuh ga Aye, "Izinkan erangkaulun neke kami maharung ta tuhi kawan-Nu, dan sa isa e ta tuhi kawi-Nu, huang kemuliaan-Nu." ³⁸ Akan tetapi, Yesus ngantuh ga here, "Hanyu koi karasa inon sa nalako nu. Sanggupkah hanyu ngoot neke cawan sa harus Ku ngoot antawa nababtis nihi babtisan sa nababtiskan ga Aku?" ³⁹ Here ngantuh ga -Aye, "Kami sanggup!" balu, Yesus ngantuh ga here, "Cawan sa naoot-Ku memang naoot nu, dan hanyu akan nababtis nihi babtisan sa nababtiskan ga Aku. ⁴⁰ Akan tetapi, mat maharung ta tuhi kawan-Ku antawa ta tuhi kawi-Ku bakoi hak-Ku mat ngami e, tetapi uneng hio ayelah mat ga here sa haot na siapkan." ⁴¹ Ngarengei hio, sepuluh murid sa lain jari sangit ga Yakobus dan Yohanes. ⁴² Balu, Yesus nerau here dan ngantuh ga here, "Hanyu karasa bahwa here sa naanggap sebagai perintah ulun-ulun bakoi Yahudi ngulah seolah-olah bakuasa hamau here. Dan, Petinggi-petinggi here manggunakan kekuasaan e hamau here. ⁴³ Namun, bakoi seharus e ta penah hanyu. Sawadik e, hie bo sa kakan jari hante ta penah hanyu, harus jari pelayan nu, ⁴⁴ dan hie bo sa kakan jari sa pertama ta penah hanyu, harus jari pelayan neke kaluhan e. ⁴⁵ Ulah, Anak Marasia pun hawi bakoi mat nalayani, tetapi mat melanyani, dan mat ngami nyawa-E sebagai tewuh bagi ulun ajoh." Yesus Nangkaoh Bartimeus sa Pehe ⁴⁶ Udi hio, here hampe ga Yerikho. Ketika Yesus nanan Yerikho pahengau nihi murid-murid-E dan ulun ajoh, erangkaulun pangemis pehe baaran Bartimeus, anak Timeus, ganyah maharung ta iring lalan. ⁴⁷ Katika aye karengei bahwa naan Yesus neke Nazaret, aye mulai baseru dan ngantuh, "Yesus, Anak Daud, kasihanilah aku!" ⁴⁸ Dan, ajoh ulun nagur e dan nunyu aye benyem. Namun, aye makin kamiak, "Anak Daud, kasihanilah aku!" ⁴⁹ Balu, Yesus tenek dan ngantuh, "Herau aye." Dan, here pun nerau ulun pehe hio dan ngantuh ga aye, "Kuatkan atei nu! mindrilah, Aye nerau hanyu." ⁵⁰ Sambil ngalepak jubah e, ulun pehe hio mindri dan hawi ga Yesus. ⁵¹ Dan, Yesus ngantuh ga aye, "inon sa kangakan nu mat Aku ngulah ga hanyu?" Ulun pehe hio ngajawab, "Rabi, biarkan aku katena." ⁵² Balu, Yesus ngantuh ga aye, "Tulaklah. Imannu haot nangkoh hanyu." Seketika hio lei, aye kaiuh waleng panena e, dan aye uma Yesus saamau lalan.