¹ Katika Yesus minau neke wungkur hio, kerumunan ulun ajoh uma Aye. ² Dan, i'ni, erang kaulun sa sakit kodong hawi ga aye, dan sujud ta hadapan-E dan ngantuh, "Tuan, amun hanyu kakan, Hanyu iuh nangkaoh aku. ³ Dan, Yesus ngami tangan-E bu negei aye, antuh-E, "Aku kakan, kaoh lah." saat hio lei, kaohlah kodong ulun hio. ⁴ Dan, Yesus ngantuh ga aye, "perhatikanlah, ada hanyu mangisah inon-inon ga erang kaulun pun, tatapi tulaklah, tampain'nilah arepnu ga imam, dan persembahkanlah persembahan sa na perintahkan Musa sebagai kesaksian ga here. "Erang kaulun Pelayan Perwira Romawi Natangkaoh ⁵ Katika Yesus masuk ga Kapernaum, erang kaulun perwira hawi ga Aye, mamohon ga Aye , ⁶ dan ngantuh, "Tuan, hambaku ganyah kading lupuh ta lewu, tu'u menderita." ⁷ Dan, Yesus ngantuh ga aye, "Aku akan hawi dan nangkaoh aye." ⁸ Akan tatapi, perwira hio ngajawab dan ngantuh, "Tuan, aku koi layak mat Hanyu masuk ga kapit hapauku, tatapi antuhlah isa kata bo dan hamba ku akan na tangkaoh. ⁹ Ulah, aku lei ayelah ulun sa naan ta kapit kekuasaan, nihi tentara-tentara ta kapit aku. Dan, aku ngantuh ga sa isa, 'tulaklah, 'ayepun tulak, dan ga sa lain, 'hawilah, ' dan ayepun hawi, dan ga hamba ku, 'gawilah ina, 'dan ayepun ngagawi e.'' ¹⁰ Katika Yesus ngarengei hal iti, Aye kagum dan ngantuh ga ulun-ulun sa uma Aye, "Aku ngantuh sa satu'u e ga hanyu, Aku mete panalu iman sa hante iti ta penah ulun Israel. ¹¹ Aku ngantuh ga hanyu bahwa ajoh sa akan hawi neke timur dan barat, dan maharung kuman nihi Abraham, Ishak, dan Yakub huang kerajaan surga, ¹² tatapi anak-anak kerajaan hio akan na umpe ga huang maieng sa paling maieng. Ta aro akan naan ratapan dan karakup dipen.'' ¹³ Dan, Yesus ngantuh ga perwira hio, "Tulaklah, biarlah terjadi ga hanyu sameh sa hanyu percayai." Dan, pada saat hio lei, hamba e na tangkaoh. Umpu Petrus dan Ulun Ajoh Natangkaoh ¹⁴ Katika Yesus hampe ta lewu Petrus, Aye ngi'ni umpu sa wawei Petrus ganyah kading dan maringin. ¹⁵ Balu, Yesus negei tangan e hio dan maringin e jawoh, aye buan dan melayani Yesus ¹⁶ Katika mat kamalem, here nuna ga Aye ajoh ulun sa kerasukan roh jahat, dan Aye ngusir roh-roh hio nihi isa kata, dan nangkaoh kaluhan ulun sa sakit, ¹⁷ mat na ganapilah inon sa na antuh nabi Yesaya: "Ayelah sa ngalap kelemahan-kelemahaan takam Dan mananggung penyakit-penyakit takam." Manjadi pengikut Yesus v 18 Sekarang, katika Yesus ngi'ni ulun ajoh ta sekeliling-E, aye ngami perintah mat tulak ga sabarang. ¹⁹ Udi hio , erang kaulun ahli Taurat hawi dan ngantuh ga Aye, "Guru, aku akan uma Hanyu ga awe Hanyu tulak." ²⁰ Dan, Yesus ngantuh ga aye, " para rubah naan liang dan wurung-wurung ta langit naan hanai. Akan tatapi, Anak-anak marasia bakoi naan uneng mat nganak ulu-E." ²¹ Isa neke para murid ngantuh ga Aye, "Tuhan, izinkanlah aku mat terlebih dahulu tulak dan ngogang amahku." ²² Akan tatapi, Yesus ngantuh ga aye, "Umalah Aku, dan elah bo ulun matei ngogang ulun matei here laerai." Yesus Nyantadoh Badai ²³ Dan, katika yesus mamai ga jukung, murid-murid-E uma aye. ²⁴ Dan, I'nilah, terjadi badai hante ta danau hingga jukung hio tatutup umak. Akan tatapi, yesus mandre. ²⁵ Dan, murid-murid hawi ga yesus dan ngele-E, antuh e, "Tuhan, selamatkan kami! takam ganyah binasa ²⁶ Dan, Aye ngantuh ga here, "Uah inon kon takut, u kon sa kurang ba iman?" Balu, Aye mindri dan nyangit riwut di danau hio, dan jari marene tu'u. ²⁷ Maka, ulun-ulun hio ta heran-heran dan ngantuh, "Ulun masam inonkah Aye iri, bahkan riwut dan danau pun manuruti-aye?" Rueh Ulun Gadara Karasukan Roh Jahat ^{28 23} Katika yesus hampe ga sabarang danau, ta daerah ulun Gadara, rueh kaulun sa karasukan roh jahat manalu-E. Here kaluar neke ogang nihi tu'u ganas sehingga koi naan ulun sa iuh nangkah lalan hio. ²⁹ Dan, i'nilah, here kamiak, antuh e "Inon urusan antara Hanyu nihi kami, u Anak Allah Talla? Inonkah Hanyu hawi mat manyiksa kami sa mete waktu e?" ³⁰ Dan, agak lawit neke here naan pulau iwek sa ganyah nupui panguta. ³¹ Setan-setan hio lako ga Aye dan ngantuh, "Jaka Hanyu kakan ngusir kami, hunyulah kami pi'nah ga huang pulau iwek hio." ³² Dan, Yesus ngantuh ga here, 'tulaklah!" Balu, here kaluar dan masuk ga huang iwek-iwek hio. Udi hio, kaluhan pulau iwek hio pun mitun neke iring danau dan matei ta huang ranu. ³³ Ulun-ulun sa nyaga pulau iwek hio malempat, dan masuk ga huang kota, dan mangisahkan kaluhan e, termasuk inon sa terjadi nihi ulun-ulun sa na rasuk setan-setan hio. ³⁴ Dan, i'nilah, kaluhan kota kaluar mat panalu nihi Yesus. Katika ngi'ni Yesus, here ngalako-E mat nanan wilayah here.