¹ Katika Yesus haot menyelesaikan antuhan-antuhan iti, Aye tulak neke Galilea dan hampe ta wilayah Yudea, ta sabarang hungei Yordan. ² Dan, kerumunan hante ulun ajoh uma Aye dan Aye nangkaoh here ta aro. ³ Papire ulun Farisi hawi ga Yesus mat mansuba Aye dan nyantane, "Inonkah na benarkan bagi laki mat nampasarak harau e nihi berbagai alasan?" ⁴ Balu, Yesus manjawab dan ngantuh, "Bakoi kah hanyu mambaca bahwa Aye, sa menciptakan here sejak semula, menjadikan here laki dan wawei ⁵ Dan Aye ba Firman, 'Ulah hio, laki harus nanan amah e dan ine e , dan jari isa nihi harau e, dan kalarueh e hio akan jari isa tenga'? ⁶ Jari, here bakoi lagi rueh, melainkan isa tenga. Ulah hio, inon sa haot na tampaisa Allah Talla, marasia koi tau memisahkan e." ⁷ Here ngantuh ga Yesus, "Balu, uah inon Musa memerintahkan mat ngami surat sarak dan nampasarak harau?" ⁸ Yesus ngantuh ga here, "Ulah kakaras atei nu, Musa mengizinkan hanyu nampasarak harau nu. akan tatapi, pada awal e bakoi lah kalahio. ⁹ Dan, Aku ngantuh ga hanyu bahwa hie sa nampasarak harau e, kecuali ulah maraheng, bu pa'adu nihi wawei lain, aye maraheng." ¹⁰ Murid-murid ngantuh ga Aye, "Jaka sameh iti hal e wane nihi harau e, lebih maeh koi pa'adu." ¹¹ Namun, Yesus ngantuh ga here, "Bakoi kaluhan ulun iuh manerima antuhan iti, kecuali here sa nakaruniai. ¹² Ulah, naan ulun sa koi pa'adu ulah memang lahir kalahio neke rahim ine e, dan naan ulun sa koi pa'adu ulah na mandulkan oleh ulun lain, dan naan lei ulun sa mandul sa memandulkan arep e laerai demi kerajaan surga. Barang hie iuh manarima hal ina, biarlah aye manarima e." Yesus dan Anak-Anak Halus ¹³ Udi hio, papire anak halus na tuna ga Aye mat Aye iuh nga'nak tangan-E hamau anak-anak hio dan mendoakan here. Akan tetapi, murid-murid nagur ulun-ulun hio. ¹⁴ Namun, Yesus ngantuh, "Biarlah anak-anak halus hio. Ada mahalangi here hawi ga Aku ulah kerajaan Surga ayelah milik ulun-ulun sa sameh anak-anak halus iti." ¹⁵ Sahaot Yesus nga'nak tangan-E hamau anak-anak hio, aye tulak neke hio. Kala awe kaiuh Welum Kekal ? ¹⁶ Udi hio, hawilah erang kaulun ga Yesus dan nyantane, "Guru, hal maeh inon sa harus ku lakukan mat kaiuh welum sa kekal ?" ¹⁷ Dan, Yesus ngantuh ga ulun hio, "Uah inon hanyu nyantane ga Aku tentang inon sa maeh ? Ekat naan isa sa maeh. Namun, jaka hanyu kakan masuk ga huang welum, taatilah parintah-parintah hio." ¹⁸ Ulun hio nyantane ga Yesus, "Parintah sa awe ?" ¹⁹ Hormatilah amah nu dan ine nu, dan kasihilah sasameh nu sameh arep nu laerai." ²⁰ Ulun muda hio ngantuh ga Aye, "Kaluhan e hio haot ku taati, inon lagi sa masih kurang ?" ²¹ Yesus ngantuh ga aye, "Jaka hanyu kakan sempurna, tulak dan batanglah kaluhan sa hanyu miliki. Lalu, ami ga ulun sa susah, dan hanyu akan memiliki harta ta surga, dan ayu uma Aku." ²² Namun, katika ulun muda hio ngarengei pernyataan iti, aye tulak nihi sedih ulah aye tatau tu'u. ²³ Balu, Yesus ngantuh ga murid-murid-E, Aku ngantuh sa sabujur e ga hanyu, sulit bagi ulun sugih mat masuk ga huang kerajaan surga. ²⁴ sekali lagi, Aku ngantuh ga hanyu bahwa lebih murah bagi erang kaikui unta mat nangkah tolong pilos neke ulun sugih masuk ga huang kerajaan Allah Talla." ²⁵ Katika para murid karengei antuhan hio, here jari heran tu'u, dan ngantuh, "Amun kalahio, hie sa tau na selamatkan ?" ²⁶ Sambil memandang here, Yesus ngantuh,"Pahengau marasia, hal iti mustahil, tetapi pahengau Allah Talla, kaluhan hal hio mungkin." ²⁷ Udi hio, Petrus ngantuh ga Aye, "I'nilah, kami haot nanan kaluhan e dan uma Hanyu. Jari, inon sa akan kami tarime ?" ²⁸ Dan, Yesus ngantuh ga here, "Aku ngantuh sa sabujur e ga hanyu bahwa hanyu, sa uma Aku huang dunia sa bio, katika Anak Marasia maharung ta takhta kebesaran-E, hanyu lei akan maharung ta hamau dua belas takhta mat mahakimi kedua belas suku Israel. ²⁹ Dan, setiap ulun sa haot nanan lewu, pulaksanai laki, pulaksanai wawei, amah, ine, anak-anak, antawa alah e ulah aran-Ku akan manarime seratus kali lipat dan akan mewarisi welum sa kekal. ³⁰ Akan tetapi, ajoh ulun sa pertama akan jari sa terakhir, dan sa terakhir akan jari sa pertama."