¹ Bahkan, perjanjian sa lawah baisi tentang peraturan ibadah dan uneng kudus sa naan ta bumi. ² Ulah kalahiolah kemah Allah napersiapkan: bagian luar, sa ta aye naan pelita, meja, dan roti sajian, na antuh Uneng Kudus. ³ Ta wading tirai karueh ayelah bagian kemah sa na antuh Ruang Mahakudus, ⁴ ta uneng hio naan altar pedupaan sa na ulah neke amas dan tabut perjanjian sa kaluhan isi e na lapis amas. Ta huang tabut hio, naan isa kendi amas sa baisi manna, tongkat Harun sa pahindra tumu, baya rueh lempeng watu perjanjian. ⁵ Ta hamau e, naan rueh kerup kemuliaan sa menaungi Tutup perdamaian, tetapi wayah ina bakoi waktu tepat mat ngamaner e secara terperinci. ⁶ Sahaot kaluhan e hio na siapkan sakalahio maeh, kawan imam suluk ga bagian sa pertama neke kemah hio secara rutin, mat ngulah pelayanan ibadah ga Allah. ⁷ Akan tetapi, ekat imam hante bo sa nahunyu suluk ga bagian karueh neke kemah hio, hio pun ekat erang taun isa kali, dan nuna ira mat na persembahkan ga Allah demi arep e laerai dan demi dosa-dosa umat sa na ulah bakoi kanaraga. ⁸ Roh Kudus menyatakan ga takam bahwa lalan menuju Ruang Mahakudus mete tauka salawah ruang kudus masih naan, ⁹ hal hio ayelah kiasan mengenai zaman ina. Kalahio lei berbagai amian dan kurban-kurban sa napersembahkan bakoi kaiuh menyempurnakan nurani ulun-ulun sa baibadah, ¹⁰ Ulah ekat berkaitan nihi panguta, ranu oot, dan ritual pembasuhan ga tenga jasmani sa berlaku hingga hampe waktu pembaharuan. Ibadah huang perjanjian sa bio ¹¹ Namun, katika kristus hawi sebagai Imam Hante hamau hal-hal maeh sa akan hawi, Aye suluk nangkah Uneng Kudus sa lebih hante dan lebih sempurna; sa koi na ulah oleh tangan marasia dan bakoilah suatu ciptaan. ¹² Aye suluk ga Ruang Mahakudus isa kali ga kalalawah e, bakoi nihi nuna ira kaming laki dan ira anak sapi , tetapi nihi nuna ira-E laerai hingga kaiuh penebusan sa kekal. ¹³ Ulah, jaka pemercikan ira kaming laki dan sapi laki, dan lei walenun anak sapi wawei ga ulun sa najis iuh menyucikan tenga jasmani here, ¹⁴ labih-labih lagi ira Kristus, ayehio Aye sa nangkah Roh sa kekal mempersembahkan arep-E sebagai kurban sa koi cacat ga Allah mat menyucikan atei nurani nu neke ulahan sa sia-sia mat hanyu iuh melayani Allah sa welum. ¹⁵ Ga alasan ina lah Kristus jari perantara neke perjanjian sa bio mat here sa haot na herau Allah tau narime warisan kekal sa haot na janji-E; ulah isa pampatei haot terjadi mat newuh here neke pelanggaran-pelanggaran sa haot na ulah here ta kapit sa pertama. ¹⁶ Jaka naan surat wasiat, maka harus naan pampatei neke ulun sa ngulah e. ¹⁷ Ulah, surat wasiat ekat balaku jaka ulun sa ngulah e haot matei; surat hio koi naan kuasa salawah ulun sa ngulah e masih welum. ¹⁸ Hiolah sabab e, uah inon perjanjian pertama pun koi balaku tanpa kurban ira. ¹⁹ Ulah, sahaot Musa mawara setiap perintah huang Hukum Taurat ga umat Israel, aye ngalap ira anak sapi dan kaming balu nyampur e nihi ranu. Dan, ngaguna kain wol mariang baya isa watang hisop, aye memercikan e ga Kitap Taurat dan ga kaluhan umat ²⁰ sambil ngantuh, "Inalah ira neke perjanjian sa haot Allah perintahkan mat nataati nu." ²¹ Nihi cara sa sameh, Musa lei memerciki Kemah Suci dan kaluhan perlengkapan sa nagunakan huang ibadah nihi ira. ²² Menurut Hukum Taurat, hampe segala eha e harus na sucikan nihi ira, dan tanpa naan e tundrak ira, koi naan pengampunan. Yesus Kristus ayelah Kurban Penghapusan Dosa ²³ Ulah hio, segala eha e sa melambangkan hal-hal surgawi perlu tuu na sucikan nihi hal ina, tetapi segala eha e sa ta surga na sucikan nihi kurban sa lebih maeh. ²⁴ Ulah, Kristus koi suluk ga huang Ruang Mahakudus sa naulah oleh tangan marasia, sa ekat tiruan neke sa sabujur e, tetapi Aye suluk ga huang surga hio laerai dan wayah na muneng ta hadapan Allah demi takam. ²⁵ Kristus lei koi mempersembahkan arep-E berkali-kali, sameh imam hante sa harus suluk ga Ruang Mahakudus neke taun ga taun nihi nuna ira sa koi ira e laerai. ²⁶ Jaka kalahio, Kristus harus menderita baulang kali sejak dunia na ciptakan. Akan tetapi, Kristus ekat menyatakan arep-E isa kali bo ga kalalawah e ta zaman ahir ina demi menghapus dosa, nihi cara mempersembahkan arep-E laerai. ²⁷ Sameh marasia, sa natentukan mat matei isa kali bo dan sahaot hio mahadap penghakiman, ²⁸ Kalahio lei Kristus; Aye na persembahkan ekat sa kali bo mat naggung dosa ulun ajoh, dan akan hawi mat ga karueh kali e, bakoi mat menanggung dosa, melainkan mat nuna keselamatan bagi here sa ngandrei Aye.