TABE NIHI PUJIAN GA GAYUS. ¹ Neke tu'eh ungkup ga Gayus sa terkasih,sa ku kasihi huang kebenaran. ² Pulaksanai ku sa kukasihi, aku badoa semoga hanyu maeh-maeh bo huang inon pun semoga tenga nu sehat, sameh nihi jiwa nu sa sehat lei. ³ Ulah, aku bersuka cita tu'u ketika pulaksanai-pulaksanai kaluhan hawi nihi basaksi tentang kebenaran u, ka awe awuk iti hanyu welum huang kebenaran. ⁴ Aku bakoi ampun sukacita sa labih hante neke ngarengei bahwa anak-anak ku takia huang kebenaran. ⁵ Puaksanai ku sa kekasih, hanyu bertindak nihi setia huang kaluhan usaha nu gi here pulaksanai, meskipun here ulun asing. ⁶ Here haot basaksi tentang kasih nu ta hadapan jemaat. Hanyu mat ngulah sa maeh amun ngawat here malanjut kan perjalanan nihi cara sa berkenan ga Allah Talla. ⁷ Ulah, here haot tulak demi Aran hio , nihi bakoi narime inon pun neke ulun-ulun sa bakoi percaya. ⁸ Ulah hio, takam harus ngawat ulun-ulun sa sameh here mat takam jari hengau pelayanan ga kebenaran. ⁹ Aku haot nulis ga jemaat, tatapi Diotrefes, sa kakan manonjolkan tenga e helang here, bakoi hakun narime kami. ¹⁰ Awi hio, amun aku hawi, aku mat nampaingat aye sa ta amau tindakan e yo, sa dawa teka kami nihi eauan sa bakoi maeh! bakoi ekat hio bo, aye gin bakoi hakun narime kawan pulaksanai sa hawi dan nguring here sa hakun narime kawan pulaksanai yo serta mengucil here neke jemaat. ¹¹ Pulaksanai sa ku kasihi, ada hanyu maniru sa bakoi maeh, melainkan sa maeh. Ulun sa bagawi maeh yo hawi e neke Allah Talla, tetapi ulun sa bakoi maeh, mete ngini Allah Talla. ¹² Kaluhan ulun sa haot basaksi sa maeh tentang Demetrius, bahkan kabujuran gin basaksi demikian. Kami gin basaksi, nihi hanyu karasa bahwa kesaksian kami hio bujur. ¹³ Naan ajoh hal sa kakan na tulis ku ga hanyu, tatapi aku bakoi hakun manulis e ga hanyu nihi pena dan tinta. ¹⁴ Aku baharap tu'u manalu hanyu hinang nihi takam ba paner panalu rai. ¹⁵ Damai sejahtera ga hanyu. Kawan hengau ta ina ngirim tabe ga hanyu. Tahampe lei tabe ga kaluhan pulaksanai ta anoi.