PAULUS DAN RASUL PALSU ¹ Aku baharap, hanyu sabar tahadap aku huang dutik ka bakoi marati aku, dan hanyu memang sabar tahadap aku. ² Ulah, aku ngingkam ngadidit gi hanyu nihi kadidit ilahi ulah aku haot manuangkan hanyu nihi isa wane sameh leon perawan sa suci mat ga Kristus. ³ Namun, aku takut, ada-ada, sameh leon nipe sa nihi kelicikan manipu Hawa, kala hio ley gin pikiran nu akan sa santawang neke ketulusan dan kemurnian pengabdian huang Kristus. ⁴ Ulah, hanyu sabar bo ketika erang ka ulun hawi dan mambaritakan tentang Yesus sa lain, sa babeda nihi sa kami baritakan, atawa katika hanyu narime Roh sa babeda-bed sa mete pahindra hanyu narime. ⁵ Menurut ku, aku bakoi lah kurang nake para kawan rasul luar biasa hio. ⁶ Walaupun aku bakoi pandai huang hal bapaner, tetapi bakoi kalahio huang hal pengetahuan, ulah nihi ba masam cara, kami haot manunjukkan ne mat ga hanyu huang hadi macam hal. ⁷ Atawa inonkah aku melakukan dosa ketika nampaleba diri ku raerai mat hanyu kaiyuh natampa entu ulah aku mambaritakan Injil Allah Talla dapot hanyu nihi cuma-cuma? ⁸ Aku merampok jemaat-jemaat lain nihi narime upa nake here mat melayani hanyu. ⁹ Dan ketika aku hayak di hanyu dan melarat, aku bakoi membebani erang ka ulun pun ulah pulaksanai-pulaksanai sa hawi take Makedonia nampenu kepentinganku. Dan, huang hadi macam hal, aku menjaga diri ku mat bakoi jari beban bagi nu dan aku akan tarus melakukan ne. ¹⁰ Sakala awe kebenaran Kristus ta huang aku, kebanggaanku iti bakoi akan na halangi ta wilayah-wilayah Akhaya. ¹¹ Uah inon? Inonkah ulah aku bakoi mengasihi hanyu? Allah Talla sa karasane!. ¹² Akan tetapi, aku akan tarus melakukan inon sa kulakukan sehingga aku kaiyuh netek kasampatan neke here sa hamen kesempatan mat na panalu sameh leon kami huang hal-hal sa here banggakan. ¹³ Ulah, ulun-ulun sameh hio adalah rasul-rasul palsu, pagawi-pagawi sa bakoi benar, sa nyarupa sameh leon rasul-rasul Kristus. ¹⁴ Hal hio bakoi nyangkemah ulah iblis pun nyarupa jari sameh leon malaikat tarang. ¹⁵ Ulah gana hio, bakoi lah embanah jika here kawan pelayanane ley manyarupa sameh leon kawan pelayan kebenaran, sa kesudahan here hio akan setimpal nihi perbuatane raerai. ¹⁶ Hindra lagi, aku ngantuh ada naan isapun sa menganggap aku iti koi marati. Kalaupun sameh hio tarime bo lah aku sameh leon ulun sa koi marati mat aku gin ley kaiyuh duting berbangga. ¹⁷ Inon sa aku ngantuh huang hal keyakinan akan kebanggaan ina, aku bakoi ngantuh e sameh kahandak Tuhan, melainkan sameh leon huang ke bakoi marati. ¹⁸ Ajoh ulun sa berbangga secara daging. Jari, aku gin akan berbangga. ¹⁹ Ulah, hanyu sameh hio bijaksana sehingga nihi sanang atei hanyu ba sabar tahadap ulun sa koi marati! ²⁰ Hanyu bo sabar, jaka naan ulun sa memperhamba hanyu, nelen hanyu, ngalap keuntungan ta hambau hanyu, nampaentu diri e, atawa nampar rainu. ²¹ Nihi tu'u-tu'u mangan aku a harus ngantuh bahwa kami talalu lamah mat gi hal hio! Namun, inon bo sa ulun lain he ei mat berbangga-- aku bapaner sameh leon ulu koi marati -- aku gi he ei. ²² Inonkah here ulun Ibrani? Aku gin. Inonkah here ulun Israel? Aku gin. Inonkah here keturunan Abraham? Aku gin. ²³ Inonkah here melayani Kistus? Aku labih-labih lagi-- aku ba paneran sameh leon ulun rapui. Kauyuhan ku lebih ajoh, labih gaha huang panjara, hampasan-hampasan sa bakoi ka iyuh na hitung dan labih gaha muneng huang bahaya maut. ²⁴ Nake ulun-ulun Yahudi, ka ajoh dime kali aku haot narime epat puluh kurang isa cambukan. ²⁵ Telu kali aku na hampas nihi uwei, isa kali na pedak makai watu, telu kali aku muneng ta kapal kayem, isa malem dan erang andrau na tarik galumbang ta laut. ²⁶ Ajoh kali huang kiaan, aku ta ancam bahaya neke hungei, neke kawanan rampok, pihak ulun-ulun Yahudi, dan ulun-ulun bakoi Yahudi. Aku na ancam bahaya ta Kota, ta pulau haket, ta laut dan pudi ley bahaya pulaksanai-pulaksanai palsu. ²⁷ Aku haot basusah payah dan bagawi weat, tatap mete bakoi mandre, kaluan dan haus, gaha bakoi naan panguta, huang karisakan dan bakoi ba lamba. ²⁸ Dan, sa lain hal-hal ina, naan ley masalah anrau-anrau sa jari tanggung jawabku mat pamaliharaan ta hambau kaluhan jemaat. ²⁹ Hie sam maleme, dan aku bakoi maleme? Hie sa lawu, dn aku baoi badukacita? ³⁰ Jaka aku harus bangga, aku akan bangga hammau hal-hal sa manunjukan kalemahanku. ³¹ Allah Talla dan Ammah Tuhan Yesus, sa harus na puji sa lawah-lawah e, karasa bahwa aku bakoi namposo. ³² Ta Damaskus, gubernur ta kapit Raja Aretas mangasi Kota Damaskus mat manangkap aku. ³³ Namun, aku tampinau huang keranjang nake erang kua jendela ta pipik, sehingga aku ta lapas nake tangan e.