¹ Ngue viove, ua tsile mu vivulumuna na vuvi vueni. ² Omo mumuendele lumo kutuala kumiaka ya chifuti echi. Muovokele kutuala ku mashiko ampoko ya mpundhi, oyo ipanga mu lithima vana vavamala uaka lithino. ³ Tuvavoshe tua tunopilemukati kavantuava, kulishulitha na mashungu akuviha avuntu vuetu, na kupanga mashungu amuvila na mana. Ha chithemua tua kele vana vavukalu, mgue vakuavo. ⁴ Vuno Kalunga mpite mu ngothi mukonda lia chilemo chendi chakama ua tuyongola. ⁵ Nambe mu tuathsile na milonga, ua ua tuneha kumuono muli Kilistu ku ngothi yendi tunovoka. ⁶ Kalunga ua tunyangumuine tuvavoshe na Kilistu, Kalunga ua tutanga tutumame hamo lika ku muhela ua muilu muli Kilistu Jesu, ⁷ Ngocho ku miaka ikeja aka linjombolola vufuko vuendi vuakama vua kungothi yendi nakuambulula mungothi yendi kuli yetu muli Kilistu Jesu. ⁸ Ngocho ku ngothi na tuovola ha luthelelo, evi kuviethile kuli yeni, viakele via vuana vua Kalunga, ⁹ Keti via kuvipanga, ngocho naumo uahi aka kuli tuntula. ¹⁰ Ngocho etu tunapu Kalunga na vaka vipanga viendi, vakutanga muli Kilistu Yesu tupange vipnga vije viiya navithinganieka via Kalunga miaka yetu ngocho tukenda muli vakevo. ¹¹ Ngocho vulukeni nguove umo ua vaka vifuti mumuvila. Vana kuthana '' kuvalovokele na vika vio vathana '' kulovola''' mumuvila uapanga namavoko avantu. ¹² Ngocho vene ha nthimbu ije vamutepele kuli Jesu vaka kuija muchifuti cha Isaleli. ¹³ Vunoni eni laya muakele kulaako mualolo mualolo munenja muhiehi hiehi muli Kilistu Jesus namaninga a Kilistu. ¹⁴ Muomu ikeye tjiyulo njetu, oyo miyati ivali ua ipuithile umo, Keho na pa puola tjitungu tjiye tjahakati ketu tja tuhangununa. ¹⁵ Natunditha vutothi namuvila uendi , vukevuo majui alithiko aku vithilika linga apange ikeye va vena nava ye vantu vavali vakele muntu umolika uamuha ngatjiye kukale tjiyulo. ¹⁶ Keho ava hambethe kuli Kalunga voshe vavali mumuvila umo lika na tjilindakano muanathihi natjo vutothi. ¹⁷ Keho uethile na kuambulula tjiyulo kulieni muna kele kulaako natjiyulo kulia vanenja muhiehi. ¹⁸ Muomu hali ikeye etu voshe vavali tuhatha kuheta kuli tata na Spilitu umolika. ¹⁹ Ngotjo vene keti ngohoni muvangethi lalo nambe vakua kulishuka, vunoni muvandambo hamo nava ka kuyela, eni muvaka ndjivo ya Kalunga. ²⁰ Vanamitungu naluvula lua vaPostolo na va Polofeto, Kilistu Jesu vanena ikeye livue lialuo liamu mbango. ²¹ Muli ikeye ndjivo yoshe inalitokakana mua tjili, ili nakukola mukupua tembele ya kuyela mu limuene. ²² Muli ikeye eni lalo vali nakumitunga mumo, linga mupue ndjivo ya Kalunga muli Spilitu.