¹ Poul, mu apositoli wa Jesus Krisitusa mukutwara mudimurawo daKarunga Muyowoli wetu no lihuguvaro. ² kuna kukutjangera ove Timoteusa , ove yira monande wanaumwande: Kunakukukanderera Karunga Hompa Jesus kristusa akufere nkenda oku akuyavarere oku akupe mbili. ³ Ame kunakuhorere ukare ngweyo mu Ephesus, momu nakupampilikidire apanayendire mu Macedonia. mposi ukare momu wasa dira kuronga vantu vopeke veta. ⁴ Kapisi ngava teyerere nawa ku matimwititi no uhura. Evi vyaviyita dimutangu ndi mposi kuvatera mafaneko gha Karunga, owo ana karo asi wo Lipuro. ⁵ Weno sitambo so dimurawo sihoro sokutundilira kumutjima wo wuwa, kutunda kovo vahoroworango vyowiwa, no lipuro lyokuvyukilira. ⁶ Vantu vamwe vasuvire kunyima no ku ghamba vyovidona. ⁷ Vavo kwa hora vakare va rongi vo veta, ene ngoli vavo kapivanakuyuva evi vanakutanta ndi evi vakondjera asi vyousili. ⁸ Ene ngoli atwe twayiva asi veta yiwa sene oyiruwanita nawa. ⁹ Momu twaviyiva vino, veta kapivayitulirapo vahungami, nani ngoli kwaditulirapo vokudina veta no vantu vadiro kuyiva Karunga nova nandjo no vovokudira kupongoka. ¹⁰ Kwakarerapo ovo vadipayo vasavavo no vanyokwavavo. Kwayitulirapo vantu vokusondera, novo vararango varume vaunyavo, novo vavakango vantu vaunyavo vakakare vapika, novanavipempa , novo vokutapa maumbangi wovipempa, ¹¹ no kehe vano varuwanango navintje evi vyalimbikango marongo gho usili. ¹² Ame kupandura Jesus Kristusa Hompa wetu. Owo ankondopeko me, nivure kutikitamo viruwana vyande, mbyo antura nimukareli wendi. ¹³ Nampili momu kanimughambanga mumudona, kanimuhepekanga nokumuswaura. Ene ngoli nawanine ufe nkenda mbyevi apa kaniviruwananga ame simpe kapi napura. ¹⁴ Ngoli uyerere wa Hompa awuseumuka no lipuro no sihoro sakaro mwa Jesus Kristusa. ¹⁵ Mbudi yino yousili dado twakona kuditambura natuvantje, asi Jesus Christus kwayire mu udjuni aya yowore vanandjo. Ame munandjo gho munene. ¹⁶ Ene ngoli mukonda yavino ame kwa mfelilire nkenda, mposi mwande, ame munandjo, Jesus Kristus nga horora udidimiki wendi nauntje. Kwaviruwanine vino mukutapa sihonena kwambovo ngavamupuro ngava wane mwenyo wanaruntje. ¹⁷ Kwa Hompa gho naruntje owo apiro uhura, ndi asi amoneke, ndje Karunga pantjendi tii, vamusamberere no kumupanda naruntje no naruntje. Amen, ¹⁸ Ame kuna kuku tantera vino kumeho yoye, Timoteusa, monande, kutwara munkango do ghuporofete kuhamena koye, asi kuvura ngo rwe vita vyoviwa, ¹⁹ ukwaterere lipuro no liywi lyoliwa lyokumutjima. Mukuviswena vino, vamwe ngava kombanita mapuliro ghavo. ²⁰ Vamwe yira va Hymaneus na Alexander, ovo natapire kwa Satana mposi vavaronge vapire kuswaura.