¹ Mpo ngoli vyatuvhulire kudidimika, mbyo twaghayalire uwa wakutushuva naghumwetu mu Atena pentjetu. ² Mbyo twatumine Timoteusi, muunyetu ntani muruwani unyetu muvirughana vya Karunga mukuhanita mbudi yayiwa ya Kristususa, mukumu kwafa naku,ukorangeda mulipuro lyenu, ³ mpongoli ashi kwato ogho ngadiro kuvyukilira kodino mpanguro kwenuko aviyiva nawa-nawa ashi vino vyaweno atwe vyatamba. ⁴ opo twakalire nanwe katumutanteranga ashi ngava tuhepeka .mo nka shimpe vinakuya shoroka moomo mwaviyiva nawa. ⁵ Koyino konda, kapinavulire kuvikudidimikira mbyo natumine ayashane vyakuhamena kulipuro lyenu, nakalire naghutwire ashi mundjira yimwe musheteki amu yedawiro mukupuke mposhi virughana vyetu vidire kutu yendapo/virughana vyetu viyende mungosho. ⁶ Makura Timoteusi aya kwetu atunde kwenu nakutuyitra mbudi yayiwa yakuhamena kulipuro lyenu nashihoro.Aya tutantere ashi anwe kehepano kwatughayaranga namaghano ghamawa nakushana kutukenga yira moomu twashana kumukenga anwe. ⁷ Mukukara ashi vaghuni vande, mumaudito ghetu naghantje naruhepo kunakutu korangeda vyakuhamena kwenu mukonda yalipuro lyenu. ⁸ Pano tunakuparuka, naange ashi atuyimana ndjikiti mwa Hompa. ⁹ Mpandu munke tuvura kutapa kwaKarunga kwetu, kuruhafo naruntje tunakara narwo kumeho yaKarunga kupitakana anwe? ¹⁰ Matiku namwi mukuraperera ngudu mposhi tumone shipara shoye nta nakutupa ovyo tunahepa mulipuliro lyoye. ¹¹ Ndi Karunga wetu ntani shetu naghumwendi, na Hompa wetu Yesusa Kristusa, atuneghede ndjira yetu ya kuaya koye. ¹² Ndi Hompa amuruwane mukumuwedererako ntani mukare mushihoro kumwe naghunyendi ntani kuvantu navantje, yira momu twakara nasho kukwenu. ¹³ Ndi amukolite dimutjima denu, mpo ngoli ashi ngamupongoke kushipara sha Karunga na Shetu opo Hompa Yesusa Kristusa ngaya kumwe nava pongoki navantjeya.