¹ Omukusooka waaliwo okigambo, okigambo, n'abba awali oKanca, kigambo n'abba Kanca. ² . Oyo yabbairewo omukusooka awabbaire Okanca. ³ . Ebintu byona byona byakoleibwe ku lwoyo; era awatabbaire ye tiwakoleibwe kintu kyona kyona ekyakoleibwe. ⁴ . Obwomi bwabbaire mu niye; Obwomi ni bubba eisana ly'abantu. ⁵ . Eisana ndyaka omundikiirya, era endikiirya tiyalitegeirre. ⁶ . Waabonekere omuntu, Okanca gweyatumire, eibara lyamwe Yokaana. ⁷ . Oyo yaizire olwakutegeeza ategeeze ebya isana bona bona baikirize okulwaamwe. ⁸ . Oyo ti niye isana, wabula okutegeeza ebya isana. ⁹ . Waliwo eisana erya mazima eryakira buli muntu, nga liiza omunsi. ¹⁰ . Yabbaire mu nsi , ensi yakoleibwe ku lwamwe, era ensi tiyamutegeire. ¹¹ . Yaizire mu matwale gamwe tibamwigereirye. ¹² . Naye bona bona abamwigereirye yabawaire obuyinza okufuuka abaana ba Kanca, nibo baikiriza eibara lyamwe. ¹³ . abatabyaliibwe musai, niwankubbaire okwendya kwa mubiri, niwankubbaire okwendya kwa muntu, naye ababyaaliibwe Okanca. ¹⁴ . Okigambo nafuuka omubiri, n'abbaku gye tuli (ni tubona ekitinisya kyamwe, ekitinisya ng'ekyoyo eyabyalibwe omwe yenkai oitaiswe), ngaizwire ekisa n'amazima. ¹⁵ . OYokaana namutegeeza nabazira aiguru nakoba nti oyo gwenakobere nti akwiza emabega wange asinga nje; kubba ye yali wakusooka. ¹⁶ . Kubba oku kwizula kwamwe iswe iswena iswena kwetwawebeibwe, n'ekisa omu kifo kya kisa. ¹⁷ . Kubba amateeka gaawebeibwe ku bwa Musa; ekisa n'amazima byabbairewo ku bwa Yesu Kristo. ¹⁸ . Ndoowo abonangaku Kanca wona wona; omwana eyabyaalibwe omwe yenkai, abba omukifubba kya Itaiswe, oyo niye amutegeeza. ¹⁹ . Kunu nikwo kutegeeza kwa Yokaana, Abayudaaya abazwa e Yerusaalemi nibamutumiire abakabona n'Abaleevi okumubuulya nti Niwe naani? ²⁰ . Nayatula, nateegaana, nayatula nti ti niye Kristo. ²¹ . Nibamubuulya nti kale lw'odi onaani? Odi Eriya? Nakoba nti ti niye ye. Niwe Onnabbi odi? Nabairamu nti bbe. ²² . Awo nibamukoba nti lw'odi onaani? tubairemu abatutumire. Weyeta naani? ²³ . Nakoba nti nje ndi ddoboozi lya muntu abazira aiguru omu irungu nti mutereeze oluguudo lwa Kanca, nga Onnabi Isaaya ni yabazire. ²⁴ . Abatumiibwe baali ba mu Bafalisayo. ²⁵ . Ni bamubuulya, ni bamukoba nti we toli Kristo, oba Eriya, oba onnabbi odi, kale kiki ekikubatizisya. OYokaana n'abairamu nti nje mbatiza namaizi: akati omunywe ayemereire omunu gwe mutamaite, ²⁶ OYokaana n'abairamu nti nje mbatiza namaizi: akati omunywe ayemereire omunu gwe mutamaite, ²⁷ . akwiza emabega wange, nanje tinsanira kumusandabula likobba lwa nkaito wamwei . ²⁸ . Ebyo byakoleirwe Bessaniya okunseeri ya Yoludaani, OYokaana gye yabatirizanga. ²⁹ . Olunaku olwa kabiri nabona OYesu ng'akwiza gyali, nakoba nti Bona, omwana wa ntaama owa Kanca aiyawo ebibbi bya nsi. ³⁰ . Oyo gwenakobere nti amabega wange ekwizayo omuntu ansinga: kubba niye yekereire oku nje. ³¹ . Nanje tinamumaite: naye yooleseibwe Isiraeri, nikyo nzwire nga nyiza mbatiza na maizi. ³² . OYokaana nategeeza ng'akoba nti Nabwoine omwoyo ng'azwa omu Iguru ng'onkaiba, naabba oku ye. ³³ . Nanje tinamumaite: naye eyantumire okubatiza na maizi niye yakobere nti we olibona omwoyo ng'aika n'abba oku ye, oyo niye abatiza n'omwoyo omwikiriiri. ³⁴ . Nanje ni mbona ni ntegeeza nti oyo niye mwana wa Kanca. ³⁵ . Olunaku olwaiririire tte OYokaana yaali ayemereire n'ab'okubegeswa bamwe babiri; ³⁶ . naloleera OYesu ng'a kutambula, namukoba nti Bona omwana wa ntaama owa Kanca. ³⁷ . Abageswa abo ababiri ni bawuura ng'akubaza ni basengeerya OYesu. ³⁸ . OYesu nakyuka nabona nga bakumusengeerya, nabakoba nti Mukuswaagana ki? Nibamukoba nti Labbi (amakulu gakyo nikitegeezebwa nti omwegesya), osula ayi? ³⁹ . Nabakoba nti mwize, mwabonawo. Ni baiza ni babona gyasula; ni basula owamwe olunaku olwo: Essawa zabbaire nga ssawa ikumi. ⁴⁰ . Andereya omuganda wa Simmoni Peetero, niye omwe oku badi abawuliire OYokaana nga abaza nibamusengeerya. ⁴¹ . Ye niyekeera okubona omuganda wamwe niye Simooni, namukoba nti Tubwoine OKristo, amakulu gakyo ni kitegeezebwa nti Eyasukibweku amafuta. ⁴² . Namuleeta eri OYesu. OYesu namuloleera, nakoba nti Niwe Simooni omwana wa Yokaana: Wayetebwanga Keefa, (amakulu galyo niritegeezebwa nti Peetero). ⁴³ . Olunaku olwaireku yatakire okuzwayo okwaba e Galiraaya, nabona OFiripo: OYesu namukoba nti Nsengeerya. ⁴⁴ . Naye OFiripo yaali w'e Besusayida, omu Kibuga kya Andereya n'OPeetero. ⁴⁵ . OFiripo nabona ONassanayiri namukoba nti Tubwoine oyo OMusa gwe yawandiikireku omu mateeka na bannabbi, OYesu, Omwana wa Yusufu, ow'e Nazaalesi. ⁴⁶ . ONassanayiri namukoba nti omu Nazaaleesi muyinza okuzwamu ekintu ekisai? OFiripo namukoba nti iza leke obone. ⁴⁷ . OYesu nabona ONassanayiri ngakwiza gyali, namubazaku nti Bona Omuisiraeri wamwei, ataalimu bukuyikuyi! ⁴⁸ . ONassanayiri namukoba nti wantegereire ayi? OYesu nairamu namukoba nti OFiripo nabbaire nga akyali kukweeta, obbaire omu Mutiini ninkubona. ⁴⁹ ONassanayiri namwiramu nti Labbi, niwe mwana wa Kanca: niwe Mukama wa Isiraei. ⁵⁰ . OYesu nairamu namukoba nti kubba nkukobere nti nkubwoine omu mutiini Yokaana oikiriza? Olibona ebikulu ebisinga ebyo. ⁵¹ . Namukoba nti Ddala mbakoba mti mulibona eigulru nga liswekukure, na bamalayika ba Kanca nga baniina era nga baikira oku Mwana wa Muntu.