¹ .Obaizukiryenge okugonderanga abafuga nabata n’obuyinza, okuwuranga, nokuteeketeka okukola omulumu ogusai. ² . Obutalwaananga okwewombeekanga, nka bakulanga obugondu eddi abantu boona. ³ . Kubba naiswe eirai twali basirusiru, abatawuura, ababeegebwa, nka tuweereza okwegomba ebinyumu ebitalumu nka tuli mwitima n’obwiiya, abecayisia erate nka tucawangana. ⁴ . Baitu obusai bwomulokozi waiswe kanca n’okwendya kwaamwe mubantu nibyabonekere,. ⁵ Natulokola, ti lwa bikolwa bye tukoola iswe okutoolaku olwakusaasira kwaamwe olwakunaabibwa okwakubyaalibwa omulundi ogwakabiri, nokucusibwa abayaaka omumwoyo ogwiikirire. ⁶ . we eya tusukireku obuguuda mubwiingi omu Yesu Kristo. Omucunguli waiswe. ⁷ . Nka tumala okufuna obwikiriiri olwa kisa kyamwe,leke tufuke abasika omukusubira obwomi obutaliwawo. ⁸ .Ekigambo kini kyesigwa, nabuni nkwendya we okakasenge kyalumwei, abaikiriza okanca abaizukiringe okubatangaku omwoyo kubikolwa ebisai. Ebyo bisai, erate bijuna abantu. ⁹ . Baitu wewalenge empaka ezabusirusiru n’ebitabo ebilumu endyo, ezakubyaalibwa nentalo n’okuwakanira amateeka, obyewalenge kubba tebiriku kye bigasa kuba tibirumu. ¹⁰ . Omuntu omubbi, nomalanga okumulamba omurundi ogwekereire nogwakabiri, omugaananga ¹¹ . Nga omaite ali nka oyo amare acamizibwa erate omusiisi, yeesalire yennkai omusango. ¹² .Nentumanga atema jjoli ofubanga okwiiza gyendi omu nikopoli; kubba nsaarewo okubba eyo mubiro byamulombe. ¹³ . Fuba okusibira njeena owamateeka no Apolo baleke okubulwa ekintu. ¹⁴ . Erate abaiswe beege okutangayo omwoyo oku bikolwa ebisai omubigambo ebyendebwa, balekenge obutabala. ¹⁵ . Abali nanje boona bakulamucirye olamucce abatwendya mukwiikiriza. Ekisa kibenge nanywe nyweena