¹ Eji ontumwa owa Iramyo eya Efeso wandikiika; nti nimwo asimoola oyo akwata obunyenyenzi omusanju omu mukono gwaamwe ogulyo,atambuura akaati wa ttaala omusanju eza zaabu, ² nti,mmaite ebikolwa byaamu,n'okufuba kwamu n'okuguminkiriza kwaamu,era nga toyinza kuguminkirza babbi,era wa boyeirwe abeeyeta abakweda ate nga tinibo ,era wababoine nga babeyegi; ³ Mmaite nga oli muguminkiriza ,era wagumire olwa ibara ryange,notakerwa ⁴ Baitu nnyina ensoga okuwe,kubanga walekere okwedya kwamu okwekeereire. ⁵ Ale izukira jiwagwiriire,oyendeka omwoyo ,okole ebikolwa bye wakolanga okwekeera,notolikola otyo,ndiiza gyoli,ninyiyawo ekikondo kya ttaala yaamu omu kifo kyayo,okutolaku nga oyendekere omwoyo. ⁶ Baitu kinu nikyo ky'olina,onugwa ebikolwa byAbanikolayiiti,nanje nibyo nnugwa. ⁷ Alina okutwi awuure omwoyo kyakukoba eiramyo, oyo awangula ndimuwa okulya oku musaale ogwa bwoomi,oguli akaati omu lusuuku lwa Kanca. ⁸ Era eji ontumwa owa Iramyo ya mu ssumuna wandiika oti;Ati nimwo asimoola owa kwekeera era owa nkomerero,eyaali afiire ate nabba mwoomi ⁹ nti mmaite okuwaralya kwamu n'obwooro bwaamu ,baitu kooli muggaigai,n'okutyoboola kwaabo abeeyeta Abayudaaya ate nga tinibo,baitu ikumbaniro rya sitaani. ¹¹ Ayina okutwi,awuure omwoyo kyakukoba eiramyo, awangula talirumwa nakadooli okufa kwa kabiri ¹⁰ Totiina byokwaaba okuwaralibwa,bona,sitaani ali ampi okunaga abamwe omu nnywe omu nkomyo,mukemebwe, era muliwaralibwa ebiro Ikumi,banga mwesigwa okwiika okufa,ale nkwiza kukuweerya obwoomi. ¹² Era eji,otumwa owa Iramyo erya mu perugamo wandiika oti;ati nimwo asimoola oyo alina okyogi ekisala nobwogi obubiri. ¹³ nti mmaite joikala awali entenbe eya bukama eya sitaani ,era okwaata eibara ryange,ate tiweegananga kwiikiriza kwange,n'omu biro bya Antipa,omujjuurwa wange omusaiza wange omwesigwa,ayaittiirwe ewaanywe,eyo o'sitaani nijo aba. ¹⁴ Baitu ndina ensoga jidooli okuwe,eyo olinayo abantu abasengeerya okwegesya kwa Balamu,eyayegeserye o'Balaki okuteeka enkoge omu maiso g'abaana ba Isiraeri,nabaliisirye ebyaweweibwe eji ebiisani n'okusiyana ¹⁵ era olinayo nabakwata okwegesya kwa Banikolayiti. ¹⁶ ale wendeka omwoyo,naye notalyedeka mwoyo,ndiiza gyooli mangu,ni ndwana nabo n'ekyogi ekya mu kanwa kange. ¹⁷ ayina okutwi awuure omwoyo kyakukoba eiramyo.aliwangula ndimuwa oku maanu eyakwekeibwe,era ndimuwa eibbaale eryeru eriwandiikiibweku eibara eriyaaka,eritamaitiibwe muntu wundi yeena wabula oyo aliweebwa". ¹⁸ "Era eji ontumwa owa Iramyo erya mu suwatira oti;ati nimwo asimoola omwana wa Kanca,alina amaiso agali nkedumi za muuro,namagulu gaamwe biisana nkekikomo ekizigule; ¹⁹ nti maaite ebikolwa byamwe n'okwedya n,okwiikiriza nobuweereza n'okuguminkiriza kwaamu,nebikolwa byaamu ebya luzwanyuma nga bingi okukira ebya kwekeera. ²⁰ Baitu nina esonga okuwe,kubaga oleka omukali Yezeberi,eyeeyetere omulagi,akyamya abaweereza bange omu busiyani n'okulyaga ebiweweibweyo eji ebiisani. ²¹ namuwaire eibbaga okuwendeka omwoyo,nk'abaana okuwendekera obusiyanni bwanywe. ²² Bona ndi muta okukitanda ni mulwalisya, era muwaralibwe aamwe ne beyasiyananga nabo,okutoolaku nga bendekereire ebikolwa byabwe. ²³ era nabaana baa ndibaitta olumbe,olwo eiramyo goona galyoke geeteje nga ninje akebera emyoyo n'emyoyo, era nga ndisasula buli muntu nka ebikolwa byamwe ni biri; ²⁴ Naye nywe nkubakoba,abasigairewo aba mu suwatira,boona abatalina okwegesya kunu,abatamaite bya munda sitaani ,nka ni basimoola,tinkubataaku nnywe mugugu gundi. ²⁵ wabula kye mulina mukikwatenge,okwiica lwe ndiiza. ²⁶ oyo wangula nakwatanga ebikolwa byage okwiica oku mwiiso ndimuwa obukama oku maanga, ²⁷ era ali galiisya n'omwiigo gwa kyooma,nagaatyatya nk'ebibya ebibumbe ni byatikayatika, nanje nka ni naweweibwe oitage. ²⁸ era ndimuwa akanyenyezi aka mmambya. ²⁹ alina okutwi awuure omwoyo kya kukoba eiramyo.