¹ . Oluzwanyuma lw'ebyo ni mpuura eiraka erikooto erya kibbuura ekikooto omwiguru nga bakusimoola nti Aleluuya abacunguri n'ekitinisya, n'obuyinza nibyo bya Kanca waiswe. ² Kubanga ensala yaanywe eya misango yabwenkanya era yamazima,kubanga asaniire omusango omwenzi omukulayo,eyasisire ensi n'obwenzi bwamwe . ³ Era ni basimoola nti ;Aleluuya n'omwiika gwamwe gunyonka emirembe seregenyi. ⁴ Nabakaire amakumi abiri banai ni bafukamira ni basaba o'Kanca aikala oku ntebe,nga basimoola bati;Aleluuya Amiina. ⁵ Eiraka nirizwa omu ntebe nga likusimoola liti; mutendereze o'Kanca waiswe, nywe nyweena abairu baamwe,abamutiina ,abato n'abakulu. ⁶ Ni mpuura nga eiraka erya kibbuura ekikooto era nk'eiraka erya maizi againgi era nk'eiraka erya kubbwatuka okwa maani,nga likusimoola liti;Aleluuya kubanga o'Kanca waiswe omuyinza wa bintu byoona byoona afuga. ⁷ Tusanyuke, tujaguze,tumuwe ekitinisya ,kubanga obugole obwa mwana wa ntaama bwiikire, n'omukali waamwe yeteekereteekere. ⁸ Na weebwa okuzwala ebafuta ekweera ejisai;kubanga ebafuta enu nibyo bikolwa bya bwiikiiri obwa baikiiri. ¹⁰ Ninkutama omu maiso ga magulu gaamwe okumuramya.Nankoba ati,bona ,tokola otyo:ndi mwiru mwiraawo era owa mu baganda baamu abalina okutegeeza okwa Yesu:ramya Kanca.Kubanga okutegeeza okwa Yesu nigwo mwoyo gwa bulangi. ⁹ Nakoba ati ;wandiika oti baweweibwe omukisa abo abeetebwa oku mbaga eya bugole obwa mwana gwa ntaama,nankoba nti,ebyo nibyo bigambo eby'amazima ebya Kanca. ¹¹ Ni mbona eiguru nga liswekukire: era, bona ,ombalaasi omweru ,ne yaali ajikaiku,ayetebwa mwesigwa era wa mazima nomu bwikiiri asala omusango era alwana. ¹² Era amaiso gaamwe nigwo omuuroc ogwaaka,n'okumutwe engule zingi,era nga alina eibara eriwandikiibwe,omuntu yeena lyatamaite wabula niye yenkai. ¹³ Era nga azwaire ekyambalo ekimansirweku eisagama:neibara ryamwe niryetebwa kigambo kya Kanca. ¹⁵ N'omumunwa gwamwe muzwaamu empirima eya bwogi atema amaanga nayo;era alibafuga n'omwigo ogwa kyoma ;era aniina essogolero erya mwenge n'obusungu n'obwandi obwa Kanca omuyinza wa byoona. ¹⁶ Era alina oku kyambalo kyamwe n'oku kisambi kyamwe eibara eriwandikiibwe nti;"MUKAMA WA BAKAMA,ERA MUKAMA WA BAAMI". ¹⁴ Ne iye erya mwiguru ni limusengerya oku mbalaasi ejeeru, nga bazwaire ebafuta ejeeru ejisai. ¹⁸ mulyoke mulye enyama ya bakama,nenyama eya bagabe ,nenyama eya namaani, n'enyama eya mbalaasi ne yaabo abajikalaku,n'enyama eya boona aba eidembe era nabairu,abato n'abakulu." ¹⁷ Ni mbona ontumwa nga ayemereire omwiisana;nasimoora aiguru neiraka erikooto ,na kukoba ebinyonyi byona ebiguluka omwiibbanga nti,"Mwiize tukumbaane okumbaga ejikulu eya Kanca; ²⁰ Ekisolo ni kikwatibwa amwe n'oyo omulangi wa bubeyegi eyakoore obubonero omu maiso gaayo ni yabeyegeserye abo abaikiriza akamanyisyo aka kisolo, naabo abasinza ekiisani kyayo:bakali-babiri nibanagibwa nga boomi omunyanja eya muuro eyaka n'ekibiriiti: ¹⁹ Ni mbona ekisolo ,n'abakama aba nsi ,neiye ryabwe nga bakumbaine okulwana n'oyo eyaali aikaire okumbalaasi neiye ryamwe . ²¹ n'abasigairewo ni baitibwa n'empirima yoyo eyaali aikaire oku mbalaasi',ekizwa omukanwa kaamwe:n'ebinyonyi byoona ni biikutira oku nyama yaabwe. 20