¹ . Okwolesebwa kwa Yesu Kristo OKanca kwe yamuwaire okulanga abairu baamwe ebiteekwa amangu ,ate ye nabyakalya mu malayika wamwe nga akumutuma edi omuweereza owamweOYokaana. ² eyategezere ekigambo kya Kanca nokutegeeza kwa oYesu Kristo, byoona byoona byeyaboine. ³ alina omukisa oyo asoma,nabo abawuura ebigambo bya bulangi bunu, era nakwatanga ebyawandikiibwe mu bwo.kubaga ekiseera kiri ampi. ⁴ .OYokaana edi ekanisa omusanju eziri omu Asiya:Ekisa kibege nanywe ne mirembe ebizwa eji oyo aliwo era eyaaliwo era okwiza okubaawo,era ebizwa edi emwoyo omusanju ebisagibwa omu maiso ga ntebbe yamwe, ⁵ era ebizwa edi OYesu Kristo ,omujuurwa omwesigwa,omuberyeberye wa baffu,era afuga abakabaka omu nsi.atwendya,era yatusindabwire omu bibi byaiswe olwa musaayi gwamwe, ⁶ natufuula obukama,nabakabona edi oKanca oitamwe;ekitinisya n'obuyinza bibege edi oyo emirembe ne mirembe Amiina. ⁷ Bona,akwizira mu bicu,era buli riiso lirimubona,abamusumutire;ne bika byoona byoona ebya mu nsi birimukubira ebiwoobe,Nimwo kiri.Amiina. ⁸ "Ninje Alufa ninje Omega,asooka era asembayo"nimwo asiimola omukama oKanca,"aliwo era yaliwo era alibaawo ,afuga ebintu byoona byoona". ⁹ Ninje,Yokaana,omuganda wanywe era Ali ekimwe omu kuboonaboona no mu bukama no mu kuguminkiriza ebita mu Yesu,nabaire kukizinga ekyetebwa patumo,olwa kigambo kya Kanca era no kutegeeza okwa Yesu. ¹⁰ Naali mu mwoyo oku lunaku lwa Mukama waiswe,ne mpuura emabega wage eiraka erikooto,nka erya kagombe, ¹¹ nga kakusimoola nti"kyokubona wandiika omu kitabo,okiweereze ekanisa omusanju,eji Efeso,nedi Sumuna,nedi Perugumo,nedi Suwatira,nedi Saadi,nedi Firaderufiya,nedi Lawodikiya. ¹² Ninkyuuka okubona eiraka eryasimoire nanje.Ninakyukire,nembona e ttaala musanju eza zaabu, ¹³ naakati wa ttaala ni mbona akwiisana omwana wa muntu,nga azwaire okwika oku maggulu,era nga bamusibire omu kifuba olukoba lwa zaabu. ¹⁴ nomutwe gwamwe neisoke lyamwe byali byeeru nka ebyoya bya ntaama era nga bikweera nko muzira,namaiso gamwe nka endumi za muuro, ¹⁵ na magulu gamwe nga gakwiisana ekikomo kye bazigwiire,nke kirongoseibwe omu muuro;eiraka lyamwe nga likwiisana nka eiraka lya Miazi againgi. ¹⁶ . Era yaali akwaite omu mukono gwamwe ogulyo enyenyenzi musanju,no mu munwa gwali mukuzamu empirima esala eya bwogi obubiri, nobusyo bwamwe nga buli oti eisana nga newelyaka omu maani galyo. ¹⁷ Ni namubweine, ningwa oku magulu nemba nka afiire.Nataaku omukono gwamwe ogulyo,nasimoola nti ,"Totiina, ninje owaluberyeberye era te owa nkomerero, ¹⁸ .erate omwoomi,ate nail fire,ate,bona,ndi mwoomi emirembe ne mirembe,era te Indian ebisumulizo ebya kufa ne bya magombe. ¹⁹ Ati buni wandiika byobweine, ebiriwo,ne bikwaaba okubaawo oluzwanyuma lwe byo. ²⁰ Ekyama kya nyenyenzi omusanju zobweine omu mukono gwage ogulyo ne ttaala omusanju eza zaabu. Enyenyenzi omusanju nibo abamalayika ba kanisa omusaju. ne ttaala nizo ekanisa omusanju".